2 SAMUEL 22:3 - BAIBEL KANGTHIR (BSI)

³ Ne Arnamsi nekerai a-Bang, la pensi ne jok-lo. Chong asonsi la nephan railo, la nephan railo, nepajok-long-lo. La nekepajok abang-lo; kephangno ajakong pen la nephan railo lapen pajok-lo.

2 SAMUEL 22:3 ပူးပေါင်းရင်းမြစ်များ

KECHENG 15:1

Laso aphi, Abram isi thek-long-lo, lapen alangliphan Hemphu kepu ase arjulong-lo, “Phereri, Abram, Nangphan Ne kedo-an akesung pen khang thipji lapen nangphan isi thedung anong-e nangpiji.”

2 SAMUEL 22:31

Laso Arnam, la akam-heihei ko-an kechok-lim, la alam ko-an chikimeme!

2 SAMUEL 22:47

Hemphu renglang! Nekeraibang aphan rolo! Nephan nekepajok a-Arnam kangtang kethe alam pachethangnon!

2 SAMUEL 22:49

Lapen nehotur atum arideng pen la nepajok-lo, Hemphu, nang nehotur atum aphuthak nepahailo lapen kephangno amonit arideng pen nang nerailo.

2 SAMUEL 22:51

Amethang arecho aphan Arnam kepahai pathepik kangvaitang abangphan la akanghon kaike paklangver, David aphan lapen la aso-asu aphan kaiketa paklangver.

2 SAMUEL 23:3

Israel aphan kerai abang nephan ningjelo: “Ahok-akangsai pen kepangri arecho, la Arnam aphan kekroi pensi pangri,”

LUN ALOHTHUI 14:6

Kehingno akam keklem abang, asotdut atum kemang ason aning parun, bonta Hemphu laphan raipo.

LUN ALOHTHUI 140:1

Nepajoktha, Hemphu, kehingno amonit atum pen; avi kepabu amonit arideng pen nepajoktha.

LUN ALOHTHUI 140:11

Bang kaprek aphan ahok-hepin pen, kebok akam pachunche-nang, kehingno alar avi kepabu, amonit atum aphan pavirdetnang.

LUN ALOHTHUI 140:4

Neraitha, Hemphu; kehingno atum ajakong pen; nephan kepakrepji kemang amonit atum pen nepajoktha.

LUN ALOHTHUI 142:4

Ne dung ne chelang-lote, nephan nekerap abang baduta ave pu ne chethek-long-lo. Nephan nekerai abang inutbakta ave, Baduta nephan nelangle.

LUN ALOHTHUI 144:2

Alang nerai a-Bang, lapen ne kechedanpi a-Bang, nechong lapen nepajok a-Bang, alanglongsi kejokji aphan ne chiki, Alangsi det-heihei neber bilo.

LUN ALOHTHUI 18:2

Hemphu si ne-Rai a-Bang; la nepaisong kangtang-lo. Ne Arnamsi nerailo lapen ne jok-lo. Chong ason la nephan railo, la ne raisi nepajok-lo.

LUN ALOHTHUI 27:5

Kesung ahut la nepachongji; la Kardomhemthepi along jokvan pen nebiji, lapen arlong kangtui athak nepajokvanji.

LUN ALOHTHUI 28:7

Hemphu nerailo, nechedanpilo; ne laphan chikilo. La nephan nerapsi nepachehok-lo, Ning arong alun pen ne laphan roji.

LUN ALOHTHUI 3:3

Bonta nang, O Hemphu, nang kaiketa ne chong-lo; nang nephan pahailo, lapen ne ingthin chepathelo;

LUN ALOHTHUI 32:7

Nang ke ne chepatu adimlo, kesung pen nang nepajokpo, asekethe pen nang kepajok alun lunji, pima nang nerailo.

LUN ALOHTHUI 46:1

Arnam ke netum chepachong adim, lapen netum ajakong-lo, kesung ahut kaike nekerapjisi chesikding-lo.

LUN ALOHTHUI 46:11

Jakongkethenei Hemphu elong do; Jakob a-Arnam echong-lo.

LUN ALOHTHUI 46:2

Lasi netum phererelo, pirthe jongsi chikli vang setame, lapen inglongpi, talopi aklong inglim setame,

LUN ALOHTHUI 46:7

Jakongkethe Hemphu elong do, Jakob Arnam ke echong-lo.

LUN ALOHTHUI 5:12

Nangphan kekroi abang aphansi, nang pahirjume O Hemphu; chong asonsi nangkanghon latum aphan railo.

LUN ALOHTHUI 55:9

Pavirnon O Hemphu, Nehotur atum alam parlin-parlo-etnon, O Hemphu! Rongsopi along vi kepabu, lapen kethurkrap atum ne thek-long-lo.

LUN ALOHTHUI 59:16

Bonta nangjakong apot ne lunji, adapprangta nang kechemitme akanghon alun lunji. Nang ke ne kechepachong adim plangbomlo, Ne kesung ahut achong-lo.

LUN ALOHTHUI 61:3

Nephan kejokvan chepachong adim neponnon, pima nang neke-Rai a-Bang, ne hotur abethursi kangtangnei nekechedanpi a-Bang-lo.

LUN ALOHTHUI 71:7

Nekai ke-ongdung aphan isi arjan plang-lo, Pima nang nepharman chedan pangtang-lo,

LUN ALOHTHUI 72:14

Halatum aphan la kechenek, lapen avi kepabu pen la pajok-lo. La angno halatum achethe ador do-o-lo.

LUN ALOHTHUI 84:11

Hemphu ke ekerai a-Bang, lapen adak-atur arecholo, kangjinso lapen man pen epahirjumelo. La kopima akeme keklem atum aphan akeme amar kepiji mome.

LUN ALOHTHUI 84:9

Netum arecho aphan pahirjumetha O Arnam, nang kangvaitang arecho aphan.

LUN ALOHTHUI 86:14

Anekethe amonit atum nebethursi vang-lo, O Arnam; aning kesedeng asong ne kepathiji bor-ilo, latum nangphan ano chevarve.

LUN ALOHTHUI 9:10

Nangphan kechini atum Hemphu, nangphan chikipo; nanglong kevang abangphutin aphan nang o-e.

LUN ALOHTHUI 9:9

Hemphu ke kechenek kepho abang achong-lo, kesung ahut isi kejok adimlo.

KEBAR 15:2

Hemphu ke nejakong lapen nelun, Alang neliphan kepajok abang-lo. Alang ke ne Arnam, lapen Alangphan ne roji, Nepo a-Arnam, lapen Alang phan ne rungji.

SARLAMTHE 18:10

Hemphu ke isi kangtangklong ahemchardon ason hadak dhoromi atum dampen jok longpo.

SARLAMTHE 30:5

Arnam alamthetin ahok pu ang-thek do; Alanglilong kechepachong atum aphan la chong-lo.

ISAIAH 12:2

Arnamsi nepajok a-Bang; Alangliphan ne chikiji lapen pherere. Hemphu-si nephan jakong-horang nepilo; Alangli nepajok-abang.

ISAIAH 32:2

Latum abangphutin ta tomon pen chepachong lapen tomonpi-heihei pen kechepachong adim ason plangpo. Latum kejejangtang ajo keli aroiso-heihei ason lapen, aho-or kave alongle ajo thepai abin nangnak.

ISAIAH 45:21

Vang-ra Kangsaihem kepho alam van non; Kechedan pi abang inut inut parju lonang. Aphrang kopi plangjima komatsi kepu mek lo? La Ne Hemphu kalima, Arat aphan kepajok Arnam kalima? Akaprek Arnam baduta avelo.

JEREMIAH 16:19

Hemphu, Nangsi neli railo, lapen jakong nepilo; neli kesung ahut Nang nerap-lo. Det atum pirthe kejut pen vangsi pupo, “netum aphusar atum thangta kali, bonta alekave akumlin-heihei chot.

JEREMIAH 16:9

Ne, Jakongkethe Hemphu, Israel a-Arnam kopima kepule arjunon. Ning arong arki lapen kechehok arki lapen piso kepangri arong-aje arki Ne pangsamriji. Lahei kethek-longjisi hadak kedo arat atum vangpo.

LUK KETOK ABIRTA KEME 1:47

Lapen neli karjongta ne-Kepajok a-Bang, Arnam pen apot chehok-olo.

LUK KETOK ABIRTA KEME 1:69

Lapen alangli amethang aban, David akhei angbong pen etum aphan ajok inut a-Jakongthepik, Kepajok a-Bang paplangtang-lo.

LUK KETOK ABIRTA KEME 1:71

Ephusar atum aphan kangjinso kepaklangjisi alangli ehotur lapen ekehijim atum arideng pen ilitum aphan epajokji.

KETHAN 32:37

Anke arat aphan Hemphu arjupo, “Nangtum kechiki ajakong kethe arnam-heihei konat-lo?

KETHAN 32:4

“Hemphu-ke nangtum aphan thedung nangkechedanpi abang-lo, Alangli tovarke chok-lim lapen ingsaipame; Nang Arnam ke kekroithirklong lapen ahokpet; kopisi akechok lapen akeme la klemlo.

KETHAN 33:29

Israel, nang ko-an kerengme! Nang asonthot baduta ave, Hemphu pen ajok kepajok akhei. Hemphu amethangsi nangchong lapen nokjirlo, nangphan nangkechedanpiji lapen kepahaiji aphan. Nanghotur atum vangsi kangjinso chohangpo, lapen nang latum aphan dongruipo.

TAITAS 3:4

Bonta ekepajok abang, Arnam akangjinso lapen akanghon keklang ahut

TAITAS 3:6

Ekepajok abang Jisu Khristo pen ajok Arnam ilitum aphan Karjong Kangthir epipamelo.

IBRI 2:13

Lapen alangli pulo, “Ne Arnam aphansi chikipo.” Lapen alangli puthulo, “Langtha, ne lapen Arnam nekepitang asomar atum ladaksi do.”

1 SAMUEL 2:1

Hannah ardomlo: Ning arong pen Hemphu nepaplengset-lo; la keklem apot ne ko-an rengme! Ne hotur atum aphan ne ingnekchoilo, Arnam nekerap apot ko-an ne nening arong!

1 SAMUEL 2:2

Baduta Hemphu ason ingthirthe; La ason baduta ave, netum a-Arnam ason keraithek abang ave.