1 SAMUEL 8:7 - BAIBEL KANGTHIR (BSI)

⁷ lapen Hemphu pulo, “Nangphan rat atum nangkepu athetin arjunon. Nangphan le halatum kangvaive kali; nephansi halatum arecholo pu ingvaivelo.

1 SAMUEL 8:7 ပူးပေါင်းရင်းမြစ်များ

1 SAMUEL 10:19

Ne nangtum a-Arnamlo, nangtum kepachoi lapen akesung-heihei an pen nangkepajok Abang-lo, bonta nangtum pini Nephan Ne-otang-lo, lapen inut arecho nangtum aphan nangji pusi nehang-lo. Mesen, tangte Hemphu angno akheitin, arotin nangtum chingrumnon.’”

LUK KETOK ABIRTA KEME 19:27

Lapen ke neliphan halatum aphuthak recho kepachoji aning kehanghe atum aphan neli long vanpet non, lapen neli ingnole latum aphan pathi-etnon.’”

LUK KETOK ABIRTA KEME 10:16

Jisu alangli sangho atum aphan pulo, “Nangtum alam karju abang ke nephansi arjulo; nangtum aphan kechakche abang ke nephansi kechakchelo; lapen nephan kechakche abang aling ke nephan neketoi abang aphanta chakchelo.”

KEBAR 16:8

Anke Moses pulo, “La Hemphu si nangtum aphan arnikangsam ok nangpipo, lapen nangtum nangning hang-an adap cholongpo, pima nangtum kopu-ansi Alang phuthak pasimuloma Alang arjulong-lo. Nangtum netum aphuthak kepasimu ahut, chenamsi nangtum Hemphu aphuthaksi kepasimulo.”

LUK KETOK ABIRTA KEME 19:14

Bonta alangli arat aso atum alangliphan hijimpet-lo, lapen alangli phi keng keng pherangke atum toidunsi papulo, ‘Nelitum aphuthak labangso amonit recho kechoji aphan nelitum ning hanghe.’

MATHIU 10:40

“Badutame nangtum aphan kechak abang ke nephan chak-lo, lapen nephan kechak abang ke nephan nangketoi abang aphan chak-lo.

JON KETOK ABIRTA KEME 13:16

Neli nanglitum aphan ahokpetsi nangpulang, a-Hemphu apar aban abang themu, lapu kali, lapen apherangke abang ke alangliphan nangketoi abang apar themu, lapu kali.

ISAIAH 66:4

La apotsi Ne latum aphuthak akevir vanpo, latum kepherenei ason-pima Ne kehang ahut baduta nangthakthe det-lo mate Ne keningje ahut ano chedende det lo. Latum Nephan kekroikrejisi chongvailo lapen kehingnosi klemlo.

KELAKHA 22:20

Halaso aningve Balaam along Arnam vang-lo lapen arjulo, “Lahei amonit atum along dun nangji pu nangpulote, kedunjile chesiknon, bonta ne kopima nangphan nangkethan lale klemchotnon.”

KANGSAI ATUM 8:23

Gideon thak-lo, “Ne nangtum aphan kepangri abang kalilo, nesomar atumta kalilo. Hemphu-si nangtum aphan pangripo.”

1 SAMUEL 8:8

Ne halatum aphan Ijip pen kevan arni pen kaita halatum Ne pen suiver lapen akaprek a-arnam-heihei aphansi archoverlo; lapen Nephan keklem asonthotsi halatum non nangphanta klemlo.

1 SAMUEL 8:22

Hemphu la aphan thak-lo, “Halatum kehang alingle klemnon lapen halatum aphan inut arecho batpinon.” Ansi kedo-an Israel amonit atum aphan Samuel hem pachedam toilo.

1 SAMUEL 12:1

Anke Israel arat aphan Samuel pulo, “Nanglitum nangpaklemtoi akam neli klemtang-lo. Nanglitum aphan kepangrijisi recho inut nanglitum aphan nangpitang-lo,

1 SAMUEL 12:12

Bonta Ammon arecho Nahash nanglitum aphan ketengkhengji thek-long-lo, nanglitum Hemphu aphan nanglitum arecholo pu ingvaivedet-lo lapen neliphan pulo, ‘Nelitum aphan kepangri abang inut arecho netum nangji.’”

JEREMIAH 34:14

throksi kechok aningkanvang latum Ibri aban ningkan throk latum aphan kangduktang abangphan pajok nangji. Bonta nangphusar atum nephan ano chedende mate nelam arjuje.

EZEKIEL 2:3

“Kethi-un amonit, Israel arat anat Ne nangphan nangtoilo. Latum Nebe thursi Nepen suitang-lo lapen aphusar atum ason thurbomlang.

EZEKIEL 3:7

Bonta Israel arat atum inut bakta karjuji aning hang abang avedetji; latum Nephanta arjuje. Latum kedo-anta ningkluijui lapen kroi-ingtungte.