1 SAMUEL 8:3 - BAIBEL KANGTHIR (BSI)

³ Bonta latum apo atovar damdedet-lo; latum tangka kelongji aphan aninghang-o, lasi latum tangka chodeng chonghulo, lapen ahokpet pen lam ingsaiselo.

1 SAMUEL 8:3 ပူးပေါင်းရင်းမြစ်များ

2 SAMUEL 15:4

Lapen la pulo, “Neli kangsai abang asonte neli ko-an ingsai ingtung-loma. Anke lam kepho an mate kehangji ateng nelilong vanglongpo, lapen neli halatum aphan ahok-akangsai pidun longpo.”

LUN ALOHTHUI 15:5

La param seta ale hanghe, ado kave atum aphuthak kephangnoji aphan, tangka kepi pen laphan bai-un-e. Lason keklem abang kaiketa jokvan.

LUN ALOHTHUI 26:10

Latum kaita kehingno akam klemver, lapen tangka chover.

KEBAR 18:21

Bonta la aparta, nangli ajehak keklemthek abangphu atum aphan ingvainon lapen halatum aphan rat ajalin batnon: Bangsuri atum ajalin, bang pharo, bang phokep atum, lapen bang kep atum ajalin. Latum Arnam aphan kephere atum nangji lapen latum chikiklong nangji lapen latum aphan tangka pen bai un-edet nangji.

KEBAR 23:6

Kangsaihem keduk abang kevang ahut ahok-akangsai palongledet nangne.

KEBAR 23:8

Tangka cho-enri, athema tangka kecho-en pen ajok inut amonit ahok anat amek selokjok titi lapen adai kave atum aphan pavir-rong.

THANPARE 2:19

lapen halabangso reset tahai mate luvok tahai mat chini? Jat seta ne keklemtang amar an, ne bidi pen nephan kechepangrum amar an la chepahemphupo. La kedo-anta ale ave.

ISAIAH 1:23

Nang jalin atum kethurkrap atum lapen kanghu ajirpo atum lo; latum kaita dan lapen kevan atangka cho-enver. Latum kangsaihem jangreng atum aphan rai dunde mate hemepi la pho seta rap dunde.

ISAIAH 33:15

Nang kopima kepu ahok pen klemlote reng-longji keduk aphan kechobeijile nangjakong phangnori lapen tangka chori pran karmutji kemang atum pen mate kehingno keklem atum pen chelangri.

MIKAH 3:11

Latum ahemphu atum tangka chosi ingsai latum akurusar atum kethan chongdat, latum amontri atum tangka aphan sanglang tebonta halatum Hemphu aphan charchungsi pu, “Hemphu etum angbong dolo kalima? Thangnat kehingno etum aphuthak vangvelo.”

KETHAN 16:19

Latum ahok-hedet nangnelo mate latum kangsai ahut mane abe kedun paklang nangnelo; lapen latum tangka chodeng nangnelo, athema dan-heihei ke kereset lapen ahokpet amonit atum amekta palu thek-lo, lapen latum aphan ahok-he ason papharthek-lo.

1 TIMOTHI 3:3

alangli hor kangri kalite jakong pen kethur abang kalidet nangji, bonta kechingkime, kechebohonghe amonit nangji; alangli tangka hunghedet nangji;

1 TIMOTHI 6:10

Pima tangka kehung pen helo kehingno ason an nang keplang. Penang atum ke tangka hungsi kekroi pen suitang-lo, lapen ake-ongpi aningduk pen halatum aning chepathu-it-tang-lo.

1 SAMUEL 12:2

non alangli nanglitum aphan pajalongnon. Neli ke sartang-lo lapen nelichu lokpup-lo, lapen nelisomar nanglitum along dolo. Neriso ahut pen non pu anta neli nanglitum ajalinlo.

1 SAMUEL 2:35

Nephan kekroithirklong lapen la aphan Ne kepaklemtoi aling keklem abangphan Ne kurusar ingvaiji, la aphan Ne aso-asu piji lapen la Ne kangvaitang arecho angno ingdukpo.