1 SAMUEL 7:3 - BAIBEL KANGTHIR (BSI)

³ Israel arat aphan Samuel pulo, “Nangtum jongsi nangning aklong pen Hemphu anat pangnolo pulote kedo-an bang adet arnam-heihei lapen Astarte a-arnampi akumlin-heihei chevar-etnon. Nang methang Hemphu aphan chehodaira la aphanle archochotnon, lapen la Philistia ajakong pen nangtum aphan nangpajokpo.”

1 SAMUEL 7:3 ပူးပေါင်းရင်းမြစ်များ

KECHENG 35:2

Lasi hem isi aphan Jakob thanlo, lapen alanglilong kedo atum an aphan thanlo, “Bang adet a-arnam-heihei pen nangtum che-onon; nangtum chepangthirnon lapen pe kangthir chepindengnon.

1 RECHO 11:33

Ne la klemji pima Solomon Nephan kroimolo lapen bang adet arnam-heihei Astarte, Sidon arnampi, Moab arnam Kemosh, lapen Ammon arnam Molek aphansi archorong-lo. Solomon Nephan kroikretang-lo; la kechokchesi klemtang-lo, lapen la apo David keklem ason Ne aron-heihei lapen hukum-heihei klemkledet-lo.

1 RECHO 8:48

Halabangso adet along ahokpet pen lapen aning aklong pen aning cheruira laso alongle Nang netum aphusar atum aphan kepi lapen Nang kangvaitang laso arongsopi lapen Nangphan ne nang kekimpi laso Kardomhemthepi anat pangno pen ardomlote,

2 RECHO 17:39

Nangtum Nephan kroinon, nang Arnam, Hemphu aphan, lapen nanghotur atum pen Ne nangpajokpo.”

2 RECHO 23:15

Israel aphan pap anat kejapon abang Nebat asopo Jeroboam Recho kekim Bethel along karcho adim-heihei anta Josiah phangnolo. Dovan sat-et-lo, la arlong pangje-ilo, lahei aduk paplang-et-lo; lapen la Asherah akumlin-heihei me phrinlo.

1 PHURKIMO 22:19

Non lasi Hemphu nang Arnam aphan nangning ajakong kedo-an lapen nangpran ajakong kedo-an pen ingduknon. Kardomhemthepi kekim pangchengnon, anke la arlo Hemphu Kechejok Asinduk lapen laphan karcho ji ke-en akaprek kangthir amar-heihei bi longpo.”

1 PHURKIMO 28:9

Lapen Solomon aphan alangli pulo, “Po, nangpo a-Arnam aphan nang chechininon lapen elep-pet aning penle lapen ning kehang pen alangliphan ingduknon. Alangli eli kematha lapen ening akar-i ason an chinipet abang-lo. Nang jongsi Alanglilong damlote, Alangli nangdengji, bonta nang jongsi Alangli pen chepahelo lote, Alangli kaike aphan nang-obuppo.

2 PHURKIMO 19:3

Nangli keklem akam Hemphu aning nangliphuthak papung-lo. Rat atum karcho arnampi Asherah akumlin-heihei nangli pavedet-lo, lapen nangli Arnam aning kehang keklemji bor-ilo.”

2 PHURKIMO 20:33

bonta karchotap adim-heihei pavir-et-edet-lo. Rat atum aphusar atum a-Arnam aphan aning aklong pen archochedet-lo.

2 PHURKIMO 30:19

“O nephusar atum a-Arnam Hemphu, Nangli mesen apot aron ateng pen chepangthirthe seta aning aklong pen Nangliphan karcho atum an aphan diyatha.”

SARLAMTHE 16:1

Ning akemang-heihei monit alongsi do; bonta kejutsi alam akethak-ke Arnam aridengsi do.

ISAIAH 55:7

Kehingno abang halatum, akehingno akai atovar pache-o nang lapen halatum akematha pachelarnang. Latum Hemphu, netum Arnam anat pavang nang; alangli kangjinso pen plengset lapen kediya prappik.

JEREMIAH 24:7

Ne helo Hemphu, pu latum aphan Ne pachini ingtungji. Anke latum Nerat plangpo lapen Ne, halatum a-Arnam plangpo, pima latum aning kedo-an pen Nerat nangchiruipo.”

JEREMIAH 36:3

Judah arat aphuthak Ne kepavirji pu alam latum aphuthak kevanji nening kehang an alam arjulong pen latum kehingno atovar pen aning chiruiji mene. Anke latum akehingno lapen apap-heihei Ne diyapo.”

JEREMIAH 4:1

Hemphu pulo, “Israel arat atum, nangtum jongsi suiji pulote Ne nat-le nangtum suinon. Nangtum jongsi kekroithirklong-lo lapen Ne kehijim akumlin-heihei chevarlote,

EZEKIEL 14:6

Non lasi, Ne keklem un a-Hemphu Israel atum aphan kopisi kepuma than non: Nang chevoira nangtum kehijimmeme akumlin-heihei che-o non.

EZEKIEL 18:31

Nangtum keklembom kehingno akam an che-onon, lapen nangtum methang aning lapen angthin chepami non. Kopisi Israel atum kethinangpo?

HOSEA 14:1

Israel arat atum, nang Arnam Hemphu along chiruinon. Nang pap si nangtum aphan patekungtoi lapen paklilo.

MATHIU 15:8

‘Labangso arat atum angtur pen nenong pathelo, bonta latum aning ke ne pen heloving-lo;

MATHIU 4:10

Ansi Jisu alangliphan pulo, “Damnon, Soitan! Pima la hastro along toktang-lo, ‘Hemphu, atheke nang Arnam aphan helo nang kangduk-kardom nangji, lapen alangliphansi ingdukchot nangji!’”

MATHIU 6:24

“Badutame hemphu bang hini aphan chongduk rappet un-e, pima alangli la inut abang aphan langseletpo lapen anut kaprek aphan inghonpo; kalite inut abang aphan ahukum kroipo, lapen akaprek aphan hijimpo. Nangtum Arnam lapen tangka aphan ingduk rappet un-e.

LUK KETOK ABIRTA KEME 4:8

Jisu thaksi alangliphan pulo, “‘Hemphu nang Arnam aphanle ardomkhrup-ra alangli phanle ingduk-chot nangji,’ lake tok tang-lo.”

JON KETOK ABIRTA KEME 4:24

Arnam ke Karjong, lapen alangphan karcho atum anke Karjong lapen ahokpet pensi archo nangji.”

KETHAN 10:20

Nang Arnam Hemphu aphan kroinon, lapen Alangliphanle archochotnon. Alangliphan kroi-thipnon, lapen Alangli men penle seme tang chotnon.

KETHAN 13:4

Hemphu aphanle hungnon, lapen laphanle aman pinon; laphan kroinon lapen Alangli hukum-heihei kroinon laphanle archonon, lapen laphanle kroithipnon.

KETHAN 4:29

Hadak nangtum Arnam Hemphu aphan cholangdingpo, lapen nangning aklong pen Alangliphan rilote, nangtum Alangliphan longji.

KETHAN 6:13

Hemphu nang Arnam aphan aman pinon, Alangliphanle archo chotnon, lapen Alangli men penle nangtum aseme tangchotnon.

JOSHUA 13:31

lapen Gilead achitim, lapen Ashtaroth, lapen Edrei, lake Bashan along Og adet arongsopi-heihei; hadak Manasseh asopo Makir lapen la ahemtun adon-heihei Makir ebeng akhei aphanta longle apharman pilo.

JOSHUA 24:14

Joshua pubomlo, “Non lasi, Hemphu aphan man pinon lapen kekroithirklong pen la aphan kangdukjisi mon-enon. Mesopotamia lapen Ijip along nangphusar atum karcho a-arnam-heihei che-o-etnon lapen Hemphu aphanle ingdukchotnon.

JOSHUA 24:23

Alangli hang-lo, “Tangte nangtum along kedo bang adet a-arnam atum pen che-onon, lapen nangtum ahokpet akekroi Israel a-Arnam Hemphu aphanle pinon.”

KANGSAI ATUM 10:16

Lasi halatum bang adet a-arnam che-osi Hemphu aphan archolo; lapen Israel atum kesung aphuthak la ta sungdun nang-lo.

KANGSAI ATUM 10:6

Puthot Israel atum Baal-heihei, lapen Astartes lapen Siria, Sidon, Moab, Ammon lapen Philistia atum a-arnam-heihei aphan karchodun pen ajok Hemphu aphan langplotsi pap klemlo. Latum Hemphu aphan obub-lo, lapen laphan archochedet-lo.

KANGSAI ATUM 2:11

Israel arat atum Hemphu aphan langplotsi pap klemlo lapen Baal-heihei aphan kangduk pangcheng-lo.

KANGSAI ATUM 2:13

Latum Hemphu aphan archochesi Baal-heihei lapen Astartes aphan ingduk-lo.

1 SAMUEL 31:10

Lapen la arisim Astarte arnampi akardomhem along latum bilo, lapen la abang arpum Beth Shan arongsopi apai arpong along tarlok-lo.