1 SAMUEL 26:9 - BAIBEL KANGTHIR (BSI)

⁹ Bonta David thak-lo, “Nang la aphan papho nangne! Hemphu kangvaitang arecho aphan kepapho abangphan la aduk pivekji.

1 SAMUEL 26:9 ပူးပေါင်းရင်းမြစ်များ

2 SAMUEL 1:14

La aphan David arjulo, “Nang kopusonsi Hemphu kangvaitang arecho aphan kepathihailo?”

2 SAMUEL 1:16

lapen Amalek aphan David pulo, ‘Nang la nang methang aphansi chevanlo. Nang Hemphu kangvai arecho aphan pathilo pu kepu amat pen nangmethangsi nangdo dolo pu hoktang-lo.’ ”

2 SAMUEL 19:22

Bonta Abishai lapen la a-ik aphan David pulo, “Nangtum ningje nangji pu komatsi nangkarjulo? Nangtum nephan pasung jilangma? Ne non Israel aputhakta parecholo, lapen inutbak a-Israel aphanta pini pathilongle.”

LUN ALOHTHUI 105:15

“Ne kangvaitang neban atum aphan paphori; Ne montri atum aphan ot-ri.”

LUN ALOHTHUI 17:4

Bang ason ne lamjuno ningjeje, nang hukum ne kroitang-lo; lapen avi kepabu atovar en-edet-lo.

LUN ALOHTHUI 57:1

Ne ingjinsotha, O Arnam, ingjinsotha, pima kechepachongjisi ne nanglong vang-lo lapen chikilo. Tomonthepi hamhetik nangvengkong, abin along ne chepachong-lo.

LUN ALOHTHUI 7:4

mate athe avepin pen ne hotur aphan avi pabulote, mate lahei angbong isibak ne klem-lote,

1 SAMUEL 10:1

Anke Samuel jit ajangthu abong ponlo, lapen Sol aphu athak dung-lo, lapen la aphan ingjup-lo, lapen pulo, “Alangli Israel arat aphuthak kepangriji aphan Hemphu nangliphan jangthu patip-lo. Nangli la arat aphuthak pangripo lapen halatum ahotur kedo-an pen raipo lapen lahelo Hemphu nangliphan ingvaitang-lo pu angthek-lo, la arat aphuthak kepangri abang-lo pu:

1 SAMUEL 12:3

Neli ladak dolo. Jongsi neli kechoklem chokche pulote non nedinnon Hemphu lapen la kangvaitang arecho angno. Neli mane achainong api lapen agadha ponpidet-loma? Mane aphan neli chobei loma lapen chenek-loma? Mane pen neli tangka chodeng chonghuloma? Lahei angbong jongsi neli klemlo pulote, neli kepontang amar voithu-etji.”

1 SAMUEL 26:8

David aphan Abishai pulo, “Paningve nangli hotur aphan Arnam nanglirideng hodaitang-lo. Non la achir pen la aphan toksi longle along krongplotpo, ephong anta chok ne bataihini klem nangnelo.!”