1 SAMUEL 2:9 - BAIBEL KANGTHIR (BSI)

⁹ Alangliphan kekroithip arat achethe rai bonta kehingno atum kangting ajo vir-et, inut amonit amethang ajakong pen hai un-e.

1 SAMUEL 2:9 ပူးပေါင်းရင်းမြစ်များ

JOB ALOH 18:18

Kerenglang atum kedo adim pen laphan phlung jui po, Kethe-ang pen phlungsi kangting padopo.

JOB ALOH 40:13

Latum kedo-an aphan longle pip etnon; chom arlo ingnang-et-non.

JOB ALOH 5:16

Keduk aphan la aningkethe pilo lapen ajat kelangno aphan khang-lo.

JOB ALOH 5:24

Anke nang nangpehem along ingsamjinpen dolongpo; nang nang-biresak chelang seta lahei jokvanji.

LUN ALOHTHUI 1:6

Dhoromi atum aphan Hemphu-si jalo lapen railo, bonta kehingno atum atovar ke virdetji.

LUN ALOHTHUI 105:37

Ansi alangli Israel aso aphan nangjalo, latum ser lapen rup cheponlo, lapen latum kedo-anta, a-ok mesen lapen ingtangrak saide.

LUN ALOHTHUI 121:3

Alang nangliphan paklilongle-detji, nangliphan nangkerai a-Bang kaiketa amek jangje.

LUN ALOHTHUI 121:5

Hemphu nangliphan raiji, alang nangliphan keraijisi nanglidung doji.

LUN ALOHTHUI 121:8

Nangli kebar ahut, lapen hem kechevoithu ahut an, non pen kaike seta nangraiverpo.

LUN ALOHTHUI 145:20

Alangliphan kechinghon abangphutin aphan Alangli railo, bonta kehingno aphan Alangli pavirpo.

LUN ALOHTHUI 31:17

Ne nangphan nanghang-lo Hemphu, nepatherak longri, kehingno atumle patheraknang, latum chom anat padamjoi lonang.

LUN ALOHTHUI 37:28

Pima kechok ason Hemphu inghonlo, lapen la kekroithip arat aphan o-elo, latum aphan raiverlo; bonta kehingno aphan phlungjuipo.

LUN ALOHTHUI 94:18

Ne pulo, “Ne kreptang-lo,” bonta nang chemitme akanghonsi, nephan ne-ot-thip-lo, O Hemphu.

LUN ALOHTHUI 97:10

Kehingno kehijim atum aphan Hemphu inghonlo, la amethang arat aphan chinghonlo.

SARLAMTHE 16:9

Nang keklem akam mang tahai, bonta Arnamsi nangkam langji.

SARLAMTHE 2:8

Bang pen kemesen atum aphan alangli railo, lapen alangliphan kechehodai abangphan alangli tonpiding-lo.

SARLAMTHE 3:26

Hemphu-si nangphan nangpajok po. Alangli nangphan hilik arlo paklo longledet po.

THANPARE 5:17

Etum kangting akai ningduk, keningrinang lapen keso pensi kedonang.

THANPARE 9:11

Ason kaprek ne chinithulo, dak pirthe kekat keprap atum kekat chepate along haidunverve, lapen angthin kethe abang ron haidunverve. Kereset atum kaike chepareng thekverve, kematha thekser atum kaike plangverve, lapen ke-un atum kaike kangtui anghoi-heihei arlulongverve. Kehingno akopai kadokave aphanta plang.

ISAIAH 27:3

“Ne la aputhak hon lo, lapen lang chorbomlo. Laphan kephangno un-e detjisi ajo nerlo ne honlo.

ISAIAH 47:5

Bebilon aphan Hemphu pulo, “Kangsamri lapen kangting ajo le ingni non; baduta nangphan det-heihei arechopi pu nanghanghe lo!

JEREMIAH 8:14

Kopisi eli ingnilun-verlangma? Arnam arat atum arjulo, “Vangnon, paisong komchen arongsopi-heihei anat-le eli kat lonang, lapen hadak thi lonang. Etum a-Arnam Hemphu ephan epathitoilo; etum aphan Alang bikarsi epajuntoilo, pima Alang phan langphlotsi eli pap klemlo.

JEREMIAH 9:23

Hemphu pulo, “Kereset abang abidi apot lapen kangtangrak abang ajakong apot chepindak nangne, lapen keplang abang akhi apot chepindak nangne.

NAHUM 1:8

Langthepi ketui asonsi Alangli hotur aphan pavirlo; Alangliphan kekhang atum aphan kethiji anat Alangli toilo.

ZEPHANIAH 1:15

Halaso arni ke aningkethi arni, sungpik lapen ningdukpik arni, kephangno lapen kevir arni kangting lapen ningkethethe arni, Inghun lapen klolin arni.

ZEKARIAH 4:6

Ansi Alangli neliphan pulo, “Lake Jerubbabel aphan Hemphu alamlo: Chir-nok pen kali, jakong penta kali, bonta Nekarjong pen pusi muluk a-Hemphu pulo.

KELAKHA 6:24

Hemphu nangtum aphan nang pahirjume nang lapen nangpalana lonang;

MATHIU 8:12

bonta halabangso arat asomar atum aphan ingtan akangtingsi vardetji. Hadak latum chiru chernapsi aso cherdengji.”

ROM ASOR ATUM APHAN POL KETOK ALOH 3:19

Lasi ilitum chinilo, kadokave amonit atum aphan kepachethak dunji atovar pavedetsi Arnam kadokave amonit aphan kangsai longji aphansi Aron along ketok alam anke Aron aber kedo atum aphanlo.

KETHAN 33:3

Hemphu ke arat aphan chinghon lapen Alanglilong kedo atum an aphan rai. Lasi ili Alangli kengri ingphun pangkilo lapen Alangli hukum-heihei kroilo.

1 PITOR 1:5

Lahei hei ke nanglitum aphanlo. Nanglitum kejok kelongjisi nanglitum akekroi pen ajok Arnam ajakong pen nanglitum aphan railo. Kejut ahut labangso akejok kepaklangjisi siktang-lo.

2 PITOR 2:17

Labangso amonit atum ke kethep-hak alangso lapen tomon kejappon anghun hei hei asonthak thak-lo. Arnam latum aphan kangtingpik aherangpi thikpitang-lo.

JUD KETOK ALOH 1:1

Jems akorte lapen Jisu Khristo aban, neli Judsi nanglitum aphan, atheke Po, Arnam kephatang lapen kechinghon, lapen Jisu Khristo kerai atum an aphan labangso aloh tok-lo.

JUD KETOK ALOH 1:13

Latum ke talo alang angsum kethur angpip kechonpui asonthak thaksi amethang methang aketherakmeme akam hei hei chepaklang-lo. Latum ke kedamtap achiklo longso atum asonlo. Arnam latum aphan kejut un-epin akangting adim thikpitang-lo.

JUD KETOK ALOH 1:3

Neli kechinghon atum, neli nangli-tum aphan ilitum kelong akejok alamjir ketokji ning hang-olo. Bonta non amat ke Arnam amethang amonit atum aphan kepi, kelar un-epin akekroi nanglitum kerai thekji aphan ning nangkeparung alam ketoksi akenangsot pusi neli mathalo.

1 SAMUEL 25:26

lake Hemphu si nangliphan alarkehui pen lapen nangli hotur atum aphan kepathi pen pahelolo. Non neli kereng-et a-Hemphu amen pensi semetang-lo, nangli hotur kedo-an lapen nangliphan kephangnoji pu atum an Nabal aphan asonsi adukpipo.