1 SAMUEL 12:3 - BAIBEL KANGTHIR (BSI)

³ Neli ladak dolo. Jongsi neli kechoklem chokche pulote non nedinnon Hemphu lapen la kangvaitang arecho angno. Neli mane achainong api lapen agadha ponpidet-loma? Mane aphan neli chobei loma lapen chenek-loma? Mane pen neli tangka chodeng chonghuloma? Lahei angbong jongsi neli klemlo pulote, neli kepontang amar voithu-etji.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Hemphu ahukum ne kroitang-lo ne Arnam pen ne suise.

NEHEMIAH 5:11

Nanglitum aphan halatum nangkepi nangji apreng kedo-an hanghedetnon, tangka tame, sok tame, drakha ahor tame mate jit ajangthu tame. Halatum aphan ahidi-heihei, drakha aberi-heihei, jit ajangthu aberi tame, mate hem-heihei tame non amat halatum aphan voithu-et nangji!”

LUN ALOHTHUI 15:5

La param seta ale hanghe, ado kave atum aphuthak kephangnoji aphan, tangka kepi pen laphan bai-un-e. Lason keklem abang kaiketa jokvan.

KEBAR 20:17

Anut kaprek ahem amar ar-i-ri; la apiso aphan, la aban atum aphan, achainong, agadha-heihei, mate la kechepahemphu amar an aputhak ar-i ri.

KEBAR 22:4

Kanghu abangphu ahem jongsi chainong alo mate gadha mate biresak akereng long-lok-lo pulote la phanni chetu nangji.

KEBAR 23:8

Tangka cho-enri, athema tangka kecho-en pen ajok inut amonit ahok anat amek selokjok titi lapen adai kave atum aphan pavir-rong.

SARLAMTHE 15:27

Nang jongsi ahok-he pen ale ri bor-i lote, nanghemtun aphan kesung vanpo. Tangka kejoi chori lapen nangchethe dingpo.

LEVI 6:4

mane abang lason pap klemlote, alangli adai dolo, lapen ahok-he atovar pen kelong amar an chetuthu nangji. Alangliphan adai kenep arni amat, ahemphu aphan bangso abang chevoi-etnangji, lapen phankep pen phanni abat pinangji.

LEVI 6:5

Mate alangli kechobei pen kechechak ason an chevoithu-et nangji, lapen la along abat ke phankep pen phanni bat dun nangji, la ke adai athok kepi arni si ahemphu aphan pi nangji.

KELAKHA 16:15

Moses aningthihak-lo, lapen Hemphu aphan pulo, “Latum kevan ajat athok seta dengri. Latum aphan ne thangnatta kechokche klemkle; ne latum agadha ejonta ponpipe.”

MATHIU 22:21

Halatum pulo, “Koisor Recho.” Ansi Jisu halatum aphan pulo, “Tangte mesenlo, Koisor Recho amar an Koisor Recho aphan tunon, lapen Arnam amar an Arnam aphan tunon.”

LUK KETOK ABIRTA KEME 19:8

Malomso aphi Jakaias thursi Hemphu aphan pulo, “Arju iktha, Hemphu! Neli mar do-an achitim neli keduk kelak atum aphan pipo, lapen jongsi neli kechobei pen mane abang pen kopine enlote, halabangso abang aphan neli phan phli pithupo.”

AKAM 20:33

Neli badu amonit arup kalite aser, kalite ape-ari konkedet-lo.

2 KORINTH 12:14

Non neli nanglitum along batai kethom aphong kevangjisi chesik-lo—lapen neli nanglitum aphan thangta pasungsedetpo. Pima neli nanglitum akhile kenangji kali, nanglitum aphan mamatsi nangji; pima asomar atumsi api apo atum aphan tangka birtipi nangji, lapu kali; api apo atumsi asomar atum aphan tangka birtipi nangji.

KETHAN 16:19

Latum ahok-hedet nangnelo mate latum kangsai ahut mane abe kedun paklang nangnelo; lapen latum tangka chodeng nangnelo, athema dan-heihei ke kereset lapen ahokpet amonit atum amekta palu thek-lo, lapen latum aphan ahok-he ason papharthek-lo.

1 THESALONIKA 2:10

Nanglitum, kekroi atum angbong nelitum a-ot ingthir-et, athikpet lapen thang adai avelo, lake nanglitum lapen Arnam hakilo.

1 THESALONIKA 2:5

Nanglitum chinilo, nelitum kaiketa kero parlin alam ningjejelo, kalite mekplengple alam kepatuji abidi rirelo, lake Arnam nelitum ahakilo.

1 PITOR 5:2

Arnam kepavitoi abiresak atum aphan nanglitum vinon. Bonta atoi un-esi keklemchot lapu kalidet nangji. Nanglitum methang aning kehang penle klemnon. Ketherak meme, ale keri pen kali, bonta nangli-tum methang keklem kangtung penle klemnon.

1 SAMUEL 10:1

Anke Samuel jit ajangthu abong ponlo, lapen Sol aphu athak dung-lo, lapen la aphan ingjup-lo, lapen pulo, “Alangli Israel arat aphuthak kepangriji aphan Hemphu nangliphan jangthu patip-lo. Nangli la arat aphuthak pangripo lapen halatum ahotur kedo-an pen raipo lapen lahelo Hemphu nangliphan ingvaitang-lo pu angthek-lo, la arat aphuthak kepangri abang-lo pu:

1 SAMUEL 12:4

Rat atum thak-lo, “Kali, nangli cho-beibe lapen nechenekne, nangli badu penta thangnat amar ta pondetde.”

1 SAMUEL 12:5

Samuel thak-lo, Hemphu lapen la kangvaitang arecho helo pini ahakilo, nanglitum neliphan thangnat adai thek-longle pu kepu. Kalang! Hemphu-si hakilo, halatum thak-lo.

1 SAMUEL 2:35

Nephan kekroithirklong lapen la aphan Ne kepaklemtoi aling keklem abangphan Ne kurusar ingvaiji, la aphan Ne aso-asu piji lapen la Ne kangvaitang arecho angno ingdukpo.

1 SAMUEL 24:11

Lang iktha, ong, la nanglipe achet nanglang iktha! Neli nangliphan pathilotjita long-lo, bonta la klemklesi la bengchot-lo. Lapen neli nangliphan pachinilo, neli nanglibe kethurji mathathe mate nangli phangnone. Neliphan kepathiji nangli neridunbom, neli nangliphan thangta kechokche ason klemkle seta

1 SAMUEL 24:6

lapen la amonit aphan la chepulo, “Nehemphu aphan kephangno akam pen Hemphu nepahelonang, pima la Hemphu kangvaitang arecholo! Ne la aphan asapta paphophedetpo!”

1 SAMUEL 24:7

Lasi la amonit aphan David pakroilo lapen halatum Sol aphan tengkhengkhe-det-lo. Sol thursi longku olo, lapen atovar kedam pangcheng-lo.

1 SAMUEL 26:11

Hemphu kangvaitang arecho aphuthak neri kechirungji pu kebor-i Hemphu neliphan paklemklenang! Elitum la achir lapen alangbong ponra damlonang.”

1 SAMUEL 26:9

Bonta David thak-lo, “Nang la aphan papho nangne! Hemphu kangvaitang arecho aphan kepapho abangphan la aduk pivekji.