1 SAMUEL 11:4 - BAIBEL KANGTHIR (BSI)

⁴ Pherangke atum Sol kedo adim nanglelo, lapen halatum birta arjulong-lok pen rat atum aningdukpik-si chiru pangcheng-lo.

1 SAMUEL 11:4 ပူးပေါင်းရင်းမြစ်များ

KECHENG 27:38

Apo aphan Iso choningri-bomlang: “Nanglong isinat ahirjume tong kedochotma, po? Nephan ta pahirmetha, po!” La kechiru pangcheng-lo.

2 SAMUEL 21:6

Lasi aso pinso apoton bang throksi nanghodainon, lapen halatum aphan Hemphu angno Gibeon Hemphu kangvaitang arecho la Sol arong along kokthat-etpo.” “Halatum aphan nang hodaidetpo,” pusi recho thak-lo.

1 PHURKIMO 12:3

Latum Gibeah pen Shemaah asopo Ahiezer lapen Jos ahukum abersi klemlo. Ron-aso atum lahei helo: Azmaveth asopo Jeziel lapen Pelet, Anathoth pen Berakah lapen Jehu,

ROM ASOR ATUM APHAN POL KETOK ALOH 12:15

Ning arong atum along ning chepa-rongdun non, kechiru atum along chirudunnon.

1 KORINTH 12:26

Bang arpum a-ok athan hei hei angbong pen ethan abang aduk dolote, kadokave athanta aduk dodunrappet-lo; lapen a-ok ethan abang aman long-lote, kadokave athanta chehokdunrap rap-lo.

GALASIA 6:2

Nanglitum lahin lahin anghor chinghorpi seroi nangji. Lapuson atovar pensi nanglitum Khristo Aron kroithekpo.

IBRI 13:3

Nanglitumta hala phatek kejang atum along phatek jangdun rap rap-lo pule chemathara phatek kejang atum aphan mathaponnon, lapen hala anut kaprek atum keduk kesung kepho ke nanglitum methangsi keduk kesung kepholo pule mathara hala keduk kesung kepho atum aphan mathaponnon.

KANGSAI ATUM 2:4

Pherangke abang laso alam ningjedet aphi, Israel arat kedo-an kechiru pangcheng-lo,

KANGSAI ATUM 20:23

Latum alangliphan arjulo, “Netum akorte Benjamin abe kethur pen netum ron chedan damthu nangjima?” Hemphu thak-lo, “Kalang damnon.” Lasi Israel aron armu aning che-thelo lapen latum aron-aso atum aphan aphrang arni asonthot padolo.

KANGSAI ATUM 20:26

Ansi kedo-an Israel arat atum Bethel along damsi ningri damlo. Hemphu angno latum ingniphrong-lo, lapen arnikangsam anta an chochedet-lo. Latum kechingrum athok-heihei lapen ajehak athok-heihei lapen danta Hemphu angno phrinlo.

KANGSAI ATUM 21:2

Lasi Israel arat atum Bethel along damlo, lapen arnikangsam an Arnam angno ingnilo. Asekethe lapen aning hodaksi chirulo:

1 SAMUEL 10:26

Solta Gibeah anat ahem chedamlo, lapen Arnam aningkeparung ajehak jakongkethenei amonit atum la along dunlo.

1 SAMUEL 14:2

Apo ke Migron along dalim arong arumsi mukam kimlo, la Gibeah pen helo-o-e; la along bang 600 amonit dolo.

1 SAMUEL 15:34

Ansi Ramah anat Samuel damlo, lapen Sol Recho ahem Gibeah anat chedamlo.

1 SAMUEL 30:4

David lapen la amonit atum kechiru pangcheng-lo, lapen latum ainilak-letik kechiru hamhedet-lo.