1 SAMUEL 10:6 - BAIBEL KANGTHIR (BSI)

⁶ Menmen amat Hemphu akarjong si nangliphan nangjapo lapen halatum dhorom alun akekan along nanglita chelangdunpo lapen nangli prekjek amonit plangpo.

1 SAMUEL 10:6 ပူးပေါင်းရင်းမြစ်များ

1 SAMUEL 10:10

Sol lapen aban Gibeah along kele pen esong amonit atum laphan chetong-lo. Menmen Arnam akarjong la aphan jalo, lapen halatum akekan, akehang along lata chelangdunlo.

KELAKHA 11:25

Anke Hemphu inghun along nanghirlo lapen alangliphan ningjelo. Alangli Moses aphan kepitang ajehak akarjong enlo lapen bang throksi kep ajalin atum aphan la pilo. Latum aphuthak karjong nangkehir ahut, latum montri atum asonsi kehang ase pathelo, bonta ajirdingde.

1 SAMUEL 16:13

Samuel jit ajangthu ponsi la a-ik atum angno David aphan jangthu patip-lo. La amat Hemphu akarjong David aphuthak plengset-lo, lapen halaso arni pen doverlo. Ansi Samuel Ramah anat chevoithulo.

KANGSAI ATUM 14:6

Menmen amat Hemphu ajakong Semson aphan pangtangrak-lo, lapen la hingho aphan ari angse pen bi aso aphan ason thakthak ingsekdak-lo. Bonta la kopi klemtang-loma apei-apo atum aphan chethanthedet-lo.

KANGSAI ATUM 3:10

Hemphu akarjong la aphuthak vang-lo, lapen la Israel atum ajalin plang-lo. Othniel ron damlo, lapen Hemphu la Mesopotamia arecho aphuthak kehaiji ajakong pidet-lo.

MATHIU 7:22

Halabangso arni ake-ongpi atum nephan ‘Hemphu, Hemphu! Nangmen pen netum montrilo, lapen nangmen pen hi-i atum aphan phlung-lo, lapen nangmen pen kemanghu meme akam ake-ongpi klemlo’ pusi puji.

KELAKHA 11:17

Ne nanghirsi hadak nangpen chingkipo, lapen nangphan ne nangkepitang ajehak akarjong nang pen ponsi latum aphan pipo, anke lahei arat arpu ke-en unji aphan latum nangphan nangrapdun unpo, lapen nang inutnat arpu en nangnelo.

KELAKHA 11:26

Bang throksi kep angbong banghini ajalin abang ke Eldad lapen Medad, latum mukam arlo sakok-lo lapen Pehem along damdelo. Hadak mukam along amat karjong latum aphuthak vang-lo, latumta montri atum asonsi kehang ase pathelo.

KELAKHA 11:29

Moses thak-lo, “Nangli nelining kehang aputhak mathama? Nelining kehangke Hemphu arat atum an aphuthak akarjong papinang lapen latum kedo-anta montri atum ason pahangjonang!”

1 SAMUEL 10:9

Samuel aphan Sol ke-ojipu kechetevar ahut Sol aphan Arnam isi a-ot kemi pilo. Lapen halabangso arni Samuel kepu alam an chekok et-lo.

1 SAMUEL 19:20

lasi la aphan kepangnang jisi ajehak amonit toilo. Halatum esong amontri atum kekan hangjo thek-long-lo, lapen Samuel halatum ajalinlo. Anke Sol amonit atum aphanta Arnam akarjong pen plengset-lo, lapen halatum anta kansi hangjolo.

KANGSAI ATUM 15:14

La Lehi alongle sok pen Philistia atum la anat nangkatsi la aphan hangprak-lo. Menmen Hemphu ajakong laphan pangtangrak-lo, lapen ari kangnang arri pen me kechotang ahon asonsi vungprup-lo.

1 SAMUEL 11:6

Sol la arjulong-lok pen Arnam akarjong la aphan jalo.