1 SAMUEL 10:1 - BAIBEL KANGTHIR (BSI)

¹ Anke Samuel jit ajangthu abong ponlo, lapen Sol aphu athak dung-lo, lapen la aphan ingjup-lo, lapen pulo, “Alangli Israel arat aphuthak kepangriji aphan Hemphu nangliphan jangthu patip-lo. Nangli la arat aphuthak pangripo lapen halatum ahotur kedo-an pen raipo lapen lahelo Hemphu nangliphan ingvaitang-lo pu angthek-lo, la arat aphuthak kepangri abang-lo pu:

1 SAMUEL 10:1 ပူးပေါင်းရင်းမြစ်များ

2 SAMUEL 1:14

La aphan David arjulo, “Nang kopusonsi Hemphu kangvaitang arecho aphan kepathihailo?”

2 SAMUEL 19:39

Anke David lapen amonit atum kedo-an Jordan hat-lo. Barzillai aphan alangli ingjup-lo, lapen la aphan ahirjume pilo, lapen Barzillai ahem chedamphit-lo.

2 SAMUEL 20:19

Nelitum arongsopi thepik, Israel angbong kangsamjinnei kekroinei arongsopilo. Nangli la kopisi kepavirji aphan kebor-iloma? Hemphu kechepahemphu amar nangli kepavirji nanglining hang-loma?”

2 SAMUEL 5:2

Kedamtang Sol nelitum arecho kechobom ahut seta nanglisi Israel arat aphan ron japonlo, lapen Hemphu nangliphan chechak-lo, nanglisi Alangli halatum aphan pangripo.”

1 RECHO 1:34

hadak Zadok, lapen Nathan la aphan Israel arecho kebat ajangthu patippo. Anke pong-ut butnon, lapen asekethe pen hangnon, ‘Solomon Recho achethe padingnang!’

1 RECHO 19:18

Seta Israel along bang suri 7 arat Ne pareng-longji la kedo-an atum Nephan kekroithip atumlo lapen Baal aphan angphun patongkike lapen la akumlin aphan kangjupje atumlo.”

2 RECHO 20:5

Hemphu arat kepangribang, Hezekiah along padamthutoilo, lapen laphan pulo, “Ne Hemphu, nangphusar David a-Arnam, nang kardom arjulong-lo lapen nang mekkri nangthek-long-lo. Ne nang pamepo, lapen nithom aphi nang Kardomhemthepi dam unpo.

2 RECHO 9:1

Halabangso ahut montri atum angbong inut ariso aphan Elisha montri hang-lo lapen laphan pulo, “Chesik-ra Gilead alongri Ramoth along damtha. Laso jit ajangthu nanglong cheponnon,

2 RECHO 9:12

Kali, netum chinine! halatum thak-lo, “la kopisi kepuma nethantha!” La nephan pulo, Hemphu pachethang-lo, “Nangphan Ne Israel arecho batsi jangthu patip-lo.”

LUN ALOHTHUI 135:4

Jakob aphan alangli methang aphan ingvailo, Israel arat alangli methang aphan.

LUN ALOHTHUI 2:12

La angno klemhur pen ardomnon, kalite la aning thidap-prangsi nang menmen thinangkokpo. La along kechepachongji aphan kedam atum an rengme.

LUN ALOHTHUI 78:71

hadaksi la api ahur bilo, lapen laphan alangli Israel arecho pinchong-lo, Arnam arat kevi abang-lo.

KEBAR 30:23

“Akemenei amosola hijung aphik alang linthrok, theng keching kedokjok lin thom, nok kedokjok lin thom,

JEREMIAH 10:16

Jakob a-Arnam ke lahei ason kali; Alang kadokave kepinchongpet abang-lo; lapen Israel atum amethang arat keplangji aphan Alang ingvailo. Jakongkethe Hemphu helo Alang men.

EZEKIEL 16:13

Nang ser, rup aroi arnan dolo lapen keroipame ape kanglit lapen pe honki nang kaike chingthang long lo. Nang akemenei asang aduk pen keselam ahim cholong-lo, lapen pijo alang jit ajangthu cholong-lo. Nang kelangme doilorlo, lapen nang inut arechopi nangplang-lo.

HOSEA 13:2

Latum kardom rup akumlin, ingchin arjan kethip pen ajok pap klemthubomlo, monit abidi pen monit ari pen arjan thip-lo. Ansi latum pulo, “Lahei aphan athok-ajir pinon!” Kosonsi monit atum halahei akumlin ingjuppoma, chainong alo arjan akumlin aphan!

AKAM 13:21

Ansi halatum recho nangji pusi choningri lo, lapen Arnam Benjamin akur Kush asopo Sol aphan recho bat-lo. Alangli ningkan phlikep an recho cholo.

KETHAN 32:9

bonta Jakob apoton ke Alangli methang aphansi chongvailo.”

1 THESALONIKA 5:26

Kekroi akorte atum an aphan kangthir akar-u penle kardom pinon.

IBRI 2:10

Arnam, atheke kado-kave kepinchong lapen kepadobom abang, asomar ake-ongpi atum aphan alangli dak atur kepalongjisi, Jisu keduk kesung kechechak pen apot alangliphan kechok-lim abang kepaplang ke kechokpame akamlo. Pima halatum kejok kelongji aphan kejalin abang ke Jisu helo.

KEPAKLANG 5:8

Alangli loh athui ke-en aphijong hala jonphli kereng-et api lapen akesar bang ingkoiraphli atum Biresak aso angno domkhrup-lo. Halatum abangphutinta kum isi-si lapen Ser aharlung dolo. Harlung along hijungsi plengset-lo. Lake kangthir atum Arnam aphan akardomlo.

1 SAMUEL 12:3

Neli ladak dolo. Jongsi neli kechoklem chokche pulote non nedinnon Hemphu lapen la kangvaitang arecho angno. Neli mane achainong api lapen agadha ponpidet-loma? Mane aphan neli chobei loma lapen chenek-loma? Mane pen neli tangka chodeng chonghuloma? Lahei angbong jongsi neli klemlo pulote, neli kepontang amar voithu-etji.”

1 SAMUEL 13:14

Bonta nonke nangli pangrilong-o-elo, pima nangli alangliphan kroikredet-lo. Hemphu aningkehang abang aphansi ingvaithurongpo lapen la arat aphuthak halabangso amonitsi pangripo.”

1 SAMUEL 15:1

Sol aphan Samuel pulo, “Hemphu Israel arat aphuthak recho kepachoji nangliphuthak jangthu kepatipjile la nangketoi bangphu neli helo. Non Jakongkethe Hemphu kopisi kepuma arjutha.

1 SAMUEL 15:17

Samuel thak-lo, “Nangmethang aphan thangta kali pu jonghe chepu seta nangli Israel ajalin lo. Nangliphan Hemphu Israel aphuthak recho bat-lo,

1 SAMUEL 16:1

Samuel Aphan Hemphu pulo, “Nang ni ko-ansi Sol aphuthak ningripoma? La aphan Israel arecho pu Ne dengdetang-lo. Bonta non ajehak jit ajangthu rinon lapen Bethlehem damra hadak Jesse pu inut amonit do, pima la asomar angbong inut abangphan Ne, recho ingvailo.”

1 SAMUEL 16:13

Samuel jit ajangthu ponsi la a-ik atum angno David aphan jangthu patip-lo. La amat Hemphu akarjong David aphuthak plengset-lo, lapen halaso arni pen doverlo. Ansi Samuel Ramah anat chevoithulo.

1 SAMUEL 2:10

Hemphu ahotur an pavir-etpo, halatum aphan la sining pen cheter paklopo. Hemphu-si pirthe adang ingsaipo; la arecho aphan la ajakong pipo, la kangvaitang recho aphan la pahaipo.

1 SAMUEL 24:6

lapen la amonit aphan la chepulo, “Nehemphu aphan kephangno akam pen Hemphu nepahelonang, pima la Hemphu kangvaitang arecholo! Ne la aphan asapta paphophedetpo!”

1 SAMUEL 26:11

Hemphu kangvaitang arecho aphuthak neri kechirungji pu kebor-i Hemphu neliphan paklemklenang! Elitum la achir lapen alangbong ponra damlonang.”

1 SAMUEL 26:9

Bonta David thak-lo, “Nang la aphan papho nangne! Hemphu kangvaitang arecho aphan kepapho abangphan la aduk pivekji.

1 SAMUEL 8:19

Rat atum Samuel alam ano chevarvedet-lo, bonta pulo, “Kali! Netum recho inut nangvekji,

1 SAMUEL 8:9

Lasi halatum alam arjunon, bonta pasodak pen halatum aphan pacheretoinon lapen halatum arecho halatum aphan kosonsi kelangponpoma than pajirminon.”

1 SAMUEL 9:16

“Penap laso apor Ne Benjamin akhei pen inut amonit nanglong nangtoipo, la nerat aso Israel aphan kepangrijile aphuthak jangthu patipnon, lapen la halatum aphan Philistia atum pen pajokpo. Nerat aso atum akesung Ne thek-long-lo, lapen halatum kerap kelongjile kehangjo Ne arjulong-lo.”

1 SAMUEL 9:27

Halatum rong akung nanglesi Sol aphan Samuel pulo, “Nangliban aphan eliphrang padamtoinon.” Ban abang damjuilo lapen Samuel ningjebomlo, “Ladak malomso do iktha lapen Arnam keputang alam neli nangliphan nangthanpo.”