TAUNET 41:8 - Bukuit Ne Tilil

⁸ Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

BUKUIT NE TILIIL Sireet ne Dutero Kanon

⁸ Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

BUKUIT NE TILIL

⁸ Ak kingoeech karon, koiimgei eng’ muguleldanyi; ak kiiyokto keguur sirik tugul che ng’omen che bo Misri, che ng’orsei, ak bik tugul che ng’omen che kimitei: ak kitetyi Parao ichek karuotitoennyi; ago kima biit chi ne kiimuch koguiyechi Parao karuotitaosiekyik.

TAUNET 41:8 ပူးပေါင်းရင်းမြစ်များ

TAUNET 40:6

Ye kingo nyo Joseph karon ole mi icheek, kogeer kole ki tinyei arageneet.

TAUNET 40:8

Koleenji icheek ineendet, “Kogirwotyi karwotitoet, ak ma mi chii ne imuuchi koboorwech ole teptoi.” Ak koleenji Joseph, “Tos ma po Kamuktaindet weekset? Kaigai anyun omwaiwo.”

TAUNET 41:15

Ki leenji `Pharaoh Joseph, “Koarwotyi karwotitoet, ma piit chii ne koimuuch koweech. Koagas agobo inyee keele, ngigas karwotitoet imuuchi iweech.”

TAUNET 41:24

Ak kolugui itichooto meiyotiin itiik chuun tisap myachen. Kinga mwachi piik che ng'oorsei, koma piit ne koimuuch koboorwo.”

TAUNET 41:7

Ki lugui itichooto po peechooto meiyotiin chuun tisap ruryotiin ak ko neryootiin. Ki siir anyun Pharaoh ak konai kole kaagaa karwotitoet.

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

KOMONG'U 7:11

Ki guur agine Pharaoh piik che tinyei utaatyet ak orgoik. Ak ki yai ak icheek ko uu nooto eng' ng'oorsennywa piigap Misiri che ng'oorsei ak che ng'oomen.

KOMONG'U 7:22

Ago ye kingo yai ko uu nooto eng' ng'oorsennywa ak icheek piik che ng'oomen che ng'oorsei che po Misiri, kogiuit muguleldap Pharaoh, ak ma kas iit icheek; ko uu ye ki kamwa Kamuktaindet ne Toroor.

KOMONG'U 8:7

Ago ki yai piik che ng'oomen che ng'oorsei eng' ng'oorsennywa ko uu nooto, ak komoong'ji mororochik emetap Misiri.

KOMONG'U 9:11

Ak ki ma imuuch kotononso piik che ng'oomen che ng'oorsei eng' taitap Musa, amu ondirichooto. Ki nam ondirik piik che ng'oomen che ng'oorsei ak icheek ko uu Misiriik.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

ISAIAH 8:19

Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 4:18

Ki ageer anee Laitoryat Nebukadnezar tuguuchuuto eng' karwotitoet. Ee inyee Belteshazzar, mwaa kaaroret, amu ma imuuchi piik tugul che ng'oomen che po pounatennyu koboorwo kaaroret; ago imuuchi inyee, amu menyin tamirmiryetap kamuktaik che tiliileen.”

DANIEL 4:19

Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

DANIEL 4:5

Ki arwotyi karwotitoet ne ki imua; ak ki ima kabwaatutik ak ng'ang'utik che ki pwanjo ami itogunnyu.

DANIEL 4:6

Ki ang'at anyun ng'atuutyet ale kimut piik tugul che ng'oomen che po Babilon kobwa tainnyu si kobiit koboorwo kaaroretap karwotitoet.

DANIEL 4:7

Ki pwa anyun piik che ng'oomen che ng'oorsei, ng'amotigap kecheik, Kaldeik ak chepsogeinik. Ki amwachi icheek karwotitaonooto, ago ma imuuch koarorwo.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

DANIEL 7:28

Igesunegei yuto ng'olyoondonooto. Ki iima miising' kabwaatutikyuk, anee Daniel, ak ki walak togeennyu; ago ki agonoree muguleldanyu ng'olyoondonooto.

DANIEL 8:27

Ara ki atanui anee Daniel, amyan peetuusyo; ye ibata, ang'eet ak ayai poisyetap laitoryat. Ago ki akwong'ee ng'ang'utyonooto ak ma piit chii ne ki iguiyo.

ATEPTAP LAWIK 19:31

“Amobe ye mi che poisyee oik anan pooniik; amocheeng'ate, si ma ing'wanitak. Aa Kamuktaindet ne Toroor Kamuktaindeng'wong'.

ATEPTAP LAWIK 20:6

“Aboorchini nereegegap togeennyu chiito ne mastoi kosubi ne poisyee oik ak pooniik, ne isubi koyaei ibeetapkei kobooto icheek, ak ang'etoi chiichooto eng' piikyik.

HABAKUK 3:16

Ki agas, ak kitilgei moennyu, ki potan kutinnyu eng' cheonooto. Ki nunio kawekyuk ak ki abotan eng' ole ki ami: Ki agen eng' siisinetapkei agobo peetuutap nyalilda, ne nyoonei koityin piik che ki ibookyo.

MATAYO 2:1

Ak ye kingo kagesich Jeso eng' Bethlehem ne po Judea eng' peetuusyek che po laitoryat Herod, ogeero, ki pwa Jerusalem piik che ng'oomen kobunu kong'asiis,

POISYONIGAP CHE KIYOKTOI 17:18

Ak ki tuiyo kobooto ineendet alak che po ng'amotigap Epikurio ak Stoiko. Ak kole alak, “Mwaei nee kipchang'alaini?” Kole alak, “Uu kabartaindet ne po kamuktaik che teer.” Ki mwa ng'aleechu amu ki amdoi agobo Jeso ak ng'eetyeet.

POISYONIGAP CHE KIYOKTOI 7:22

Ak ki kineet Musa utaatyet tugul ne po Misiriik ak ki kiim eng' ng'aleekyik ak poisyonikyik.

1 KORINTOEK 1:19

Amu ki kisir keele, Ang'eme utaatyet che utaatiin, Ak aeesyoi kaguiyetap icheeget che iguitos.

1 SAMUEL 6:2

Ki kuur anyun Philistiik tisiik ak che ng'oorsei ak koleenji, “Ki itoi nee moingetap Kamuktaindet ne Toroor? Oboorwech ole kiweektoitoi kwo oldanyi.”