TAUNET 41:42 - Bukuit Ne Tilil

⁴² Ki inem Pharaoh eng' eunnyi peteiyot ne po ng'ookset, ak konde eutap Joseph, ak kolelesonji ineendet eng' ngoroik che korooron che po katanit, ak konde sirimdo ne po thahabu kaatinnyi.

BUKUIT NE TILIIL Sireet ne Dutero Kanon

⁴² Ki inem Pharaoh eng' eunnyi peteiyot ne po ng'ookset, ak konde eutap Joseph, ak kolelesonji ineendet eng' ngoroik che korooron che po katanit, ak konde sirimdo ne po thahabu kaatinnyi.

BUKUIT NE TILIL

⁴² Ak kiinemune Parao eunnyin peteinnyi ne bo ng’okset, ak konde eutab Josep, ak kolelesonji inendet eng’ ngoroik che kororon che bo katanit, ak konde sirimdo ne bo tahabu katatinnyi.

TAUNET 41:42 ပူးပေါင်းရင်းမြစ်များ

TAUNET 38:18

Ki le Judah, “Nee kayasyoet ne agoonin?” Ki wolji koleenji, “Ng'okseng'ung' ak rogoet ak kiroktong'ung' no iting'e eung'ung'.” Ki igoochi tuguuchooto ak kotuiyogei anyun ak kimanage Tamar ineendet.

TAUNET 41:43

Ak ki igoochi `Pharaoh Joseph kolaany chepkichutinnyi ne po aeng' ne ki tinyei, ak kiboldos piik eng' tainnyi koleen, “Ogutuny!” Ak ki inde ineendet koboi emet komugul ne po Misiri.

ESTA 10:3

Amu ki ek Mordekai Yahudyot pounindet ne rubei Laitoryat Aasuerus, ak ki oo ineendet eng' Yahudik. Ki chamak eng' tupchosyekyik che chaang' amu ki cheeng' ak koboisyechi piikyik eng' ooreet ne myee, ak kong'alaaljin iyotennyi tugul agobo kaalyeet.

ESTA 3:10

Ara ki inem anyun laitoryat peteiyot eng' eunnyi ak kogoochi Haman weeriitap Hamedata Agagindet ne ki puunyootap Yahudik.

ESTA 3:12

Ki kiguur anyun siriigap laitoryat kobwa eng' arawet ne po tai eng' peetuutap taman ak somok, ak ki kisir ko uu tugul che ki ng'at Haman kong'atyi kiptainigap che mi kaplaitoryat, pounik che ki pou emet age tugul ak kiptainigap pororyet age tugul. Ki kisirchi emet age tugul ko uu sirennyi ak pororyet age tugul ko uu kutinnywa. Ki kisir eng' kainetap Laitoryat Aasuerus ak ki king'ooch eng' peteitap laitoryat.

ESTA 8:10

Ki sir Mordekai eng' kainetap Laitoryat Aasuerus ak kong'ooch eng' peteitap laitoryat, yeityo koyooktoe paronochooto piik che kibunei paraisisyek, che ki laanyei paraisisyek che chepcheben che kiboisyei eng' poisyetap laitoryat, che ki kiichin piusyegap kaplaitoryat.

ESTA 8:15

Ki wo Mordekai eng' ole mi laitoryat kolaagoti ngoroigap laitornatet che buluu ak che leelach, kotinyei naaryeet ne oo ne po thahabu ak ngoryeet ne po katanit ne karaaran ne arus ne piriir. Ak kiwaach nganaseetap Susa kogaskei.

ESTA 8:2

Ki inem laitoryat peteinnyi ne kiga rebe Haman, ak kogoochi Mordekai. Ak ki inde `Esta Mordekai koboi kootap Haman.

ESTA 8:8

Osirchi ak okweek Yahudik ko uu ye omache, eng' kainetap laitoryat ak ong'och eng' peteitap laitoryat. Amu ma imuuchi kowal chii parweet ne kisirei eng' kainetap laitoryat ak keng'och eng' peteitap laitoryat.”

TIENWOGIKAL 73:6

Eng' nooto anyun uu menoteet sirimdo ne mi kaatwekwak; katuch icheek koroomnateet ko uu ngoryeet.

KALEWANAIK 1:9

Amu egu chooto naaryeetap myeeindo eng' meting'ung', ak koek sirimwek che mi kaating'ung'.

KALEWANAIK 31:22

Napchingei kitambaok che po lelesta; po ngoroikyik katanit ne karaaran ak ko po tuguuk che arusen ne piriir.

KALEWANAIK 31:24

Nabei osotyondonooto ngoroigap katanit si koalda; igoochin chemung'arainik mosibisyek.

TYENDO NE SIIREI TUGUL 1:10

Korooron matong'oik kobooto lelestang'ung', ak kaating'ung' kobooto sonoek che korooron.

TYENDO NE SIIREI TUGUL 4:9

Kebaibait muguleldanyu, chepkamennyu, murerennyu; kecheer muguleldanyu eng' kondang'ung', eng' sirimdo agenge ne po kaating'ung'.

ISAIAH 3:23

kioinik, katanit ne karaaran, chepkuloik ak angook alak.

JEREMIA 52:33

Ak ki wal ngoroikyik che po korgoreet, ak ki amis eng' tainnyi kotugul eng' peetuusyek tugul che po sabeennyi.

EZEKIEL 27:7

Ki po katanit ne karaaran ne ki kinde lelesta, angeeng'ung' ne ki punu Misiri, si koek eng' inyee songolyet; ki buluu ak ko aruus ne piriir emaing'ung' ne ki punu ngeguusyegap Elisha.

DANIEL 5:16

Ago koagas agobo inyee keele imuuchi iaror ak ibooru tugun che iimi piich. Ngot imuuchi anyun isoman siruutichuuto ak iboorwo kiit ne mwaei, kilaagun anyun ngoroik che aruseen ne piriir ak kilaakyi kaating'ung' sirimdap thahabu, ak iegu pounindet ne po somok eng' pounateet.”

DANIEL 5:29

Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

DANIEL 5:7

Ki kuurso anyun laitoryat eng' kutit ne oo kimut ng'amotigap kecheik, Kaldeik ak chepsogeinik. Ki ng'alaalji `laitoryat piik che ng'oomen che po Babilon koleenji, “Chii age tugul ne somani siruutichu ak koboorwo kaarorennyi, kilaakyin ngoryeet ne arus ne piriir ak kilaakyi kaatinnyi sirimdap thahabu, ak koek pounindet ne po somok eng' pounateet.”

LUKA 15:22

Ago ki leenji kwanda otwogikyik, Oibu ochogune ngoryeet ne karaaran ne siirei tugul, ak olaakyi; ak ondechi peteiyot mornennyi, ak olaakyi kweonik:

1 SAMUEL 18:4

Ki ireek Jonathan ngoryennyi ne po parak ne ki ilaachi ak kogoochi Daudi kobooto ngoryennyi ne kooi, rotwennyi ne po chok, kwangennyi ak pirenennyi.