TAUNET 32:30 - Bukuit Ne Tilil

³⁰ Ki kuure anyun Jakobo kainetap yooto Peniel, amu kaager togeetap Kamuktaindet kimni, ak kota asabe.

BUKUIT NE TILIIL Sireet ne Dutero Kanon

³⁰ Ki kuure anyun Jakobo kainetap yooto Peniel, amu kaager togeetap Kamuktaindet kimni, ak kota asabe.

BUKUIT NE TILIL

³⁰ Kiguure anyun Jakobo kainetab yoto Peniel: amu kaager togetab Kamuktaindet kimni, ak kota asobe.

TAUNET 32:30 ပူးပေါင်းရင်းမြစ်များ

TAUNET 16:13

Ak kitoochi kainet Kamuktaindet ne Toroor ne ki ng'alaaljin ineendet kole “Inyee ko ii Kamuktaindet ne keera” Amu ki mwa kole, “Keero! Kaageer nguno patetap ineendet ne keera ak kota asabe”

TAUNET 28:19

Kitoochi yooto kainet koguure Bethel, ago ki kiguure nganasanooto eng' tai Luz.

TAUNET 35:9

Komong'ji `Kamuktaindet Jakobo kogeny, ye ki punu Padan-aram, ak koberuur ineendet.

1 LAITORINIK 12:25

Koteech anyun Jeroboam Shekem eng' emetap tuloonook ne po Ephraim, ak komeny olooto. Ki wo eng' olooto kwo koteech Penuel.

KOMONG'U 33:14

Ak ki le Kamuktaindet, “Kibendi tuwai ak agoonin kamuung'et.”

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

ISAIAH 9:5

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

KAITOSYEK 12:8

Ki ng'alaaljindos ak ineendet kimni, ma eng' kalewenaik; ak kogeerei ineendet itoondap Kamuktaindet ne Toroor. Kilya anyun si moiywei ochaam kiboityondennyu Musa?”

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

1 KORINTOEK 13:12

Amu nguno kegeere eng' kioit, eng' tamirmiron; ago tuun ko togoch eng' togoch: nguno angen eng' kebeberta; ago tuun anae ko uu ye kigenaa.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

GALATYEK 1:6

Akwong'e amu oistoige ochoktoi eng' ineendet ne kiguurok eng' myeeindap Kristo, obe ye mi logoiywek che myach che teer;

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

NG'ATUTIK 34:10

Tomo kobiit eng' Israel maotyot ne uu Musa ne ki nai Kamuktaindet ne Toroor kimni;

NG'ATUTIK 5:24

ak kole, ‘Ogeero, kaiboorwech `Kamuktaindet ne Toroor, Kamuktaindennyo liilindanyi ak etunatennyi ak kagegas kutinnyi komang'une maat. Kagenai rani keele ng'alaaljindos Kamuktaindet ne Toroor ak chii ak kosap.

KOLOSAIK 1:15

Ineendet itoondap Kamuktaindet ne ma taagu, ineendet ne kisip kesich eng' kiit age tugul ne ki kitoi keyai;

2 TIMOTEO 1:10

ago kagotook nguno eng' tagunetap Yetindennyo Kristo Jeso, ne ki kobar meet, ak kong'aany saboondo ak ng'emisyet ne ma komi, eng' logoiywek che myach,

HEBRANIK 11:27

Ki pagaakta Misiri eng' kayaneet, amaiywei nereegegap laitoryat: amu kimuita, ko uu ye keerei ineendet ne ma taagu.

JOSHUA 5:13

Ye ki neegit koit Joshua Jeriko, ko kitabendo ak ki keer kotononi chiito ko katokyigei ineendet kotinyei rotwetap chok eng' eunnyi ne kang'us. Ki wo Joshua ole miitei ineendet ak koteebe koleenji, “Ii nenyo anan ii po puunikyok?”

KIRUOGIK 13:17

koleenji `Manoa malaikaiyatap Kamuktaindet ne Toroor, “Kiguurenen ng'oo si kobiit kegonyitin ye isulda ng'aleeguk?”

KIRUOGIK 13:18

Kowolji malaikaiyatap Kamuktaindet ne Toroor kole, “Kalya si iteebena kainennyu, ago kainaniito ko po kwang'ut?”

KIRUOGIK 8:17

Ki iluul teeksonooto kooi po Penuel ak kobar piigap nganasanooto.

KIRUOGIK 8:8

Ki togosta anyun eng' olooto kwo Penuel, ak kong'alaalji pichooto ko uu nooto. Ak ki wolji ineendet piigap Penuel ko uu ye kiga wolji piigap Sukoth.