TAUNET 17:17 - Bukuit Ne Tilil

¹⁷ Ki ibut kogutuny anyun Abraham, ak korori eng' muguleldanyi ak koteebegei kole, “Tos kisikyi lakwa chii ne tinyei kenyiisyek pogol? Ak tos ta kosich lakwa Sarah agine ne tinyei kenyiisyek tamanwogik sogool?”

BUKUIT NE TILIIL Sireet ne Dutero Kanon

¹⁷ Ki ibut kogutuny anyun Abraham, ak korori eng' muguleldanyi ak koteebegei kole, “Tos kisikyi lakwa chii ne tinyei kenyiisyek pogol? Ak tos ta kosich lakwa Sarah agine ne tinyei kenyiisyek tamanwogik sogool?”

BUKUIT NE TILIL

¹⁷ Ak kiing’uruk anyun Abraham, kotokyi togennyi ng’ony, korori ak kole eng’ muguleldanyi, Tos kisikyi lakwet chito ne kigotar kenyisiek bogol? Ak tos ta kosich lakwet Sara agine, ne kigotar kenyisiek tamanwogik sogol?

TAUNET 17:17 ပူးပေါင်းရင်းမြစ်များ

TAUNET 17:18

Koleenji `Abraham Kamuktaindet, “Kata myee kosap Ishmael eng' taing'ung'.”

TAUNET 17:3

Ak ki ibutyi ng'wony kogutuny Abram, ak ki ng'alaalji Kamuktaindet koleenji,

TAUNET 18:11

Kiga koosegitu Abraham ak Sarah; ki tinyei kenyiisyek che chaang', ak kiga kong'et iyato Sarah.

TAUNET 18:12

Kirori anyun Sarah eng' muguleldanyi koleen, “Tos ta abaibaitu ago kogotertera osindo, ak kagoosit agine manong'otyonnyu?”

TAUNET 21:5

Ki po Abraham kenyiisyek pogol, ye ki ngesikyin ineendet weeriinnyi Isak.

TAUNET 21:6

Ki le Sarah, “Kagoono Kamuktaindet aroori; ak age tugul ne kasei ng'olyoondoni kororyei kobooto.”

TAUNET 21:7

Ak kites komwa kole, “Ng'oo ne kita mwachin Abraham koleenjin reryei lagok Sarah? Amu kaasikyi weeriit eng' osindanyi.”

1 ATEPTAP PEETUUSYEK 21:16

Ki ing'eet metit Daudi ak ki keer malaikaiyatap Kamuktaindet ne Toroor kotononi eng' kwenutap ng'wony ak kipsengwet, kotinyei rotwetap chok ne kaging'us eng' eunnyi, ak kong'werere Jerusalem. Kobutyi ng'wony anyun Daudi ak poisyek kotooree togoochikwak ng'wony, kolaachi kuniok.

Kitabuutap JOB 1:20

Ki ng'eet anyun Job ak kobet ngoryennyi ne po parak ak kocher metinnyi yeityo kobutyi ng'wony kosa.

EZEKIEL 1:28

Ko uu ole teptoi itoondap chepkuinobor eng' poolik eng' peetuutap ropta, ko ki uu nooto itoondap kakweng'et eng' komoswek tugul. Ki niito itoondap kergeindo ne po liilindap Kamuktaindet ne Toroor. Ak kinga keer, abut kot kotiiny togeet, ak ki agas kutitap ineendet ne ki ng'alaali.

DANIEL 8:17

Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

ATEPTAP LAWIK 9:24

Ak ki mong' maat kobunu taitap Kamuktaindet ne Toroor, ak kobeel kagoochinet ne kibeelei ak mwanik eng' kaptisisyet. Ye kingo keer piik tugul, kowokyo eng' poiboiyet, ak kobutyo kot kotiiny togoochikwak ng'wony.

KAITOSYEK 14:5

Ki ing'uruukso anyun Musa ak Aron kot kotiiny togoochikwak ng'wony eng' taitap piik tugul che po tuiyet komugul ne po piigap Israel.

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

KAITOSYEK 16:45

“Oistoegei tuiyoni, si kobiit awong' icheek.” Ak ki ing'uruuk kot kotiiny togeennyi ng'wony.

MATAYO 2:11

Ki pa koot oriit ak ki keer lakweet ne ming'in kobooto kamennyi Maria. Ki ing'uruukso eng' teegis kolas ineendet ak kotyach konoraikwak che po kamanuut, ak kogoochi ineendet kagoochinoichooto po thahabu, tuguuk che nyamdut ak tuguuk che uu igomoik.

LUKA 1:18

Ak ki leenji `Zekariah malaikaiyat, “Anae nee ng'olyoondoniito? Amu koaositu, ak ki kotar kenyiisyek che chaang' osotyondennyu.”

JOHANA 8:56

Ki paibai kwandang'wong' Abraham kogeer peetuunnyu; ak ki keer, ak kogaskei.”

NG'ATUTIK 9:18

Ki abutyi ng'wony eng' taitap Kamuktaindet ne Toroor peetuusyek artam ko uu ye ki ayai eng' tai. Ma aam amit anan aee pei amu tengektong'wong' tugul ne ki oyai. Ki oyai ne ya eng' Kamuktaindet ne Toroor otach ineendet.

NG'ATUTIK 9:25

“Ki abutyi ng'wony eng' taitap Kamuktaindet ne Toroor eng' peetuusyechooto artam ak kemousyechooto artam amu ki kale Kamuktaindet ne Toroor iwong'wok.

JOSHUA 5:14

Kowol chiichooto kole, “Achicha, kaanyo nguno aegu kiptaiyatap lugeet ne po Kamuktaindet ne Toroor.” Ki ing'uruuk Joshua kot koit ng'wony togeennyi kolas ak koleenji, “Imwachini nee otwogindeng'ung', ee kiptaiyandennyu?”

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

NG'ANG'UTYET 11:16

Ak ki ibutyi ng'wony poisyek tiptemu ak ang'wan, che tebee taitap Kamuktaindet eng' ng'echerokwak che po toroornatet, ak kolas Kamuktaindet,

NG'ANG'UTYET 5:8

Ak ye kingo kagoip bukuinooto, kobutyi taitap Aarwet `tyong'ichooto ang'wanu saptos ak poisyechooto tiptem ak ang'wan, kotinyei age tugul ketubet, ak taabook che po thahabu che nyiitootiin nyamdutik che kebeelei, che chooto ko saautigap piik che tiliileen.

KIRUOGIK 13:20

amu ye ki togostoi liplibenetap maat kotokyigei kipsengwet eng' kaptisisyet, kotogostae malaikaiyatap Kamuktaindet ne Toroor liplibenonooto po maat ne po kaptisisyet. Ye kingo keer niito Manoa kobooto osotyonnyi, ko ki ing'uruukso icheek kot kotiiny ng'wony togoochikwak.