ROMANIK 12:3 - Bukuit Ne Tilil

³ Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

BUKUIT NE TILIIL Sireet ne Dutero Kanon

³ Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

BUKUIT NE TILIL

³ Amu amwachini chi age tugul ne mi kwenung’wong’, eng’ mieindo ne kigegona, amat kobwatgei chi kole toror kosiir ne te ne nyolu kobwat; ago kobwat ne yamei, ko u ye kiigochi Jehovah chi age tugul karagutietab kayanet.

ROMANIK 12:3 ပူးပေါင်းရင်းမြစ်များ

GALATYEK 6:3

Amu ngot kobwaategei chii kole aa kiy, ago kaagaa ma kiy, koberberegei ineegei.

KALEWANAIK 26:12

Tos igeere chiito ne iityingei kole utaat eng' losennyi pogei? Miitei kamang'unet eng' chiito ne perber kosiir ineendet.

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.

1 PETERO 5:8

Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

AMDOINDET 7:16

Ameegu ne tinyei imanda ne siirtoot, anan isich utaatyet miising'; amu nee si ing'emge?

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

JAKOBO 4:6

Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

1 KORINTOEK 7:17

Ago, ko uu ye kigopchechi Kiptaiyat chii age tugul, ko uu ye kigoguur Kamuktaindet age tugul, ingotebi ko uu nooto. Ak ang'ate anyun ko uu nooto eng' kanisosyek tugul.

TITO 2:12

Ineetech kole keeesye ooreet ne ma tokyingei Kamuktaindet, ak maguutik che po ng'wony, ak ketebi eng' ng'omnateet ne litit, ak eng' imanda, ak eng' ooreet ne tokyingei Kamuktaindet eng' kenyisyechu;

TITO 2:2

si koriipkei poisyek che kagoeegitu, koek che po teegisto, che pou kabwaatutikwak, che po iman eng' kayaneet, eng' chamyet, eng' muitaet:

2 KORINTOEK 12:7

Ak eng' ooindo ne siirtoot ne po ng'ang'utik - si ma kitoroora miising', ko ki kigoono kateet eng' poorto, ne otwoget ne po Setani kobira si ma toroorgei miising'.

ROMANIK 11:20

Myee; ki kiiri icheek amu pistoennywa, ak itononi eng' kayaneng'ung'. Amelaske, ago iyweisye:

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

TITO 2:4

si kobiit koneet osotik che mengeechen kocham manong'otaikwak, kocham lagokwak,

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

EPESOEK 4:16

eng' ineendet keropchindos ak kituitos poorto tugul, eng' nooto ne koonu kebeberta age tugul, ko uu kakwautyetap poisyet ne po kebeberta age tugul, si kotes poorto eng' teekseet ne teechegei ineegei eng' chamyet.

LUKA 18:11

Ki tonon Pharisaindet kosa kong'alaal ineegei kole, ‘Kamuktaindet, amwaun kongoi, amu ma ki kergei ak piik alak, che rebiik, che ma po iman, che ibegei, anan taagindoni po aisuruut.

TITO 2:6

iteechi neranik ak icheek koek che pou kabwaatutikwak;

1 TIMOTEO 2:15

ago kisaru eng' sigisyet, ngo tebyei icheek eng' kayaneet ak chamyet ak katabaanet kobooto riibetapkei.

1 TIMOTEO 2:9

Ko uu nooto kobogorisyek ingolaachkei eng' kalaakset ne nyolu, eng' teegisto ak riibetapkei; ma eng' laetap suumeek, ak thahabu anan sonoek che korooron anan ngoroik che po kamanuutyet ne oo;

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

EPESOEK 3:4

si, ye osomani, omuuchi oguiye ng'omnatennyu eng' ung'ootyetap Kristo;

2 KORINTOEK 12:13

Amu tos mi nee ne kiyaak oegu che nyerootiin eng' kanisosyek alak, kobatee ki ma aegu nyigiisin eng' okweek? Onyoiywa kaat lelutyoniito.

1 KORINTOEK 3:10

Ki alumde lumeiywot ko uu teegindet ne oo ne ng'oom, ko uu myeeindap Kamuktaindet ne ki kigoono; ak teechei chiito age paragunnyi. Ago ingoriip chii age tugul ole teektoi eng' paragunnyi.

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

KALEWANAIK 25:27

Ma myee keam kumyat ne oo; anan kocheeng'jingei chii teegisto ne siirtoot.

3 JOHANA 1:9

Ki asirchi ng'olyoo kaniset; ago ma taachech Diotrophe, ne chamei koek ne oo eng' kwenunnywa.

KOLOSAIK 2:13

Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

EPESOEK 3:2

ngo ki ogas agobo tononjinetap myeeindap Kamuktaindet ne ki kigoono agobo okweek;

2 KORINTOEK 10:13

Ma kitoroorigei acheek kot kosiirto, ago kirogendoegei kaaroret ne kiitwech Kamuktaindet kot keitu ola omi.

PILIPIK 2:13

amu Kamuktaindet ne poisyei eng' okweek si omach, ak oboisyee agine, agobo magennyi ne myee.