PILIPIK 2:9 - Bukuit Ne Tilil

⁹ Nooto anyun, kiitoroor `Kamuktaindet ineendet miising', ak kogoochi ineendet kainet ne siirei kainet age tugul;

BUKUIT NE TILIIL Sireet ne Dutero Kanon

⁹ Nooto anyun, kiitoroor `Kamuktaindet ineendet miising', ak kogoochi ineendet kainet ne siirei kainet age tugul;

BUKUIT NE TILIL

⁹ Noto anyun, kiitoror Jehovah inendet mising’, ak kogochi inendet kainet ne siirei kainet age tugul;

PILIPIK 2:9 ပူးပေါင်းရင်းမြစ်များ

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

TIENWOGIKAL 110:1

Kaleenji `Kamuktaindet ne Toroor kiptaiyandennyu, “Tebee eunnyu ne po tai, agoi ayai puuniguk koek ng'echereetap keelyeguk.”

TIENWOGIKAL 110:5

Mi Kiptaiyat eung'ung' ne po tai; tuun tyechatyechi laitorinik eng' peetuutap nereegekyik.

TIENWOGIKAL 89:27

Ayae ineendet koek taaitanyu, Koeet kosiir laitorinik tugul che po ng'wony.

TIENWOGIKAL 91:14

Amu kigochama, asaru eng' nooto anyun: Atoroori ineendet, amu ki konai kainennyu.

ISAIAH 52:13

Ogeero, poisyee otwogindennyu ng'omnateet, kieeti ak kitoroori, ak kotororit miising'.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 13:3

ko kagonai Jeso kole kagonde Kwanda tuguuk tugul eunekyik, ak kole ki punu Kamuktaindet, ak wendi ole mi Kamuktaindet,

JOHANA 17:11

Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek.

JOHANA 17:12

Ki ariip eng' kaineng'ung' icheek che ki igoono, ye kota kemi ak icheek: ki ariip icheek, ama pet agot agenge eng' icheek, kobatee weeriitap luseet; si kobiit kosulda siruutyet.

JOHANA 17:5

Ak nguno, ee Abba, itoroora eng' inyeendet inyegei eng' toroornatet ne ki atinye kemi tuwai kotom kobiit ng'wony.

POISYONIGAP CHE KIYOKTOI 5:31

Ineendet ne kiitoroor Kamuktaindet eng' eunnyi ne po tai koek Ne Oo ago Yetindet, si kogoochi Israel siguunet ak nyoetap kaat ne po tengekwogik.

EPESOEK 1:10

agoi tononjinet ne po riipseetap peetuusyek che yamegei, si koyum tuguuk tugul eng' Kristo, tuguuk che mi kipsengwet, ak tuguuk che mi ng'wony eng' ineendet,

KOLOSAIK 1:18

Ak ineendet metitap poorto, nooto kaniset: ineendet taunet, taunindetap che ki mong' eng' che ki pek; si kobiit koek ne oo eng' tuguuk tugul.

2 THESSALONIKEK 1:12

si kobiit kitoroor kainetap Kiptaiyandennyo Jeso eng' okweek, ak okweek eng' ineendet, ko uu myeeindap Kamuktaindet nenyo ak Kiptaiyat Jeso Kristo.

HEBRANIK 1:4

Ko kagoek ne karaaran kosiir malaikaisyek, ko uu ye konyitot kainet ne ki konam ineendet, kosiir kainennywa.

HEBRANIK 1:9

Ichame imanda ak iweche tengekto; eng' nooto anyun, ki koiilin Kamuktaindet, ineendet Kamuktaindeng'ung' eng' mwaitap poiboiyet kosiir siritoiguk.”

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 2:9

Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul.

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.

2 PETERO 1:17

amu kitaach teegisto ak toroornatet eng' Kamuktaindet Kwanda, ye ki nyoonji ineendet kutit ne ki punu liilindo ne po etunateet kole, Ni ko Weeriinnyu chamanennyu, ineendet ne agasegei miising':

3 JOHANA 1:7

amu ki pa icheek agobo Kristo, ama ip kiy eng' che ma kayanik.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.

NG'ANG'UTYET 5:12

komwaei eng' kutit ne oo kole: “Nyoljin Aarwet ne ki kibar konyoor kimnateet, ak mogornatosyek ak utaatyet, ak kamuktaet, ak teegisto, ak toroornatet ak kaberuret.”