NG'ATUTIK 8:17 - Bukuit Ne Tilil

¹⁷ si mele eng' muguleldang'ung', “Kagoono kimnateennyu ak kamugetap eunnyu mogornatoni.”

BUKUIT NE TILIIL Sireet ne Dutero Kanon

¹⁷ si mele eng' muguleldang'ung', “Kagoono kimnateennyu ak kamugetap eunnyu mogornatoni.”

BUKUIT NE TILIL

¹⁷ ak ile eng’ muguleldang’ung’, Kagona kimnatennyu ak kamugetab eunnyu magornatoni.

NG'ATUTIK 8:17 ပူးပေါင်းရင်းမြစ်များ

Kitabuutap JOB 31:25

ngot ko ki abaibaitu amu oo mogornatennyu, ak amu kiga konyoor eunnyu tuguuk che chaang',

TIENWOGIKAL 44:3

Amu ma nam emet eng' rotonikwak po chok, ama sar icheek `eunekwak; ago eung'ung' ineegei ne po tai, ak lapkeiyetap togeng'ung', ko ki icham icheek.

AMDOINDET 3:6

peetuut ne ki cheeng'sei ak peetuut ne kibeeti; peetuut ne kigonori ak peetuut ne kimetoi;

AMDOINDET 9:11

Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

JEREMIA 9:22

Ng'alaal, ile, ‘Mwaei Kamuktaindet ne Toroor kole, Ibutos muuswek ko uu ng'atateegap tuuga eng' kewanin, ak koigei turoonik che yamei eutap kesiindet, ama piitu chii ne iyumi.’ ”

EZEKIEL 28:5

ki ites mogornatosyeguk eng' utaatyeng'ung' ne oo ak eng' mung'areng'ung', ak kiitoroorgei eng' muguleldang'ung' amu mogornatosyeguk:

DANIEL 4:27

Nooto anyun, ee laitoryat, ingochamak kirwoogennyu eng' inyee, ak itabaanegei tengekwogiguk ye iyae imanda, ak itabaanegei yaitwogiguk ye iriiree kibananook; si kotesak kalyeng'ung'.

DANIEL 4:30

kong'alaal laitoryat kole, “Tos ma Babilon ne oo ni, ne ki ateech koek ole menyei laitoryat, eng' kamugetap kimnateennyu ak agobo toroornatetap eutunatennyu?”

HOSEA 12:8

Ak ki mwa Ephraim kole iman, kaaegu mogoryot, kaanyooru mogornateet; ma tuun nyooru icheek yaityet ne kitengekto, eng' poisyonikyuk tugul.

HABAKUK 1:16

Eng'jin anyun regereiywondennyi ne kiname njireenik, ak kobeeljin nyamdutik regereiywondennyi ne oo; amu nyoorunee chooto tuguukyik che myach, ak amitwogikyik che chaang'.

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

NG'ATUTIK 7:17

Imuuch imwa eng' muguleldang'ung' ile chaang' pororyosyechu kosiiro, ara aondoi ano.

NG'ATUTIK 9:4

Ye kagoon `Kamuktaindet ne Toroor icheek eng' taing'ung', ko mat imwa eng' muguleldang'ung'ile ki imutwaa Kamuktaindet ne Toroor ak kogoono emoni kobunjo amu imandanyu. Oone Kamuktaindet ne Toroor pororyosyechu eng' taing'ung' amu sogornatennywa.

KIRUOGIK 7:2

Ki leenji Kamuktaindet ne Toroor Gideon, “Chaang' piik che mi kobooten ne ma muuchi ande Midianik eunekwak, si ma menjo Israel kole, ‘Kasarwo eunnyu.’

1 SAMUEL 2:7

Ibanani `Kamuktaindet ne Toroor chii ak komogornoni. Iming'ini ak koeeti.

1 SAMUEL 30:23

Ago ki le `Daudi, “Amat oyai ko uu nooto che kitupche eng' tuguuk che kogoonech Kamuktaindet ne Toroor ne koriibech, ak koinde eunekyok lugoni koibookyinech.