NG'ANG'UTYET 13:5 - Bukuit Ne Tilil

⁵ Ak ki kigoochi ineendet kutit kong'alaal tuguuk che eecheen ak chubisyosyek; ak ki kigoochi ineendet kimnateet koboisyee arawek artam ak aeng'.

BUKUIT NE TILIIL Sireet ne Dutero Kanon

⁵ Ak ki kigoochi ineendet kutit kong'alaal tuguuk che eecheen ak chubisyosyek; ak ki kigoochi ineendet kimnateet koboisyee arawek artam ak aeng'.

BUKUIT NE TILIL

⁵ Ak kigigochi inendet kutit kong’alal tuguk che eechen ak chubisiosiek; ak kigigochi inendet kimnatet koboisie arawek artam ak aeng’.

NG'ANG'UTYET 13:5 ပူးပေါင်းရင်းမြစ်များ

TIENWOGIKAL 12:3

Ibeeti Kamuktaindet ne Toroor kutusweek tugul che ng'alaali chemwaigutnateet, ak ng'elyepta age tugul ne lasegei.

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

DANIEL 11:36

Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

DANIEL 12:12

Iberuurot ineendet ne igenisyei, ne itei peetuusyek eliphuut agenge ak pogol somok ak sosom ak muut.

DANIEL 7:11

Ki atang'any eng' peetuunooto amu ng'aleek che eecheen che ki mwaei kuinonooto. Ki ageer agoi kebar tyonyooto, ak keng'em poortanyi yeityo kigoito kebeel eng' maat.

DANIEL 7:20

ak ki amach anai agobo kuinoik taman che ki mi metinnyi, kobooto kuinet age ne ki mong', kobooto kutit ne ki mwaei tuguuk che eecheen, ne ki eet itondanyi kosiir ne po chuun alak.

DANIEL 7:25

Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

DANIEL 8:14

Ak ki wolji kole, “Kitiliili ole-tiliil ko kagogeskei koskoleng'usyek ak karonusyek eliphuusyek aeng' ak pogol somok.”

2 THESSALONIKEK 2:3

amat kong'alak chii eng' kiy age tugul; amu ma itu peetuunooto, kobatee indou katuituet ak keng'aany chiito ne po tengekto, weeriitap luseet,

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

NG'ANG'UTYET 11:7

Ak ye tuun kagogees paornatennywa, koyai lugeet tyondo ne mang'une keriinget ne ma igoksei, ak koterteer icheek, ak kobar icheek.

NG'ANG'UTYET 12:14

Ak ki kigoochi kwonyooto kebebaik aeng' che po kipsiichit ne oo, si kobiit kotirirene kwo surkwen agoi oldanyi, ole kibae, eng' peetuusyek, ak peetuusyek alak, ak kebebertap peetuusyek, koistoegei togeetap ereneet.

NG'ANG'UTYET 12:6

Ak ki mwei kwonyooto kwo surkwen, ole kiting'e komosta ne kiga kochopchi Kamuktaindet, si kobiit kobai ineendet eng' olooto peetuusyek eliphuut agenge pogol aeng' ak tamanwogik lo.

NG'ANG'UTYET 13:7

Ak ki kigoochi ineendet kobargei ak piik che tiliileen, ak koterteer icheek; ak ki kigoochi ineendet kimnateet koboi ooreet age tugul ak piik alak tugul, ak kutit age tugul ak pororyet age tugul.