NG'ANG'UTYET 12:3 - Bukuit Ne Tilil

³ Ak ki took kaboorunet age eng' kipsengwet; ak ogeero, maswetit ne oo ne piriir, ne tinyei metowek tisap ak kuinoik taman, ak ki miitei metowekyik naryosyek tisabu.

BUKUIT NE TILIIL Sireet ne Dutero Kanon

³ Ak ki took kaboorunet age eng' kipsengwet; ak ogeero, maswetit ne oo ne piriir, ne tinyei metowek tisap ak kuinoik taman, ak ki miitei metowekyik naryosyek tisabu.

BUKUIT NE TILIL

³ Ak kitook kaborunet age eng’ kipsengwet; ak ogeero, maswetit ne o ne birir, ne tinyei metowek tisab ak kuinoik taman, ak kimitei metowekyik nariosiek tisabu.

NG'ANG'UTYET 12:3 ပူးပေါင်းရင်းမြစ်များ

ISAIAH 27:1

Tuun pirei Kamuktaindet ne Toroor eng' peetuunooto eng' rotwennyi ne po chok ne koroom ak ko oo ak kogim, tyondo ne po peek ne uu ting'ong'et, ne ereneet ne chepchep, ak tyonyooto ne ereneet ne taategei; ak kobar maswetit ne mi nyanjet.

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 9:15

Metit ko poiyot ne konyitot; ak katutyet ko maotyot ne ineeti lembechek.

DANIEL 2:41

Ak ko uu ye koigeer keldebesaik kobooto morik, ne kebebertap meneetap cheptereniot ak kebebertap karnet, ak koegu niito pounateet ne pcheoksei; ago mi oriitinnyi kebebertap kimnateetap karnet, ko uu ye koigeer karnet ko purugot ak meneet ne pooto ng'ung'unyek.

DANIEL 2:42

Ak ko uu ye ko po mooriigap keldebesaik kebebertap karnet ak kebebertap meneet, ko uu nooto pounatonooto, kimitu kebeberta age ak kobutok kebeberta age.

DANIEL 7:20

ak ki amach anai agobo kuinoik taman che ki mi metinnyi, kobooto kuinet age ne ki mong', kobooto kutit ne ki mwaei tuguuk che eecheen, ne ki eet itondanyi kosiir ne po chuun alak.

DANIEL 7:24

Ak agobo eng' kuinoichuuto taman, komang'une pounatoniito laitorinik tamanu, ak ye ibata komong' age ne isubu icheek. Egu ne teer eng' che po tai, ak koterteer laitorinik somok.

NG'ANG'UTYET 12:1

Ak ki took kaboorunet ne oo eng' kipsengwet; kwondo ne ki ilaachi asiista, ak komi arawet keluutap keldebesaikyik, ak ki mi metinnyi kuutweetap kecheik taman ak aeng'.

NG'ANG'UTYET 12:13

Ak ye kingo keer maswetit kole kageturur konyo ng'wony, kous kwonyi kasichei weeriit.

NG'ANG'UTYET 12:17

Ak ki nereekyi maswetit kwonyooto, ak kwo kobargei ak kesweekyik che ki ng'et, che riibei ng'atuutigap Kamuktaindet, ak kotinyei paornateetap Jeso,

NG'ANG'UTYET 12:4

Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

NG'ANG'UTYET 12:7

Ak ki piit lugeet eng' kipsengwet: ki wo Mikael kobooto malaikaisyekyik kobargei ak maswetit; ak ki yai lugeet maswetinooto ak malaikaisyekyik;

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:1

Ak ki ageer tyondo kotogosu eng' nyanjet, ne tinyei kuinoik taman ak metowek tisap, ak naryosyek taman eng' kuinoikyik, ak ki mi metowekyik kainaigap chubisyet.

NG'ANG'UTYET 13:2

Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.

NG'ANG'UTYET 13:4

Ki ilas icheek maswetit amu ki igoochi kimnateennyi tyondo, ak ki ilas icheek tyondo, komwa kole, “Ng'oo ne kergei ak tyonyito; ak ng'oo ne imuuchi kobargei ak ineendet?”

NG'ANG'UTYET 15:1

Ak ki ageer kaboorunet age eng' kipsengwet, ne oo ak ko po kwong'eet, malaikaisyek tisap che tinyei korotwek tisap che po let, amu kigeesune chooto nereegegap Kamuktaindet.

NG'ANG'UTYET 16:13

Ak ki ageer tamirmirik che yaach somok che uu mororochik, komang'une kutitap maswetit, ak eng' kutitap tyondo, ak eng' kutitap maotyot ne po lembech:

NG'ANG'UTYET 17:12

“Ak kuinoichooto taman che kegeer ko laitorinik taman che tomo konam laitornatet; ak konyooru kimnateet ko uu laitorinik, kobooto tyondo, eng' poroindap sait agenge.

NG'ANG'UTYET 17:16

Ak kuinoichu kegeere taman, ak tyondo, ko tuun wechei chepkugoniot ak kometo kotebi ineegei, komi aach ngor, ak koam panyeekyik, ak kobeel ineendet eng' maat kogeskei.

NG'ANG'UTYET 17:7

Ak ki leenjo malaikaiyat, “Kekwong' amu nee? Amache amwaun ung'ootyetap kwonyito ak ne po tyondo ne keseni ineendet, ne tinyei metowek tisap ak kuinoik taman.

NG'ANG'UTYET 19:12

Ak ki uu konyekyik liplibenetap maat, ak ki mi metinnyi naryosyek che chaang'; ak kotinyei kainet ne ki kisir, ne ma mi chii ne ingen kobatee ineendet ineegei.

NG'ANG'UTYET 20:2

Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,