NG'ANG'UTYET 1:18 - Bukuit Ne Tilil

¹⁸ Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

BUKUIT NE TILIIL Sireet ne Dutero Kanon

¹⁸ Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

BUKUIT NE TILIL

¹⁸ ak ko a ne Sobei; ak kiga amei, ak keero, asobe koigeny ak koigeny, ak atinye yateiywekab meet ak che bo oldab che kigobek.

NG'ANG'UTYET 1:18 ပူးပေါင်းရင်းမြစ်များ

Kitabuutap JOB 19:25

Ago angen ale sabei Katyagindennyu, ak tuun tonone ng'wony eng' peetuut ne po let.

Kitabuutap JOB 38:17

Tos ki kibooruun ormariichogap meet? Anan tos ki igeer kurgotigap urwetap meet?

TIENWOGIKAL 18:46

Sabei Kamuktaindet ne Toroor! Iberuurot rwandennyu, ingotororit Kamuktaindet ne po yetunennyu.

TIENWOGIKAL 68:20

Kamuktaindet eng' acheek ko Kamuktaindet ne po saruunet; po Kiptaiyat Kamuktaindet ortinwek che kechilile eng' meet.

ISAIAH 22:22

Andoi tigikyennyi yaateiwotap kootap Daudi; ak yaatei ineendet, ama mi chii ne kerei; ak kerei ineendet, ama mi chii ne yaatei.

MATAYO 11:23

Ak inyee, Kapernaum, ko tos kitoroorin agoi kipsengwet? Ichoortoige agoi ye mi che ki kobek: amu nda kiga kiyai eng' Sodom poisyonik che po kamuktaet che ki kiyai eng' inyee, kota mi agoi rani.

MATAYO 16:19

Agoonin yaateiwegap pounatetap kipsengwet, ak kiy age tugul ne irate eng' ng'wony, keratei eng' kipsengwet; ak kiy age tugul ne ityaachi eng' ng'wony, kityaachi eng' kipsengwet.”

LUKA 24:5

ak kingo iyweis, kong'uruuk, kotiing'e togoochikwak ng'wony, koleenji icheek, Amu nee si ocheeng'e ne sabei eng' ye mi che ki kobek?

JOHANA 11:25

Koleenji Jeso, Aa ng'eetyeet, ak saboondo: ineendet ne iyana, agot ngo me, kota kosabei:

JOHANA 14:19

Ta komi kitigin, si ma kogeero ng'wony; ago ogeera: amu asabe, osaptosi ak okweek.

ROMANIK 6:9

kingen keele ki king'eet Kristo komong' eng' che ki kobek: ma komeei kogeny; ma kotinyei meet pounateet eng' ineendet kogeny.

2 KORINTOEK 13:4

amu ki kigartaat eng' nyalulet, ago sabei eng' kamuktaetap Kamuktaindet. Amu kinyalulyotin ak acheek eng' ineendet, ago kisoptosi kobooto ineendet eng' kamuktaetap Kamuktaindet agobo okweek.

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

KOLOSAIK 3:3

Amu ki obegu, ak ki kiuny saboonwekwok kobooto Kristo eng' Kamuktaindet.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 7:16

ne ki kiyai, ago ma eng' ooreetap ng'atuututigap poorto, ago eng' kimnateetap saboondo ne ma igeesugei:

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

NG'ANG'UTYET 10:6

ak ki iyasyo eng' ineendet ne sabei koigeny ak koigeny, ne ki tau koyaei kipsengwet ak tuguuk che miitei olooto, ak ng'wony ak tuguuk che mi olooto, ak nyanjet ak tuguuk che mi oriit, kole ma komi kagaetapkei:

NG'ANG'UTYET 15:7

Ak ki igoochi age eng' tyong'ik ang'wan che saptos malaikaisyek tisap taabook tisap che po thahabu che nyiitootiin nereegegap Kamuktaindet, ineendet ne sabei koigeny ak koigeny.

NG'ANG'UTYET 2:8

“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny:

NG'ANG'UTYET 20:13

Ak kigon nyanjet che ki kobek che ki mi oriitinnyi; ak kigon meet ak ye mi che ki kobek, icheek che ki kobek che ki mi oriitinnywa, ak ki kirwookyi chii age tugul ko uu poisyonikyik.

NG'ANG'UTYET 20:14

Ak ki kiwiirchi meet ak ye mi che ki kobek, araraitap maat. Niito ko meet ne po aeng', araraitap maat.

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

NG'ANG'UTYET 4:9

Ak ye igoochi tuguuchooto saptos toroornatet ak teegisto ak kongoi ineendet ne tebee ng'echeranooto po laitornatet, ineendet ne sabei koigeny ak koigeny,

NG'ANG'UTYET 5:14

Ak ki mwa tyong'ichooto ang'wanu saptos kole, “Amen!” Ak kobutyi ng'wony poisyechooto ak kolas.

NG'ANG'UTYET 6:8

Ki ageer, ogeero, paraisiit ne talelyo! Ak kainetap ineendet ne ki tebee ko ki Meet, ak ki isup ineendet ye mi che ki kobek. Ak ki kigoochi icheek kimnateet koboi kebeberta agenge eng' ang'wan ne po ng'wony, kobaree rotwetap chok, ak rubeet, ak meet, ak tyong'igap timiin che po ng'wony.

NG'ANG'UTYET 9:1

Ki kuut malaikaiyatap muut, ak ki ageer kecheiyat kobunu kipsengwet kobutyi ng'wony. Ak ki kigoochi ineendet yaateiwot ne po keriinget ne ma igoksei.

1 SAMUEL 2:6

Parei `Kamuktaindet ne Toroor ak kosaabi. Choortoi koba kererit ak komutu kotogos.