MIKAH 1:8 - Bukuit Ne Tilil

⁸ Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

BUKUIT NE TILIIL Sireet ne Dutero Kanon

⁸ Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

BUKUIT NE TILIL

⁸ Ateei ak awaache amu nito, awendi ko kagireegunena ngoroik ak ami ach ngor: ateei ko u lelwek, ak arire ko u tiong’ikab songolik.

MIKAH 1:8 ပူးပေါင်းရင်းမြစ်များ

2 LAITORINIK 18:13

Ki togos Sennacherib laitoryatap Assyria eng' kenyiitap taman ak ang'wan ne po laitoryat Hezekiah, kobar nganasook tugul che ng'ootaatiin che po Judah ak konam.

ESTA 4:1

Ye kingo nai Mordekai tuguuk tugul che kagoyaak, kogereer ngoroikyik ak kolaach kuniok ak koiilegei oreek, yeityo kwo kwenutap nganaseet ak koote eng' kutit ne oo ak riiregap ng'wanindo ne oo.

Kitabuutap JOB 30:29

Aa tupchetap lelwek, ak aa chorweetap tyong'igap songolik.

TIENWOGIKAL 102:6

Aa uu chebo kibabaa ne po surkwen; kaige anee sugurut ne po surkwen.

ISAIAH 13:21

Ago tebee olooto tyong'ik che po surkwen; ak konyi kooriikwak tyong'ik che irigendos; menyei olooto tyong'igap songolik, ak kourerense olooto kwesik.

ISAIAH 13:22

Ak koteiyo suik eng' irimoikwak, ak koteiyo lelwek eng' kooriikwak che korooron che po laitorinik. Kagoriik peetuunnyi, ama ketesei peetuusyekyik.

ISAIAH 16:9

Arire anyun eng' riiregap Jaser agobo keetiigap sabibuk che po Sibma; aisenen peekyuk po kong', ee Hesbon ak Eleale; amu waagaatap poiboiyet eng' peetuutap logoeguk che po kemei ak che po kesisyeng'ung' ko kagobet.

ISAIAH 21:3

Kanyi anyun arageneet suennyu; kanama ng'waninwek, ko uu ng'waninwegap kwondo ne machei kosigiis. Ama kot koma muuchi agasta, Aarageni kot koma muuchi ageerto.

ISAIAH 22:4

Ki amwa anyun ale, welelgei amegeera, si ariir eng' ng'wanindo; matibirtegei ile igaigaa, amu luuleetap cheptap piikyuk.

ISAIAH 32:11

Obotanse okweek kwonyiik che omuunyi; onyalilye, okweek che moriibegei; oreegu ngoroik, ak otebi aach ngor, ak ogermenegei kuniok.

JEREMIA 4:19

Saboondanyu, saboondanyu! Atinye ng'wanindo eng' muguleldanyu oriit. Rukrugeni muguleldanyu. Ma muuchi asiis, amu kaigas, ee saboondanyu cheetap iryageet, nooto waagaatap lugeet.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:19

Amu kigasei tuugeetap kateeiyet kobunu Zion, kole, kageng'emech ne tya! Kagetoptobense miising' amu kagebagaakte emet, amu kagobut icheek meng'otosyekyok.

EZEKIEL 32:18

Ee, weeriitap chii, riirchi piik che chaang' che po Misiri, ak itimde icheek, ineendet ak tiibiigap pororyosyek che taagunotiin, koba ng'wony oriit, kobooto icheek che choorchingei keriinget.

MIKAH 2:4

Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

1 SAMUEL 19:24

Ki ireek ngoroikyik ak komaoten agine eng' taitap Samuel. Ki ru aach ngor peetuunooto tugul ak kemounooto tugul. Nooto anyun kimwaei keleen, “Tos age Saulo agine eng' maotik?”