MATAYO 6:33 - Bukuit Ne Tilil

³³ Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

BUKUIT NE TILIIL Sireet ne Dutero Kanon

³³ Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

BUKUIT NE TILIL

³³ Ago ocheng’ korok bounatennyi, ak imandanyi; si keteswok tuguchu tugul.

MATAYO 6:33 ပူးပေါင်းရင်းမြစ်များ

1 LAITORINIK 17:13

Ki leenji `Elijah ineendet, “Meiywei. Ui ak iyai ko uu ye kaimwa. Ago kwang'wa korook magatyat kitigin ak iibwa komong', yeityo okwang'jigei ak weeriing'ung'.

TIENWOGIKAL 112:3

Mi koonnyi mogornateet ak perurwogik; ak tebyei imandanyi koigeny.

TIENWOGIKAL 37:25

Ki aa ming'in ak ka aoositu nguno, ago tomo ageer kemeto ne po imanda, ak ma keer kosoomoti `lagokyik amitwogik.

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

KALEWANAIK 10:3

Ma chamjin `Kamuktaindet ne Toroor saboondap ne po iman kotanui eng' rubeet, ago timdoi mageetap kiptengeginik.

KALEWANAIK 28:10

Ibutyin keriingennyi age tugul ne imaasi che po iman kobun ooreet ne ya, ago poorei eng' tuguuk che myach, piik che ititaatiin.

KALEWANAIK 8:18

Atinye mogornatosyek ak teegisto, mogornatosyek che tebyei ak imanda.

AMDOINDET 10:2

Mi muguleldap chiito ne utaat eunnyi ne po tai; ago mi muguleldap ne perber eunnyi ne po kaataam.

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

ISAIAH 33:6

Tuun piitu kimnateet eng' peetuusyeguk, ak ooindap yetunet, utaatyet, ak naet; kaiyweisyet ne kiywei Kamuktaindet ne Toroor ko konorwennyi.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 19:29

Ak age tugul ne ki kobagakta kooriik, anan ng'eetap kametwagik, anan chepkametwagik, anan kwanda, anan kamet, anan lagok, anan mbareenik, agobo kainennyu, kotaachei konyil pogol, ak koboor eng' saboondap koigeny.

MATAYO 3:2

koleen, “Osigu, amu kagoriik pounatetap kipsengwet.”

MATAYO 4:17

Kobooch yooto kotoi Jeso koamda, kole, “Osigu, amu kagoriik pounatetap kipsengwet.”

MATAYO 5:6

Poiboen che amei rubo ak melelda agobo imanda, amu tuun piyang'dos.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

LUKA 12:31

Ago ocheeng' okweek laitornatetap Kamuktaindet, si keteswook tuguuchuuto tugul.

JOHANA 5:4

amu ki chorchingei malaikaiyat ne po Kiptaiyat tamboiyot peetuusyek alak, kowendi kowasei peek: si kisoop chii age tugul ne sip kochutei ko kawaskei peek, eng' myando age tugul ne ki tinyei.]

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

POISYONIGAP CHE KIYOKTOI 20:25

“Ak nguno anyun, ogeero, angen ale okweek tugul che ki aamdaate logoiywegap laitornatetap Kamuktaindet, koma ogeere togeennyu kogeny.

POISYONIGAP CHE KIYOKTOI 28:31

koamdoi agobo laitornatetap Kamuktaindet, ak koneeti tuguuk agobo Kiptaiyat Jeso Kristo eng' nyiganateet tugul, ama etee chii.

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 10:3

Amu ye ki ma nai icheek imandap Kamuktaindet, ak ye ki cheeng' kogimit nenywa, koma kogas iit imandap Kamuktaindet.

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 3:22

ngo Paulo, anan Apolo, anan Kepha, anan meet, anan tuguuk che miitei, anan tuguuk che pwoonei; tugul ko chekwok;

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

2 THESSALONIKEK 1:5

niito kaboorunet ne tagunoot ne po kirwoogetap imanda ne po Kamuktaindet; si kobiit kiitok keele onyolu eng' laitornatetap Kamuktaindet, ne onyoorunee agine nyalilda:

1 TIMOTEO 4:8

amu porot ne matya kagiiletapkei ne po poorto; ago poroteet eng' tuguuk tugul kayweet ne kiywei Kamuktaindet, amu tinyei arorutyet ne po saboondo ne mi nguno, ak ne nyoonei.

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

2 PETERO 1:11

Amu ki koonok ko uu nooto eng' chaang'indo ochut laitornatetap koigeny ne po Kiptaiyandennyo ak ko Yetindet Jeso Kristo.