MATAYO 5:37 - Bukuit Ne Tilil

³⁷ Ago ingoek ng'alaaleng'wong', wei ko wei anan achicha ko achicha; ak kiy age tugul ne siirei chuuto kobunu ineendet ne ya.

BUKUIT NE TILIIL Sireet ne Dutero Kanon

³⁷ Ago ingoek ng'alaaleng'wong', wei ko wei anan achicha ko achicha; ak kiy age tugul ne siirei chuuto kobunu ineendet ne ya.

BUKUIT NE TILIL

³⁷ Ago ingoek ng’alaleng’wong’, Ee ko ee; Achicha ko achicha; ak kiy age tugul ne siirei chuto kobunu inendet ne ya.

MATAYO 5:37 ပူးပေါင်းရင်းမြစ်များ

MATAYO 13:19

Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

MATAYO 13:38

ak mbareet ko ng'wony. Kesweek che myach ko weeriik che po laitornatet, ak chemulbainik ko weeriitap ineendet ne ya.

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

MATAYO 5:36

Anan iyasye agobo meting'ung', amu memuuchi iyai sumeiyot agenge koleelit anan kotuuit.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

JOHANA 17:15

Masaae ale imut icheek eng' ng'wony, ago ale iriip icheek eng' ineendet ne ya.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

EPESOEK 4:25

Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

EPESOEK 6:16

ak onam kobooto chuun tugul long'eetap kayaneet, ne omuuchi omis kipchabonik tugul che po maat che po ineendet ne ya.

KOLOSAIK 3:9

amomwachigei lembech, amu ki oregu chiito ne po keny kobooto poisyonikyik,

KOLOSAIK 4:6

Ingotep ng'aleekwok eng' myeeindo kotugul, koanyinyogis eng' muunyuk, si kobiit onai ole kanyool owoljinde chii age tugul.

2 THESSALONIKEK 3:3

Ago po iman Kiptaiyat, ak igimitok ak koriibok eng' nooto ya.

JAKOBO 5:12

Ago ne siirei tuguuk tugul, tupchosyekyuk, ko matoyosye kipsengwet, anan ko ng'wony, anan ko eng' kayasyoet age tugul: ago ingoek ee neng'wong', ee, ak ingoek achicha neng'wong', achicha; si mobutyi kirwooget.

1 JOHANA 2:13

Asirwok kwanisyechu, ama ki onai ineendet ne ki mi kobooch taunet. Asirwok murenju, amu ki oterter ineendet ne ya. Kasirwak lagochu mengech, amu ongen Kwanda.

1 JOHANA 3:12

Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

1 JOHANA 5:18

Kingen keele ma yaei tengekto chii age tugul ne kigesich eng' Kamuktaindet; ago ineendet ne kigesich eng' Kamuktaindet koriibei ineendet, ama twaei chiichooto ineendet ne ya.