MATAYO 27:29 - Bukuit Ne Tilil

²⁹ Kitaa ngatyetap katook ak konde metinnyi. Ki inde tegat eunnyi ne po tai ak ko kutung'so eng' tainnyi ak kochotei koleen, “Kigatin, Laitoryatap Yahudik!”

BUKUIT NE TILIIL Sireet ne Dutero Kanon

²⁹ Kitaa ngatyetap katook ak konde metinnyi. Ki inde tegat eunnyi ne po tai ak ko kutung'so eng' tainnyi ak kochotei koleen, “Kigatin, Laitoryatap Yahudik!”

BUKUIT NE TILIL

²⁹ Ak kitaa ngatiet ne bo katok ak konde metinnyi, konde tegat eunnyi ne bo tai; ak kigutung’so eng’ tainnyi, ak kochot, kole, Kigatin, Laitoriatab Yahudik!

MATAYO 27:29 ပူးပေါင်းရင်းမြစ်များ

TIENWOGIKAL 69:7

Amu ki aegu ne kirosyin agobo inyee: Ki kotuch togeennyu kalilanet.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 53:3

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

JEREMIA 20:7

Ee Kamuktaindet ne Toroor, ki iberbera, ak ki aberberage: ii kiim isiira, ak ki iterteerisye: kaaegu ne kirorechin peetuut komugul, churochura age tugul.

MATAYO 20:19

ak kigoito kochurachur Pororyosyek, ak kebire kipchoritiit ak kogartaat eng' kimurtoiyot. Eng' peetuutap somok king'eeti ineendet.”

MATAYO 26:49

Ki nyoonji Jeso eng' yooto ak kole, “Chamge, Rabbi!” Ak kong'utut ineendet.

MATAYO 27:37

Ki inde paragutap metinnyi kataamset ne ki kisir keele, “Ni ko Jeso Laitoryatap Yahudik.”

MARIKO 15:17

Ak ki ilaakyi ngoryeet ne aruus ne piriir, ak kila ngatyetap katook, ak konde metinnyi;

MARIKO 15:18

ak ki toi kogat ineendet kole, “Kigatin, Laitoryatap Yahudik!”