MATAYO 24:21 - Bukuit Ne Tilil

²¹ Amu tuun piitu nyalilda ne oo, ne kitom kobiitu kobooch taunetap ng'wony agoi nguno, ama koegu kogeny.

BUKUIT NE TILIIL Sireet ne Dutero Kanon

²¹ Amu tuun piitu nyalilda ne oo, ne kitom kobiitu kobooch taunetap ng'wony agoi nguno, ama koegu kogeny.

BUKUIT NE TILIL

²¹ amu egu anyun nyalilda ne o, ne kitom kobiitu koboch taunetab ng’ony agoi nguno, ama koegu kogeny.

MATAYO 24:21 ပူးပေါင်းရင်းမြစ်များ

EZEKIEL 5:9

Ak ayai eng' inyee kiit ne tomo ayae, ak kiit ne ma tuun ayae ne uu nooto kogeny, amu tuguuguk tugul che kiwechei.

DANIEL 12:1

Ak kotonon eng' peetuunooto Mikael, pounindet ne oo ne toreti lagogap piiguk. Tuun piitu peetuusyek che po nyalilda, che ki tomo kobiitu kobooch ngap kobiit pororyet agoi peetuunooto. Ago kisaru piiguk eng' peetuusyechooto, age tugul ne ki kisirchi kainennyi bukuit.

DANIEL 9:26

Ye ibata wigisyek tamanwogik lo ak aeng' keisto ineendet ne iilaat ama kotinyei kiy, ak kobwa piigap pounindet kong'em nganaseet ak ole-tiliil. Nyoonei kagesunennyi kobooto maraneet, ak egu lugeet agoi let; kigeng'at ng'emisyosyek.

JOEL 1:2

Ogas ng'olyoondoni, okweek poisyek, oep iit, okweek tugul che omenye emet. Tos ki piit niito eng' peetuusyekwok, anan eng' peetuusyegap kwanisyekwok?

JOEL 2:2

peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 24:20

Osaa anyun si ma piit mweeng'wong' eng' peetuusyegap kaititindo anan eng' peetuutap sabato.

MATAYO 24:29

“Ne ma tyanit ko kagogeskei nyalilda ne po peetuusyechooto, koimenit asiista, ama kooluu arawet, ak rorogu kecheik eng' kipsengwet, ak kitumdum kimnatosyek che po kipsengwet.

MARIKO 13:9

“Ago oriipkei okweek: amu tuun kimutyinok kapkirwook; ak kebirok eng' sinagogisyek; ak oteleli eng' taitap pounik ak laitorinik agobo anee, si koek paornat eng' icheek.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

NG'ANG'UTYET 16:18

Ak ki piit ilotik, ak kutusweek, ak tuloosyek; ak ki piit potanet ne oo ne po ng'wony, ne ki tomo kobiitu kobooch ngo piit piik eng' ng'wony, potanet ne oo, ne kiim kot.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.