MATAYO 23:12 - Bukuit Ne Tilil

¹² Age tugul ne ieetegei ko tuun kiming'ini; ak age tugul ne iming'inigei ko tuun kieeti.

BUKUIT NE TILIIL Sireet ne Dutero Kanon

¹² Age tugul ne ieetegei ko tuun kiming'ini; ak age tugul ne iming'inigei ko tuun kieeti.

BUKUIT NE TILIL

¹² Ak age tugul ne ieetegei kiming’ini; ak age tugul ne iming’inigei kieeti.

MATAYO 23:12 ပူးပေါင်းရင်းမြစ်များ

Kitabuutap JOB 22:29

Ye kiwiirchin ng'wony, imwa ile ta ang'eete; ak kosaru che iming'inegei.

TIENWOGIKAL 138:6

Agot nga toroor Kamuktaindet ne Toroor, kogeerei ne nyeraat, ago ingen ineendet menotyot agot ngo mi ole loo.

KALEWANAIK 15:33

Katigonetap utaatyet ko kaiyweisyet ne kiywei Kamuktaindet ne Toroor; ak indoi kaming'inetapkei eng' teegisto.

KALEWANAIK 29:23

Iming'ini chii `menatennyi, ago nyooru teegisto ineendet ne iming'inegei.

ISAIAH 57:15

Amu mwaei ko uu ni Ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

DANIEL 4:37

Alasu anyun anee Nebukadnezar, ak atoroori ak agonyiti Laitoryatap kipsengwet, amu po iman poisyonikyik tugul, ak ko po kirwooget ortinwekyik; ak imuuchi koming'in icheek che pendoti eng' menoteet.

MATAYO 18:4

Nooto anyun age tugul ne iming'inegei ko uu lakwani ming'in, ko oo nooto eng' tugul eng' pounatetap kipsengwet.

MATAYO 5:3

Poiboen che ponoon eng' muguleldo, amu nenywa pounatetap kipsengwet.

LUKA 14:11

Amu age tugul ne itoroorigei kiming'ini; ak ineendet ne iming'inegei kitoroori.

LUKA 18:14

Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

JAKOBO 4:6

Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.

1 PETERO 5:6

Oming'inityige anyun euut ne kiim ne po Kamuktaindet, si kotoroorok ye kait peetuut;