MATAYO 22:11 - Bukuit Ne Tilil

¹¹ “Ago ye kingo mong' laitoryat kogeer toek, kogeer chiito ne ki ma ilaach ngoryeetap katunisyet;

BUKUIT NE TILIIL Sireet ne Dutero Kanon

¹¹ “Ago ye kingo mong' laitoryat kogeer toek, kogeer chiito ne ki ma ilaach ngoryeetap katunisyet;

BUKUIT NE TILIL

¹¹ Ago ye kingomong’ laitoriat kogeer toek, kogeer chito eng’ oloto ne kima ilaach ngorietab katunisiet:

MATAYO 22:11 ပူးပေါင်းရင်းမြစ်များ

2 LAITORINIK 10:22

Ki leenji chiito ne riibei ole kigonoree ngoroik, “Inemji ngoroik piik tugul che saaei Baal.” Ak ki inemji icheek ngoroik.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

RIREKAB JEREMIA 5:22

aiya ko ki ieesyech miising', ak iting'enech nereegek che ma iitoksei.

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

MATAYO 13:30

Ingobiityo tugul agoi kesisyet, ak eng' peetuutap kesisyet, ang'at kesik si koyum korook chemulbainik ak korat ratuutik si kebeel, yeityo koyumji chogennyu peek.’ ”

MATAYO 22:10

Ki pa anyun otwogichooto ortinwek ak koyum tugul che kinyoor, che myach ak che yaach, ak ki nyi toek kootap katunisyet.

MATAYO 3:12

Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 5:3

ye tuun kagilaakwech koma kemi aach ngor.

GALATYEK 3:27

Amu che tee eng' okweek che ki kibatisanjok Kristo ko ki olaach Kristo.

EPESOEK 4:24

ak olaach chiito ne leel, ne ki kiyai eng' Kamuktaindet eng' imanda ak tiliilindo ne po iman.

NG'ANG'UTYET 16:15

“Ogeero, anyoone ko uu choriin. Paibai ineendet ne riipsei, ak koriibei ngoroikyik, si mawendot aach ngor, ak kegeer kalilanennyi.”

NG'ANG'UTYET 19:8

Ki kigoochi ineendet kolaachkei eng' katanit ne karaaran, ne leel kot ak ko tiliil.” Amu katanit ne karaaran ko poisyonigap imanda che po piik che tiliileen.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 3:18

Atigoonin anyun ale ialena thahabu ne ki kitiliile maat, si iegu mogoryot; ak ngoroik che leelach, si ilaaige, si ma took kalilanetap aach ngoring'ung'; ak kerichegap koonyek che iilee konyeguk si igeerte.