MATAYO 20:26 - Bukuit Ne Tilil

²⁶ Ma uu nooto eng' okweek. Ago age tugul ne machei koek ne oo eng' kwenung'wong' koek kiboityondeng'wong';

BUKUIT NE TILIIL Sireet ne Dutero Kanon

²⁶ Ma uu nooto eng' okweek. Ago age tugul ne machei koek ne oo eng' kwenung'wong' koek kiboityondeng'wong';

BUKUIT NE TILIL

²⁶ Ma u noto eng’ okwek: ago age tugul ne machei koek ne o eng’ kwenung’wong’ koek kiboitiondeng’wong’;

MATAYO 20:26 ပူးပေါင်းရင်းမြစ်များ

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

MATAYO 20:27

ak age tugul ne machei koek ne po tai eng' kwenung'wong' koek otwogindeng'wong';

MATAYO 25:44

“Kowol anyun icheek kole, ‘Kiptaiyat, ki kigeerin au koamin rubeet anan melel, anan ko ii too, anan imi aach ingor, anan imyani, anan imi korgoreet, ama kiboisyeun?’

MATAYO 27:55

Ki mi eng' olooto kobogorisyek che chaang' che kigeerei eng' ye loo, che kiga isubot Jeso kobooch Galilaya koboisyechinoti ineendet.

MARIKO 10:43

Ago ma uu nooto eng' okweek: ago chii age tugul ne machei koek ne oo eng' okweek, koek ne poisyewok:

MARIKO 10:45

Amu ki ma nyo agot Weeriitap chii si keboisyechi, ago si kobois ineendet ak kogoito saboondanyi koek kiit ne kityage che chaang'.”

MARIKO 9:35

Ki tep ng'wony anyun, ak koguur chooto taman ak aeng'; ak koleenji, “Ngo machei chii koek ne po tai, koegu ne po let eng' tugul, ak koek otwogindetap tugul.”

LUKA 18:14

Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

LUKA 22:26

Ago, ma uu nooto eng' okweek: ago ingoigei ne oo eng' okweek ne ming'in; ak ineendet ne oo koigei ne otisyei.

JOHANA 18:36

Kowol Jeso, kole, “Ma po ng'wonyuni laitornatennyu: nda po ng'wonyuni laitornatennyu, ko kata yaei pooryeet kasubikyuk si ma kindea eunegap Yahudik: ago nguno koma po laitornatennyu oli.”

POISYONIGAP CHE KIYOKTOI 13:5

Ye ki miitei Salamis, koamda ng'olyootap Kamuktaindet eng' sinagogisyegap Yahudik. Ak ki mi kobooto Johana ne kiboisyechinoti.

2 KORINTOEK 1:24

Ma keele ki tinyei pounateet eng' kayaneng'wong', ago kitoretik che po poiboiyeng'wong': amu otonondosi eng' kayaneng'wong'.

2 TIMOTEO 1:18

ingogoochi Kiptaiyat ineendet konyoor rireenet ne po Kiptaiyat eng' peetuunooto! Ak ingen komyee ole tee poisyet ne ki yai eng' Epheso.

PILEMON 1:13

Ki tamache ale araany ketebi tuwai, si kotoreta kogeerenengei eng' monjorornatosyegap logoiywek che myach;

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

1 PETERO 5:3

amoegu kiptainik eng' che otononjini, ago oegu kaboorunoik eng' akweet.

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.