MATAYO 14:19 - Bukuit Ne Tilil

¹⁹ Ki ng'at tuiyosyek kotep ng'wony eng' susweek. Ki inam magatinichooto muut ak injirenichooto aeng' ak konyal kipsengwet ak koberuur. Kibuutul ak kogoochi kasubikyik magatiinichooto, yeityo kogoochi kasubik tuiyosyek.

BUKUIT NE TILIIL Sireet ne Dutero Kanon

¹⁹ Ki ng'at tuiyosyek kotep ng'wony eng' susweek. Ki inam magatinichooto muut ak injirenichooto aeng' ak konyal kipsengwet ak koberuur. Kibuutul ak kogoochi kasubikyik magatiinichooto, yeityo kogoochi kasubik tuiyosyek.

BUKUIT NE TILIL

¹⁹ Ak king’at tuiyosiek kobuur eng’ suswek; ak kinam makatinichato mut, ak njirenik aeng’, ak kingonyal kipsengwet, koberur, ak kobutul, ak kogochi alamalyennyi makatinik ak kogochi alamalyennyi tuiyosiek.

MATAYO 14:19 ပူးပေါင်းရင်းမြစ်များ

MATAYO 14:18

Koleenji, “Oibwa.”

MARIKO 6:39

Ki ng'at kole kobuur piik eng' susweek che nyalileen, korurugotkei.

MARIKO 6:41

Ki nam magatinichooto muut ak njireenik aeng', ak konyal kipsengwet, koberuur, ak kotonaton magatiinik. Ki igoochi kasubikyik si konde tainnywa; ak kipchechi icheeget tugul injirenichooto aeng'.

MARIKO 7:34

Ki inyal kipsengwet, kobus ak koleenji, “Epata!” Nooto ko, “Yaatage!”

LUKA 22:17

Ak ki taach kigombet, ak kingo kagogoito kongoi, kole, “Onam ni, ak opchechigei;

LUKA 22:19

Ak ki nam magatyat, ak kingo kagomwa kongoi, kobuutul, ak kogoochi icheek, ak kole, “Ni ko poortanyu ne kigoitoi agobo okweek; oyae ko uu ni si obwaatena.”

LUKA 24:30

Ak ye kingo kagotebi ng'wony tugul koamisyei, konam magatyat, koberuur, kobuutul, ak kogoochi icheek.

LUKA 9:14

Amu ki olo po murenik eliphuusyek muut. Ak ki leenji kasubikyik, Ochop kotep ng'wony ak ingobeate konom.

LUKA 9:16

Ak ki nam magatinichooto muut ak injirenichooto aeng', ak ki inyal kipsengwet, ak koberuur, ak kotonaton; ak kogoochi kasubik si kobiit kogoochi kabuureito.

JOHANA 11:41

Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa.

JOHANA 6:23

(ago ki pwa moingonik alage eng' Tiberia ye neegitee kooret ole ki ame magatiinik ye kingo kagogoito Kiptaiyat kongoi):

POISYONIGAP CHE KIYOKTOI 27:35

Ak ye kingo kagomwa ko uu nooto, ak konam magatyat, kogoochi Kamuktaindet kongoi eng' taitap tugul: ak kiton, ak kotoi koamis.

ROMANIK 14:6

Ineendet ne riibei peetuut, koriipchin Kiptaiyat: ak ineendet ne amisyei, koamisyei eng' Kiptaiyat, amu mwachin Kamuktaindet kongoi; ak ineendet ne ma amisyei, koma amisyei eng' Kiptaiyat, ak mwachin Kamuktaindet kongoi.

1 KORINTOEK 10:16

Kigombetap kaberuret ne kiberuuri, ko tos ma yamdaet ne po korotiigap Kristo? Magatyat ne kibuutuli, ko tos ma yamdaet ne po poortap Kristo?

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

1 KORINTOEK 11:24

ak kingo kagomwa kongoi, kobuutul, ak kole, “Niito ko poortanyu, ne mi agobo okweek; oyae ni obwaatena.”

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

1 SAMUEL 9:13

Ne po oititoi kityo nganaseet, onyooru ineendet eng' yooto kotomo kotogosta kapkoros koamis. Ma amisyei piik kot koit ineendet, amu ineendet ne iberuuri tiseiywot ak ye ibata koamis piik che kagiguur. Otogoste anyun nguno, amu onyooru ineendet eng' sainiito.”