LUKA 6:14 - Bukuit Ne Tilil

¹⁴ Simion, ne kiguure kainennyi ne po aeng' Petero, ak Andrea ng'eetap kamet, ak Jakobo ak Johana, ak Philipu ak Bartolomayo,

BUKUIT NE TILIIL Sireet ne Dutero Kanon

¹⁴ Simion, ne kiguure kainennyi ne po aeng' Petero, ak Andrea ng'eetap kamet, ak Jakobo ak Johana, ak Philipu ak Bartolomayo,

BUKUIT NE TILIL

¹⁴ Simon, ne kiguure kainennyi ne bo aeng’ Petero, ak Andrea ng’etab kamet, ak Jakobo ak Johana, ak Pilipu ak Bartolomayo,

LUKA 6:14 ပူးပေါင်းရင်းမြစ်များ

MATAYO 10:2

Chu kainaik che po che kiyooktoi taman ak aeng': ne tai ko Simion ne kiguure Petero, ak Andrea ng'eetap kamet; Jakobo weeriitap Zebedayo, ak Johana ng'eetap kamet;

MATAYO 10:3

Philipu ak Bartolomayo; Thomas, ak Matayo taagindetap aisuruut; Jakobo weeriitap Alphayo, ak Thadeo;

MATAYO 4:18

Ak ye kiwendotee ngeguutap araraita ne po Galilaya, kogeer piik aeng' che tupcho, Simion ne kiguure Petero, ak Andrea ng'eetap kamet, kowiirchin regereiywot ne kiname njireenik araraita; amu ki ramiigap njireenik.

MATAYO 4:21

Ki ye kingo ta kowendi eng' olooto, kogeer piik aeng' alak che tupcho, Jakobo weeriitap Zebedayo, ak Johana ng'eetap kamet, komiitei moingetap peek kobooto Zebedayo kwandanywa, konabei regereiywekwak; ak koguur icheek.

MARIKO 1:19

Ak ye ki pa kitigin, kogeer Jakobo weeriitap Zebedayo ak tupchennyi Johana, che ki mi eng' moingennywa kochobei regereiywek.

MARIKO 1:29

Ye kingo mong' eng' sinagogit, koba kootap Simion ak Andrea, kobooto Jakobo ak Johana.

MARIKO 14:33

Ak ki imut Petero ak Jakobo ak Johana, ak kotoi kokwong'yo miising' ak koaragenso.

MARIKO 3:16

Ki lewen chooto taman ak aeng', ak kogoochi Simion kainet Petero,

MARIKO 5:37

Ki ma chamji chii koosup ineendet kobatee Petero, Jakobo ak Johana ng'eetap kametap Jakobo.

MARIKO 9:2

Kingo pata peetuusyek lo, komut `Jeso Petero, Jakobo ak Johana kotogosta tulweet ne kooi koba uwak icheegei. Kiwalak Jeso eng' tainnywa,

LUKA 5:10

ki kwong'yo ak icheek Jakobo ak Johana weeriigap Zebedayo, che kiboisyei tugul kobooto Simion. Ak ki leenji `Jeso Simion, “Ameiyweisye; kobooch nguno iegu ne irame piik.”

LUKA 5:8

Ago ye kingo keer Simion Petero, kobutyi kotung'oigap Jeso, ak kole, “Istoenage, amu aa chii ne po tengek, ee Kiptaiyat!”

LUKA 6:13

Ak ye kingo eech, koguur kasubikyik: ak ki lewen eng' chooto taman ak aeng', che kiguure kainennywa che kiyooktoi;

LUKA 6:15

ak Matayo ak Thomas, ak Jakobo weeriitap Alphayo ak Simion ne ki kiguure Selote,

JOHANA 1:45

Ki nyoor `Philipu Nathanael ak koleenji, “Kagenyooru ineendet ne ki sir Musa eng' Ng'atuutyet ak kosir maotik, nooto Jeso ne po Nazareth weeriitap Joseph.”

JOHANA 14:8

Koleenji Philipu, Kiptaiyat, iboorwech Kwanda, si koyamech.

JOHANA 6:5

Kingo ng'eet met anyun Jeso, kogeer tuiyet ne oo konyonjin ineendet, koleenji Philipu, Ki ale ano magatiinik si koam pichu?

JOHANA 6:8

Koleenji ineendet age ne po kasubikyik, Andrea, ng'eetap kametap Simion Petero,

POISYONIGAP CHE KIYOKTOI 1:13

Ye kingo kagoba ko, kolaany koot ne po parak, ole ki tebee agot Petero, Johana, Jakobo ak Andrea, Philipu ak Thomas, Bartolomayo ak Matayo; Jakobo ne po kap Alphayo ak Simion Selote, ak Judas ne po kap Jakobo.

POISYONIGAP CHE KIYOKTOI 12:2

Ki par Jakobo ng'eetap kametap Johana eng' rotwetap chok.

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo: