LUKA 21:24 - Bukuit Ne Tilil

²⁴ Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

BUKUIT NE TILIIL Sireet ne Dutero Kanon

²⁴ Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

BUKUIT NE TILIL

²⁴ Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

LUKA 21:24 ပူးပေါင်းရင်းမြစ်များ

TAUNET 34:26

Ki par Hamor ak Shekem weeriinnyi eng' rotwetap chok, ak komut Dina eng' kootap Shekem, koba emennywa.

KOMONG'U 17:13

Ki iterteer anyun `Joshua Amelek ak piikyik eng' rotwetap chok.

ISAIAH 5:5

“Ak nguno anyun amwaiwok kiit ne aitoi mbareennyu ne po sabibuk. Aistoi ng'otwennyi, si keam. Abute irimennyi, si ketyech.

ISAIAH 63:18

Ki nyaban piiguk che tiliileen; ago ne matya kotyech puunikyok oldang'ung' ne tiliil.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

RIREKAB JEREMIA 1:15

Ki koyai `Kiptaiyat piik tugul che nyigoonen koek puch eng' kwenunnyu; ki koguurcho tuiyet ne ki king'at kole kotuatui neranikyuk. Ki kotyechatyech `Kiptaiyat pergeiyatap Judah ko uu ye kityechei ole kitue sabibuk.

DANIEL 12:7

Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 8:13

Ki agas anyun ineendet ne tiliil kong'alaali; ak ki teebe age ne tiliil nooto kang'alaali koleenji tebyei kot kotyanit ng'ang'utyet agobo kagoochinet ne kibeelei, ak pistoet ne ng'emisyei, si kigoito ole-tiliil kobooto lugeet ketyechatyech?

DANIEL 9:27

Ak koyomiskei kobooto piik che chaang' eng' kayomiset ne kiim ne po wigiit agenge, ak kogees tiseiywot ak kagoochinetap peek che ng'ootiin eng' kebeberyatap wigiit. Ak konyo age ne ibu ng'emisyet eng' kebepchetap tuguuk che kiwechei; ak keroong'ji ng'emindet nereegek che kigeng'at, agoi kagesunet.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

LUKA 21:25

Ak kobiit kaboorunoik eng' asiista ak eng' arawet ak eng' kecheik; ak kobiit eng' ng'wony pichiindap pororyosyek, ak peng'jinet amu kamuutetap araraita ak peek che mildogei;

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

HEBRANIK 11:34

ki imis kimnateet ne po maat, kichililye rotwetap chok, ki kigimit komong' eng' nyalulet, ki kimegitu eng' lugeet, ki oon lugosyegap puunik koweekta.

NG'ANG'UTYET 11:2

Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.