KOMONG'U 7:17 - Bukuit Ne Tilil

¹⁷ Kamwa anyun ko uu ni Kamuktaindet ne Toroor, ‘Inae eng' ni ile aa Kamuktaindet ne Toroor. Keero, akweree kirogi atinye eng' eunnyu peechu mi ainooni, ak kowalogis peek koek korotiik.

BUKUIT NE TILIIL Sireet ne Dutero Kanon

¹⁷ Kamwa anyun ko uu ni Kamuktaindet ne Toroor, ‘Inae eng' ni ile aa Kamuktaindet ne Toroor. Keero, akweree kirogi atinye eng' eunnyu peechu mi ainooni, ak kowalogis peek koek korotiik.

BUKUIT NE TILIL

¹⁷ Kamwa ko u ni Jehovah, Inae eng’ ni ile a Jehovah; keero, akwere siarini ating’e eunnyu beechu mi ainoni, ak kowalogis koek korotik.

KOMONG'U 7:17 ပူးပေါင်းရင်းမြစ်များ

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

2 LAITORINIK 19:19

Ara anyun, ee Kamuktaindet ne Toroor, Kamuktaindennyo, asaain ale sarwech eng' eunnyi, si konai laitornatosyek tugul che po ng'wony kole ii Kamuktaindet ne po Toroornatet, inyee inyegei.”

TIENWOGIKAL 105:29

Ki wal peekwak koek korotiik, ak kobar njireenikwak.

TIENWOGIKAL 78:44

Ak ki wal peegap ainoosyekwak koek korotiik, Agot kereruusyek ak icheek, kot koma ko eeoksei.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

TIENWOGIKAL 9:16

Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]

KOMONG'U 1:22

Ki ng'at `Pharaoh piikyik kogeny koleenji; “Owiirchi weeriit age tugul ne kisichei aino ak omete chepto age tugul kosap.”

KOMONG'U 10:2

Si kobiit omwa kogas lagokwak ak mochogorenikwok ole ki aite Misiriik koek che perber, ak kaboorunoikyuk che ki ayai eng' kwenunnywa, si onai ole aa Kamuktaindet ne Toroor.”

KOMONG'U 4:9

Ago, ngo ma iyan kaboorunoichuuto aeng', anan ngo ma kas kuting'ung', isilu anyun peek eng' aineet ak iroong'ji ng'wony ole yaamaat. Walaksei peechooto kerame aineet koegu korotiik eng' emet ne yaamaat.”

KOMONG'U 5:2

koteebee Pharaoh koleenji, “Ng'oo Kamuktaindet ne Toroor, ne tos agas iit ng'aleekyik kot achamji Israel koba? Mangen Kamuktaindet ne Toroor, ak kogeny, ma chamjini Israel koba.”

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

KOMONG'U 7:20

Ki yai Musa ak Aron ko uu ye ki kang'at Kamuktaindet ne Toroor, kisut kirogoto ak kokweree peek che mi aineet, eng' taitap Pharaoh, ak eng' taitap otwogikyik, ak kiwalogis peek tugul che mi aineet koek korotiik.

KOMONG'U 7:5

Ye achuul eunnyu atokyi Misiri, ak among'u piigap Israel eng' kwenunnywa, konai Misiriik kole aa Kamuktaindet ne Toroor.”

EZEKIEL 25:17

Ak ayaakyi icheek mugetuut ne koroom, eng' kereetap kong' ne ng'waan; si konai kole aa Kamuktaindet ne Toroor, ye ayaakyini icheek mugetuut.

EZEKIEL 29:9

Ak koguber emetap Misiri ak koek karaita, si konai kole aa Kamuktaindet ne Toroor; amu ki komwa kole, nenyu aineet, anee ne ki ayae.

EZEKIEL 30:19

Ayae anyun ko uu nooto kirwoogutik eng' Misiri: si konai kole aa Kamuktaindet ne Toroor.

EZEKIEL 30:8

Ak konai kole aa Kamuktaindet ne Toroor, ye kaabeel Misiri, ak keng'em toretikyik tugul.

EZEKIEL 32:15

Ye tuun ayai emetap Misiri koguber ak koek karaatya, emet ne ma komi tuguuk che ki nyiitaat, ye abar tugul che menyei olooto, konai anyun kole aa Kamuktaindet ne Toroor.

EZEKIEL 32:6

Ak abise korotiguk emet ne ibire peek, agoi tuloonook; ak inyi kereruusyek.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

EZEKIEL 39:28

Ak konai icheek kole aa Kamuktaindet ne Toroor Kamuktaindennywa, amu ki agoite icheek keluul koba pororyosyek, ak koayumji icheek emennywa: ama abagakyini agot agenge olooto kogeny;

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 4:37

Alasu anyun anee Nebukadnezar, ak atoroori ak agonyiti Laitoryatap kipsengwet, amu po iman poisyonikyik tugul, ak ko po kirwooget ortinwekyik; ak imuuchi koming'in icheek che pendoti eng' menoteet.

DANIEL 5:21

Ki kioon kwo eng' ole mi piik, ak ki kiyai naennyi koigei ne po tyong'ik. Ki meny kobooto sigirogap timiin, ak ki kibae susweek ko uu tuuga. Ki ibutyi rewoot poortanyi agoi konai kole pou Ne Toroor Miising' pounatetap piik, ak kogoochin age tugul ne makyin koboi.

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

NG'ANG'UTYET 11:6

Tinyei chuuto kimnateet koger kipsengwet, si ma robon eng' peetuusyegap maonatennywa: ak kotinyei kimnateet kowal peek koek korotiik, ak kobir ng'wony eng' koroita age tugul, kotugul ko uu ye machei.

NG'ANG'UTYET 8:8

Ki kuut malaikaiyatap aeng', ak ki kiwiirchi nyanjet kiit ne uu tulweet ne oo kolalei; ak ki ek korotiik kebeberta agenge eng' somok ne po nyanjet.