KOMONG'U 6:30 - Bukuit Ne Tilil

³⁰ Ago ki mwa Musa eng' taitap Kamuktaindet ne Toroor kole, “Atinye kutit ne palyach, imuuchi kogastaa ano Pharaoh?”

BUKUIT NE TILIIL Sireet ne Dutero Kanon

³⁰ Ago ki mwa Musa eng' taitap Kamuktaindet ne Toroor kole, “Atinye kutit ne palyach, imuuchi kogastaa ano Pharaoh?”

BUKUIT NE TILIL

³⁰ Ak kimwa Musa eng’ taitab Jehovah, kole, Atinye kutit ne tomo kitiach; imuchi kogasta ano Parao?

KOMONG'U 6:30 ပူးပေါင်းရင်းမြစ်များ

KOMONG'U 4:1

Ki wolji anyun Musa koleenji, “Ma iyana anan kogas iit kutinnyu pichooto? Amu mwaei koleen, ‘Ma iboorungei Kamuktaindet ne Toroor.’ ”

KOMONG'U 4:10

Ago ki leenji `Musa Kamuktaindet ne Toroor, “Ee, Kiptaiyannyu, mangen ang'alaal kobooch keny agoi raini ing'alaalwo, amu nyigiis ng'eleptanyu ak ko ua kuut.”

KOMONG'U 6:12

Ago ki ng'alaal Musa eng' taitap Kamuktaindet ne Toroor kole, “Ngot koma kasa piigap Israel, ko tos imuuchi kogasta ano Pharaoh ak anee atinye kutit ne palyach?”

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

JEREMIA 1:6

Ki amwa anyun ale, “Ee, Kiptaiyat Kamuktaindet ne Toroor! Keero, anee koma muuchi ang'alaal, amu aa lakwa.”