KOMONG'U 15:15 - Bukuit Ne Tilil

¹⁵ Ki tang'any anyun kirwoogik che po Edom; potandos che kiimeen che po Moabik; kachootyo tugul che menyei Kanaan.

BUKUIT NE TILIIL Sireet ne Dutero Kanon

¹⁵ Ki tang'any anyun kirwoogik che po Edom; potandos che kiimeen che po Moabik; kachootyo tugul che menyei Kanaan.

BUKUIT NE TILIL

¹⁵ Kitang’any anyun kiruogik che bo Edom; Botandos che kimen che bo Moabik: Kachootyo tugul che menyei Kanan.

KOMONG'U 15:15 ပူးပေါင်းရင်းမြစ်များ

JOSHUA 5:1

Ye kingo kas laitorinik tugul che po Amorik che ki mi komostap cherongo eng' Jordan, ak laitorinik tugul che po Kanaanik che ki neegitee nyanjetap Mediterenian kole ki yai `Kamuktaindet ne Toroor aineetap Jordan koyaam eng' taitap piigap Israel kot kolandae, kobek mugulelwekwak kot ko mata kong'et nyiganateet eng' icheek amu piigap Israel.

JOSHUA 2:11

Ye ki ngegas agobo nooto, kogimeiyo mugulelwekyok ak ki mata komi nyiganateet eng' chii age tugul amu okweek. Kamuktaindet ne Toroor Kamuktaindeng'wong' ko iman Kamuktaindet eng' parak kipsengwet ak eng' ng'wony.

JOSHUA 2:9

ak koleenji, “Angen ale ki koonok Kamuktaindet ne Toroor emoni, ak ki koityech arageneet agobo okweek, ak komeyo mugulelwegap meng'iigap emoni tugul eng' taing'wong'.

NG'ATUTIK 2:4

Ng'at piik ileenji, kanyool obun kiwotetap tupchosyekwok lagogap Esau che menyei Seir. Nga iyweok,

TAUNET 36:40

Chu kainaigap kirwoogik che ki mang'une Esau, ko uu ortinwekwak, ko uu korotinwekwak ak ko uu kainaikwak: kirwoogindet Timna, kirwoogindet Alba, kirwoogindet Jetet,

HABAKUK 3:7

Ki ageer emaisyegap Kushan komi nyalilda: Kibotanso tuguuk che kioiye emet che po Midian.

NAHUM 2:10

Ma mi kiy, mi puch, ki koek karaatya! Chootei muguleldo, ak piregei kutung'oik, ak komi ng'wanindo suenutik tugul, walaksei togoochigap icheek tugul.

EZEKIEL 21:7

Ak ye teebenen, koleenjin, Amu nee si itigen? Ile anyun, Amu ng'aleek, amu nyoonei: ak kome muguleldo age tugul ak konyalulso eunek tugul, ak konyaluul sabeet age tugul, ak kochootyo kutung'oik tugul ko uu peek: ogeero, nyoonei, ak ko yaaksei, mwaei Kiptaiyat Kamuktaindet ne Toroor.

ISAIAH 19:1

Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

ISAIAH 13:7

Nyaluldos anyun eunek tugul, ak kochoot muguleldap chii age tugul,

TIENWOGIKAL 68:2

Iyeste icheek ko uu ye kiyestoi iyeto: Ko uu ye chootei temeniet eng' ye neegitee maat, Ko uu nooto ingolusyo kiptengeginik eng' taitap Kamuktaindet.

2 SAMUEL 17:10

Agot ineendet ne nyigan, ne uu muguleldanyi muguleldap ng'etundo, kochootei kogesugei, amu ingen Israel tugul kole chiito ne nyigan kwandang'ung' ak icheek che mi ak ineendet ko piik che nyigoonen.

1 SAMUEL 14:16

Ki keer riibiigap Saulo eng' Gibea ne po Benjamin; ogeero, chaang'indo, kibetyo ak koyestoi koba komosi ak komosi.

JOSHUA 14:8

Ki igoochi tupchosyekyuk che ki kitogostoi tugul mugulelwegap piik komeiyo, ago ki asup Kamuktaindet ne Toroor Kamuktaindennyu eng' kagesunatetapkei.

JOSHUA 2:24

Ak ki leenji `pichooto Joshua, “Iman ki konde Kamuktaindet ne Toroor emet tugul eunekyok, ak ko ne siirei nooto, kobegu kowoi piigap emonooto eng' tainnyo.”

NG'ATUTIK 20:8

Ingong'alaalji `kandoik piik kogeny koleenji, “Ng'oo ne nyogoor ne machei kotanui? Ingoweek kwo koonnyi, si ma chootyo mugulelwegap tupchosyekyik ko uu nenyi.”

TAUNET 36:15

Chuuto ko kirwoogigap weeriigap Esau. Weeriigap Eliphas, ne oo ne po Esau: kirwoogindet Teman, kirwoogindet Omar, kirwoogindet Sepo, kirwoogindet Kenas,

TIENWOGIKAL 48:5

Kingo keer nganasanooto, ko kitang'aang'ji; ki toptobenso, ak ki pa kochaakta.

JEREMIA 49:23

Ng'aleegap Damasko. Kagolilan Hamath, ak Arpad; amu kogogas ng'aleek che yaach, kogotanuiso: mi arageneet nyanjet; ma imuuchi kosiis.

TAUNET 36:16

kirwoogindet Kora, kirwoogindet Gatam, ak kirwoogindet Amelek. Chuuto ko kirwoogik che kisichei Eliphas eng' emetap Edom, chuuto ko weeriigap Adah.

HABAKUK 3:6

Ki tonon ak kokwa ng'wony; ki keer ak kotumdum pororyosyek: Ak ki iseerak tuloonook che po koigeny; ki ing'uruukso tuloonook che po koigeny; ki uu panwekyik peetuusyek che po keny.