KALEWANAIK 21:4 - Bukuit Ne Tilil

⁴ Koonyek che tinyei menoteet ak muguleldo ne meenei, agot taitap kiptengeginik ko tengekto kityo.

BUKUIT NE TILIIL Sireet ne Dutero Kanon

⁴ Koonyek che tinyei menoteet ak muguleldo ne meenei, agot taitap kiptengeginik ko tengekto kityo.

BUKUIT NE TILIL

⁴ Konyek che tinyei menotet, ak muguleldo ne menei, Agot kabatisietab kiptengeginik, ko tengekto.

KALEWANAIK 21:4 ပူးပေါင်းရင်းမြစ်များ

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.

KALEWANAIK 6:17

konyegap menoteet, ng'elyepta ne mwaei lembech, ak eunek che tumdoi korotiik che ma tinyei tengek,

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

KALEWANAIK 8:13

Kaiyweisyet ne kiywei Kamuktaindet ne Toroor ko kewech yaityo. Aweche menoteet, kaeetetapkei ak ooreet ne ya, ak kutit ne imaasat.

ROMANIK 14:23

Ago ineendet ne tinyei saget, ki kikyin ngot koam, amu ma amei eng' kayaneet; ak kiit age tugul ne ma po kayaneet ko tengek.

LUKA 18:14

Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

ISAIAH 3:16

Ki mwa kogeny Kamuktaindet ne Toroor kole: “Amu menioti tiibiigap Zion, ak kobendoti ko chuulotin kaatwekwak, koberberisyote konyekwak, kobendi ak kokwaisoti, ak kocheiyoti keelyekwak,

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

TIENWOGIKAL 10:4

Leen kiptengekyot eng' menatennyi, “Ma mage kiy Kamuktaindet;” leen eng' kabwaatutikyik tugul, “Ma mi Kamuktaindet.”

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

KALEWANAIK 30:13

Miitei ibinda, ee, mi katorooretapkei ne tya eng' konyekwak! Sutotin irirenigap konyekwak.

LUKA 11:34

Taitap poortang'ung' kondang'ung': ngo myee kondang'ung', ko nyiitaat poortang'ung' komugul lapkeiyet; ago ngo ya kondang'ung' ko nyiitaat poortang'ung' agine mesundeito.

KALEWANAIK 24:20

amu ma nyooru melekto chiito ne ya; kimisi tait ne po kiptengeginik.

Kitabuutap JOB 18:5

Ki misi lapkeiyetap kiptengegeginik, ama kokweng'sei liplibenetap maannyi.

Kitabuutap JOB 18:6

Imenitu lapkeiyet eng' emainnyi, ak ki misi tainnyi ne mi paragunnyi.

TIENWOGIKAL 101:5

Ang'eme age tugul ne chaamoti chiitap kokwennyu eng' ung'oot; ma muitochini menotyo, chiito ne meenei muguleldanyi.

TIENWOGIKAL 131:1

Kamuktaindet ne Toroor, ma meenei muguleldanyu; ama mi katorooretapkei eng' konyekyuk; ama yae tuguuk che eecheen. Ma alosyige tuguuk che eechen anan che kikwong'ee miising'.

KALEWANAIK 6:16

Miitei tuguuk lo che wechei Kamuktaindet ne Toroor; ee, tuguuk tisap che wechei ineendet:

ISAIAH 10:12

Nooto anyun ye tuun kagoyai Kiptaiyat poisyennyi komugul eng' tulweetap Zion ak eng' Jerusalem, abir anyun logoegap menoteetap muguleldo ne po laitoryatap Assyria, ak toroornatetap kachaunennyi pogei.