KAITOSYEK 18:13 - Bukuit Ne Tilil

¹³ Punjinin tongoanik che po tuguuk tugul che mi emennywa, che ipchin `icheek Kamuktaindet ne Toroor. Amei age tugul ne ma ng'waan ne po koong'ung'.

BUKUIT NE TILIIL Sireet ne Dutero Kanon

¹³ Punjinin tongoanik che po tuguuk tugul che mi emennywa, che ipchin `icheek Kamuktaindet ne Toroor. Amei age tugul ne ma ng'waan ne po koong'ung'.

BUKUIT NE TILIL

¹³ Bunjinin tongoanik che bo tuguk tugul che mi emenywa, che ipchin Jehovah; amei age tugul ne ma ng’wan ne bo gong’ung’.

KAITOSYEK 18:13 ပူးပေါင်းရင်းမြစ်များ

2 LAITORINIK 4:42

Ki nyo chiito age eng' Baal-salisa, koipchi chiitap Kamuktaindet magatinigap tongoanik, magatiinik tiptem che po baale kobooto mesiisegap peek eng' lolennyi. Ak ki le, “Igoochi piik koam.”

2 ATEPTAP PEETUUSYEK 31:5

Ak kingo kasak ng'atuutyet eng' emet, kogoito piigap Israel eng' chaang'indo tongoanigap peek, che po divaik, mwanik, kumyat, ak che po rurateet tugul ne po emet; ak ki ip kebebertap taman ne po tuguuk tugul eng' chaang'indo.

KOMONG'U 22:29

“Amegagei si igoitoi kobun chaang'indap tuguuguk ak eng' che kieei. Igoono taitang'ung' ne weeriit.

KOMONG'U 23:19

“Kanyool iibu tuguuk che po tai eng' tongoanik che po emeng'ung' kobwa kootap Kamuktaindet ne Toroor Kamuktaindeng'ung'. “Ameyoe aarwet cheegap kamet.

KOMONG'U 34:26

Ibu kobwa kootap Kamuktaindet ne Toroor Kamuktaindeng'ung', tuguuk che po tai eng' tongoaniguk che po emeng'ung'. Ameyoe aarwet cheegap kamet.”

JEREMIA 24:2

Ki mi kitonget age logoegap mogoonik che korooron miising', ko uu tongoanigap mogoonik: ak kimi kitonget age logoek che yaacheen miising' che po mogoonik, che ki ma kimuuchi keam, kiyaachen miising'.

EZEKIEL 44:30

Ak punjin tisiik tongoanik tugul che po tai che po kiy age tugul, ak kagoochinet age tugul ne kinamjin parak ne po kiy age tugul, che po kagoochinoikwok tugul che kinamjin parak: ogoochini kogeny tisiindet magatinikwok che tuonen che po tai, si kogoochi perurto kotebee koong'ung'.

HOSEA 9:10

Ki ageer ale uu Israel sabibuk eng' surkwen; ki ageer kwanisyekwok ale uu tongoaniatap mogoywet eng' kenyinnyi ne po tai: ago ki pwanji Baal-peor, kotabaanjigei kioto samis, ak koek icheek kiit ne kiwechei ko uu kioto ki chamei icheek.

ATEPTAP LAWIK 22:7

Ye karorokto asiis, koanyinyit, ak yeityo koam tuguuk che tiliileen, amu amitwogichooto.

ATEPTAP LAWIK 23:17

Oibu eng' meng'otosyekwok magatiinik aeng' che kiongoi che kichoben kiloinik aeng' che po peek che ng'ootiin che tambulul, che kibeeldoi mermereek, koek tongoanik che po Kamuktaindet ne Toroor.

MIKAH 7:1

Pwo eng' anee! Amu aa uu yo kagiyum logoegap kemei, aa uu turoonik che po sabibuk, ma mi logoek che irurugotin che kimuuchi keam; machei saboondanyu tongoaniatap mogoywet.

NG'ATUTIK 18:4

Igoochi ineendet tongoanigap peeguk, divaiguk, mwaniguk ak koroorik che po tai che po keechiireguk.

NG'ATUTIK 26:2

inam anyun eng' tongoanik tugul che po logoek che po emet che iibu eng' emeng'ung' ne koonin Kamuktaindet ne Toroor Kamuktaindeng'ung' ak inde kitonget yeityo iip koba ole leweni Kamuktaindet ne Toroor Kamuktaindeng'ung' kondai kainennyi.