KAITOSYEK 11:23 - Bukuit Ne Tilil

²³ Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

BUKUIT NE TILIIL Sireet ne Dutero Kanon

²³ Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

BUKUIT NE TILIL

²³ Ak kilenji Jehovah Musa, Tos nwach eutab Jehovah? Igeere nguno kosuldoi ng’olyondennyu agobo inye, anan achicha.

KAITOSYEK 11:23 ပူးပေါင်းရင်းမြစ်များ

TAUNET 18:14

Tos mi kiy age tugul ne temenee Kamuktaindet ne Toroor? Aweekyiningei peetuusyek che uu chu eng' kenyiit ne nyoonei, eng' peetuut ne kaachop, ak sichei `Sarah weeriit.”

2 LAITORINIK 4:43

Ki le otwogindennyi, “He! Andoi amitwogichu taitap piik pogol?” Ago ki le, “Igoochi piik koam. Amu kamwa Kamuktaindet ne Toroor kole, ‘Amei kot kotuuch.’ ”

2 LAITORINIK 7:2

Kowolji anyun kiptaiyat ne kitiegei eunnyi laitoryat chiitap Kamuktaindet, koleenji, “Ogeero, ngot koyai Kamuktaindet ne Toroor tirisyok eng' kipsengwet, ko tos piit kioto?” Ak ki le Elisha, “Keero, igeere eng' konyeguk, ago meame tuguuchooto.”

TIENWOGIKAL 78:41

Ak ki week kogeny kotyem Kamuktaindet, Ak kitach Ineendet ne Tiliil ne po Israel.

KOMONG'U 6:1

Ki leenji `Kamuktaindet ne Toroor Musa, “Machei si igeer nguno kiit ne amache ayachi Pharaoh, amu eng' eunyu ne kiim, kogoochin icheek koba, ak koon koba eng' emennyi eng' eunooto kiim.”

ISAIAH 50:2

Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.

ISAIAH 59:1

Ogeero, ma nwach eutap Kamuktaindet ne Toroor, kot koma imuuch kosar; ama nyigiis itinnyi, kot koma imuuch kogas:

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 32:17

Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

JEREMIA 32:27

keero, aa Kamuktaindet ne Toroor, Kamuktaindetap piik tugul: tos mi kiy age tugul ne temena?

EZEKIEL 12:25

Amu aa Kamuktaindet ne Toroor; ang'alaali, ak kosulda ng'olyoot ne amwae; ma kigoitoi kogeny: amu amwae ng'olyoot, ak ageesu eng' peetuusyekwok, ee koot ne ii ngelelyot, mwaei Kiptaiyat Kamuktaindet ne Toroor.

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

DANIEL 6:20

Kingo riikta anyun keriinget ole mi Daniel, kowaach laitoryat eng' arageneet kole “Ee Daniel, otwogindetap Kamuktaindet ne sabei, tos imuuchi Kamuktaindeng'ung' ne iote kotugul kosarun eng' ng'etuunyik?”

MIKAH 2:7

Ee kootap Jakobo, tos kimwae keele, Tos rartaat Kabuusetap Kamuktaindet ne Toroor? Tos poisyonikyik chuuto? Tos ma yachin ng'aleekyuk ne myee ineendet ne wendote imanda?

KAITOSYEK 11:22

Tos kieng'ji keechiirek ak tuuga si koyam icheek? Anan kiyumi ngirenik tugul che mi nyanjet si koyam icheek?”

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 19:26

Ago ki keer Jeso icheek ak koleenji, “Ma imugaksei ni eng' piik, ago imugaksei tuguuk tugul eng' Kamuktaindet.”

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

LUKA 1:37

Amu ma mi ng'olyoo ne punu Kamuktaindet ne ma kiim.”