JOSHUA 6:2 - Bukuit Ne Tilil

² Ki mwachi `Kamuktaindet ne Toroor Joshua koleenji, “Keero, kande eung'ung' Jeriko, laitoryandennyi ak murenikyik che po lugeet.

BUKUIT NE TILIIL Sireet ne Dutero Kanon

² Ki mwachi `Kamuktaindet ne Toroor Joshua koleenji, “Keero, kande eung'ung' Jeriko, laitoryandennyi ak murenikyik che po lugeet.

BUKUIT NE TILIL

² Ak kimwachi Jehovah Josua kolenji, Keero, kande eung’ung’ Jeriko, ak laitoriandennyi, ak murenik che kimen che nyigonen.

JOSHUA 6:2 ပူးပေါင်းရင်းမြစ်များ

2 SAMUEL 5:19

koteebe `Daudi Kamuktaindet ne Toroor koleenji, “Awe kebargei ak Philistiik? Tos indoi icheek eunnyu?” Ak ki leenji `Kamuktaindet ne Toroor Daudi, “Togoste, amu andoi iman Philistiik eung'ung'.”

NEEMIA 9:24

Ki pa anyun lagochooto ak konam emet kobunji, ak iterteer eng' tainnywa piigap emonooto. Chooto ko ki Kanaanik ak inde icheek eunekwak kobooto laitorinikwak ak piigap emet, si koyachi icheek ko uu ye machei.

DANIEL 2:21

Wolei peetuusyek ak kenyiisyek, istoi laitorinik, ak koeeti laitorinik; igoochin utaatyet che utaatiin, ak kogoochin naet icheek che ingen kaguiyet.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:35

Ki iti piik tugul che menyei ng'wony keele puch ak koyachin lugeetap kipsengwet ko uu ye machei, kobooto piik che menyei ng'wony. Ama mi chii ne imuuchi kogirinda eunnyi, anan koleenji ineendet, “Iyae nee?”

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.

NG'ATUTIK 7:24

Indoi laitorinikwak euneguk, ak ibeet kainennywa eng' kurereetap kipsengwet. Ma piitu chii ne imuuchi kotonon eng' taing'ung'; ibare kowong'kei.

JOSHUA 12:9

laitoryatap Jeriko agenge, laitoryatap Ai, ne neegitee Bethel agenge;

JOSHUA 2:24

Ak ki leenji `pichooto Joshua, “Iman ki konde Kamuktaindet ne Toroor emet tugul eunekyok, ak ko ne siirei nooto, kobegu kowoi piigap emonooto eng' tainnyo.”

JOSHUA 2:9

ak koleenji, “Angen ale ki koonok Kamuktaindet ne Toroor emoni, ak ki koityech arageneet agobo okweek, ak komeyo mugulelwegap meng'iigap emoni tugul eng' taing'wong'.

JOSHUA 20:1

Ki ng'alaalji `Kamuktaindet ne Toroor Joshua koleenji,

JOSHUA 6:1

Kiga kiger Jeriko kot amu piigap Israel. Ki ma komandoi chii anan kochut oriit.

JOSHUA 6:3

Oyiem nganaseet; murenik tugul che po lugeet omuuti nganaseet konyil agenge. Oyae ko uu nooto eng' peetuusyek lo.

JOSHUA 8:1

Ki mwachi `Kamuktaindet ne Toroor Joshua koleenji, “Meiywei anan komein mugulelel, ago imut piik tugul che po lugeet ak ong'eetyee otogoste Ai. Keero, kaande eung'ung' laitoryatap Ai kobooto piikyik, nganasennyi ak emennyi.

KIRUOGIK 11:21

Ki inde Kamuktaindet ne Toroor, Kamuktaindetap Israel, Sihon ak piikyik tugul eutap Israel, ak ki par icheek. Konam anyun Israel emet tugul ne po Amorik kobunji, icheeget che ki menyei emonooto.

KIRUOGIK 11:24

Tos meibe kobunjiin ne kigoonin Kemos kamuktaindeng'ung'? Nooto anyun, age tugul ne oonei Kamuktaindet ne Toroor, Kamuktaindennyo eng' tainnyo, kename chooto kobunjech.