JOSHUA 13:9 - Bukuit Ne Tilil

⁹ kobooch Aroer, ne mi tabandap atebweetap Arnon, ak nganaseet ne mi kwenutap atebwonooto ak warenget tugul ne po Medeba agoi Dibon,

BUKUIT NE TILIIL Sireet ne Dutero Kanon

⁹ kobooch Aroer, ne mi tabandap atebweetap Arnon, ak nganaseet ne mi kwenutap atebwonooto ak warenget tugul ne po Medeba agoi Dibon,

BUKUIT NE TILIL

⁹ koboch Aroer, ne mi tabandab atebwetab Arnon, ak nganaset ne mi kwenutab atebwonoto, ak warenget tugul ne bo Medeba agoi Dibon;

JOSHUA 13:9 ပူးပေါင်းရင်းမြစ်များ

2 SAMUEL 24:5

Kilandae Jordan ak komung'yo eng' Aroer, komostap tai ne po nganaseet ne mi kwenutap atebweetap Gad kotokyigei Jaser,

1 ATEPTAP PEETUUSYEK 19:7

Koaljigei anyun kariisyek eliphuusyek sosom ak aeng', kobooto laitoryatap Maaka ak piikyik, che ki pwa koteech taitap Medeba. Ak ki iyumgei lagogap Ammon komong' eng' nganasookwak, kobwa koyai lugeet.

NEEMIA 11:25

Eng' nganasook kobooto mbareenikwak, kogimenyei alak eng' lagogap Judah, Kiriath-arba ak nganasookyik, eng' Dibon ak nganasookyik, eng' Jekabseel ak nganasookyik,

ISAIAH 15:2

Katogosta Bayit, ak Dibon, kot koit komoswek che torooreen, koba koriir; riirchin `Moab Nebo, ak agobo Mediba. Mi pooswek metowekwak, ki ketil tamnet age tugul.

JEREMIA 48:18

Ee inyee chepto ne itebee Dibon, chooruge eng' toroornateng'ung', ak itebi eng' melelda; amu kagopookyin ng'emindetap Moab, kagong'em irimoiguk.

JEREMIA 48:22

ak Dibon, Nebo, ak Beth-diblataim;

JEREMIA 48:8

Ak nyoonjin luulindet nganaseet age tugul, ama mi nganaseet ne chilili; lusei kogeny atebweet, ak keng'emei warenget; ko uu ye kagomwa Kamuktaindet ne Toroor.

KAITOSYEK 21:30

Kagolus, Hesbon agoi Dibon. Kageng'em agoi Nopa, ne itei Medeba.”

NG'ATUTIK 2:36

Kobooch Aroer ne mi tabandap atebweetap Arnon, ak nganaseet ne mi atebweet agoi Gilead, ko ki ma piit nganaseet ne ki kimiit kosiirech. Kigoon `Kamuktaindet ne Toroor, Kamuktaindennyo tugul eng' tainnyo.

NG'ATUTIK 3:12

Kingenam emonooto kobunjech eng' peetuusyechooto kobooch Aroer, ne neegitee atebweetap Arnon, kebebertap emetap tuloonook ne po Gilead ak nganasookyik, agoochi piigap Reuben ak che po Gad.

NG'ATUTIK 3:16

Ak ki agoochi piigap Reuben ak piigap Gad kobooch Gilead agoi atebweetap Arnon kwenutap atebweet ak kiwotennyi agoi aineetap Jabbok, nooto kiwotetap lagogap Ammon.

JOSHUA 12:2

Sihon laitoryatap Amorik ne ki menyei Hesbon, ak ki pou Aroer ne mi tabandap atebweetap Arnon, ak kobooch kwenutap atebweet kot koit aineetap Jabbok, ne kiwotetap lagogap Ammon, ni ko kebebertap Gilead.

JOSHUA 13:10

nganasook tugul che po Sihon laitoryatap Amorik, ne ki laitorani eng' Hesbon, agoi kiwotetap lagogap Ammon,

JOSHUA 13:16

Ki pooch kiwotennywa Aroer ne mi tabandap atebweetap Arnon ak nganaseet ne mi kwenutap atebweet kobooto warenget tugul ne neegitee Medeba

JOSHUA 13:8

Ki sich porotennywa piigap Reuben ak che po Gad kobooto ne kigaigoochi Musa eng' Jordan pitoniin tokyingei kong'asiis, ko uu ye ki igoochi `icheek Musa otwogindetap Kamuktaindet ne Toroor: