JOSHUA 13:16 - Bukuit Ne Tilil

¹⁶ Ki pooch kiwotennywa Aroer ne mi tabandap atebweetap Arnon ak nganaseet ne mi kwenutap atebweet kobooto warenget tugul ne neegitee Medeba

BUKUIT NE TILIIL Sireet ne Dutero Kanon

¹⁶ Ki pooch kiwotennywa Aroer ne mi tabandap atebweetap Arnon ak nganaseet ne mi kwenutap atebweet kobooto warenget tugul ne neegitee Medeba

BUKUIT NE TILIL

¹⁶ Kiboch kiwotenywa Aroer, ne mi tabandab atebwetab Arnon, ak nganaset ne mi kwenutab atebwet, ak warenget tugul ne negite Medeba;

JOSHUA 13:16 ပူးပေါင်းရင်းမြစ်များ

2 SAMUEL 24:5

Kilandae Jordan ak komung'yo eng' Aroer, komostap tai ne po nganaseet ne mi kwenutap atebweetap Gad kotokyigei Jaser,

1 ATEPTAP PEETUUSYEK 19:7

Koaljigei anyun kariisyek eliphuusyek sosom ak aeng', kobooto laitoryatap Maaka ak piikyik, che ki pwa koteech taitap Medeba. Ak ki iyumgei lagogap Ammon komong' eng' nganasookwak, kobwa koyai lugeet.

ISAIAH 15:4

Riirei Hesbon ak Eleale, kigasei kutusweekwak eng' Jahas. Waaktos anyun murenigap Moab che ilaachi kariik; potani saboondanyi.

KAITOSYEK 21:26

Amu Hesbon ko ki nganaseetap Sihon laitoryatap Amorik, ne kiga kobargei ak laitoryatap Moab ne ki po tai ak kirebe emennyi komugul ne ki mi eunnyi agoi Arnon.

NG'ATUTIK 3:12

Kingenam emonooto kobunjech eng' peetuusyechooto kobooch Aroer, ne neegitee atebweetap Arnon, kebebertap emetap tuloonook ne po Gilead ak nganasookyik, agoochi piigap Reuben ak che po Gad.

JOSHUA 12:2

Sihon laitoryatap Amorik ne ki menyei Hesbon, ak ki pou Aroer ne mi tabandap atebweetap Arnon, ak kobooch kwenutap atebweet kot koit aineetap Jabbok, ne kiwotetap lagogap Ammon, ni ko kebebertap Gilead.

JOSHUA 13:15

Ki igoochi `Musa pororyetap lagogap Reuben ko uu ortinwekwak.

JOSHUA 13:17

ak Hesbon ak nganasookyik tugul che mi warenget; Dibon ak Bamotbaal ak Beth-baal-meon,

JOSHUA 13:9

kobooch Aroer, ne mi tabandap atebweetap Arnon, ak nganaseet ne mi kwenutap atebwonooto ak warenget tugul ne po Medeba agoi Dibon,

JOSHUA 14:3

Kiga kogoochi `Musa poroteet pororyosyechooto aeng' ak kebeberyat eng' Jordan pitoniin. Ma igoochi `Lawiik poroteet age tugul eng' kwenunnywa.

JOSHUA 18:7

Amu ma tinyei Lawiik kebeberta eng' kwenung'wong', amu tiseinatetap Kamuktaindet ne Toroor ko porotennywa, ak kigosich Gad ak Reuben ak kebebertap pororyetap Manasseh porotennywa, eng' Jordan pitoniin po kong'asiis, ne ki igoochi `Musa otwogindetap Kamuktaindet ne Toroor.”

KIRUOGIK 11:26

Ye kita komenyei Israel Hesbon ak nganasookyik, Aroer ak nganasookyik ak eng' nganasook tugul che mi tabandap Aineetap Arnon eng' kenyiisyek pogol somok, kolya si moip eng' peetuusyechooto?

1 SAMUEL 30:28

che ki mi Aroer, che ki mi Sipmot, che ki mi Estemoa;