JOSHUA 12:5 - Bukuit Ne Tilil

⁵ Ki pounisyei ineendet eng' tulweetap Hermon, Saleka ak Bashan komugul kot koit kiwotetap Gesurik, Maakatik ak kebeberta ne po Gilead kiwotetap Sihon laitoryatap Hesbon.

BUKUIT NE TILIIL Sireet ne Dutero Kanon

⁵ Ki pounisyei ineendet eng' tulweetap Hermon, Saleka ak Bashan komugul kot koit kiwotetap Gesurik, Maakatik ak kebeberta ne po Gilead kiwotetap Sihon laitoryatap Hesbon.

BUKUIT NE TILIL

⁵ ak kibounisiei eng’ tulwetab Hermon, ak Saleka, ak Basan komugul, kot koit kiwotetab Gesurik, ak Maakatik, ak kebeberta ne bo Gilead, kiwotetab Sihon laitoriatab Hesbon.

JOSHUA 12:5 ပူးပေါင်းရင်းမြစ်များ

2 SAMUEL 13:37

Ago ki mwei Absalom kwo ole mi Talmai weeriitap Amiur laitoryatap Gesur. Ki riirchi `Daudi weeriinnyi peetuut age tugul.

2 SAMUEL 15:8

Amu ki aaroorte anee otwogindeng'ung' ye kita ami Gesur eng' Syria ale, ‘Ngot koweektaa Kamuktaindet ne Toroor kogeny iman awo Jerusalem, aboisyechini anyun Kamuktaindet ne Toroor.’ ”

2 SAMUEL 23:34

Eliphelet weeriitap Aasbai, weeriitap Maakatindet, Eliam weeriitap Ahitopel Gilonindet,

2 SAMUEL 3:3

Weeriinnyi ne po aeng' ko ki Kileap, ne kisichei Abigail ne ki osotyotap Nabal Karmelindet. Ne po somok ko ki Absalom ne kisichei Maaka cheptap Talmai laitoryatap Gesur.

2 LAITORINIK 25:23

Kingo kas kiptainik tugul che po lugoosyek, icheeget ak piikwak, kole kogoyai laitoryatap Babilon Gedalia koek pounindet, kobwa ole mi Gedalia eng' Mispa, chooto ko ki Ishmael weeriitap Netania, Johanan weeriitap Karea, Seraiah weeriitap Tanumet Netopatindet, ak Jaasania weeriitap Maakatindet, kobooto piikwak.

1 ATEPTAP PEETUUSYEK 5:11

Ki meny weeriigap Gad kotokyin ak icheek, eng' emetap Bashan agoi Saleka:

JEREMIA 40:8

kobwa anyun kap Gedalia eng' Mispa, icheeget ko, Ishmael weeriitap Netania, ak Johanan ak Jonathan weeriigap Karea, ak Seraiah weeriitap Tanumet, ak weeriigap Epai Netopatindet, ak Jesania weeriitap Maakatindet, icheeget kobooto murenikwak.

NG'ATUTIK 3:14

Kiluul Jair weeriitap Manasseh emet komugul ne po Argob, agoi kiwotetap Gesurik ak Maakatik ak kiguure chooto ak Bashan Habot-Jair agoi ra.)

JOSHUA 11:3

Ki iyookyi ng'olyoo kora Kanaanik eng' kong'asiis, ak eng' cherongo kobooto Amorik, Hitik, Perisik, Jebusik eng' emetap tuloonook ak Hibik eng' Hermon keel eng' emetap Mispa.

JOSHUA 12:1

Chu ko laitorinigap emonooto che ki par `piigap Israel ak konam emennywa kobunji; eng' Jordan pitoniin ole tokyingei kong'asiis, kobooch atebweetap Arnon kot koit tulweetap Hermon kobooto Arabah tugul ne tokyingei kong'asiis:

JOSHUA 13:11

Gilead ak kiwotetap Gesurik ak Maakatik ak tulweet tugul ne po Hermon ak Bashan tugul agoi Saleka,

1 SAMUEL 27:8

Ki togosta anyun `Daudi ak piikyik kobookyi Gesurik, Girsik ak Amelegik, amu chooto ko ki piik che ki menyei emonooto, piik che ki po keny, eng' ooreet ne kibunei kebendi Sur agoi emetap Misiri.