JOHANA 3:18 - Bukuit Ne Tilil

¹⁸ Ma kirwookyin chii ne iyani ineendet: ago ineendet ne ma iyani, ko kagirwookyi, amu ma iyan eng' kainetap Weeriitap Kamuktaindet ne ki kiii ineegei.

BUKUIT NE TILIIL Sireet ne Dutero Kanon

¹⁸ Ma kirwookyin chii ne iyani ineendet: ago ineendet ne ma iyani, ko kagirwookyi, amu ma iyan eng' kainetap Weeriitap Kamuktaindet ne ki kiii ineegei.

BUKUIT NE TILIL

¹⁸ Magiruokyin chi ne iyani inendet: ago inendet ne maiyani, ko kagiruokyi, amu ma iyan eng’ kainetab Weritab Jehovah ne kigii inegei.

JOHANA 3:18 ပူးပေါင်းရင်းမြစ်များ

MARIKO 16:16

Ineendet ne iyani ak kibatisan kesaru; ago ineendet ne ma iyani ko tuun kirwookyin.

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

JOHANA 3:36

Tinyei saboondap koigeny ne iyani Weeriit; ama keerei saboondo ne ma kase iit Weeriit, ago tebee nereegegap Kamuktaindet paragunnyi.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

JOHANA 6:47

Amwaiwok, iman, iman, ale, Ineendet ne iyani, kotinyei saboondap koigeny.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

ROMANIK 8:34

ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 3:19

Kigeere anyun keele ki ma imuuch icheek koit amu ma iyan.

1 JOHANA 3:23

Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet.

1 JOHANA 4:9

Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet.

1 JOHANA 5:10

Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi.

1 JOHANA 5:12

Ineendet ne tinyei Weeriit kotinyei saboondo: ineendet ne ma tinyei Weeriitap Kamuktaindet koma tinyei saboondo.