JOHANA 2:16 - Bukuit Ne Tilil

¹⁶ ak ki leenji icheeget che ki aldoi cheptugenik, “Oip tuguuchu koba eng' oli; amoyai kootap Abba koek ole kiyae mung'aaret.”

BUKUIT NE TILIIL Sireet ne Dutero Kanon

¹⁶ ak ki leenji icheeget che ki aldoi cheptugenik, “Oip tuguuchu koba eng' oli; amoyai kootap Abba koek ole kiyae mung'aaret.”

BUKUIT NE TILIL

¹⁶ ak kilenji icheget che kialdoi cheptugenik, Oib tuguchu koba eng’ oli; amoyai gotab Baba koek ole kiyae mung’aret.

JOHANA 2:16 ပူးပေါင်းရင်းမြစ်များ

JEREMIA 7:11

Tos kaek kooi kemwaitoe kainennyu kebeneetap rebiik eng' taing'wong'? Onai ole anee, aneendet ne kaageer, mwaei Kamuktaindet ne Toroor.

MATAYO 21:12

Ki wo Jeso hekaluutap Kamuktaindet, ak koon tugul che ki aldaisyei ak che ki alisyei eng' yooto. Kigabui mesosyek che po woliigap silingisyek ak ng'echerogap che ki aldoi cheptugenik.

MATAYO 21:13

Ki leenji icheek, “Siraat keele, ‘Kiguure koonnyu kootap saaet,’ ago kaowal koek kebeneetap rebiik.”

MATAYO 22:5

Ago ma iit ng'aleekyik ak ki pa ortinwekwak, kwo age mbareennyi, kwo age poisyennyi ne po mung'aaret,

MARIKO 11:17

Ak ki ineet icheek koleenji, “Siraat keele, ‘Koonnyu ko kootap saaet ne po pororyosyek tugul!’ Ago kaoyai okweek koek kebeneetap rebiik.”

LUKA 2:49

Ak ki leenji icheek, “Amu nee si ocheeng'a? Ma onai ole kanyolja atebee poisyetap Abba?”

JOHANA 10:29

Oo Abba, ne ki koono icheek, kosiir tugul; ama mi chii ne imuuchi korep icheek eng' eutap Abba.

JOHANA 2:15

ak ki yai kipchoritiit ne po rogoonik che ki sach, ak koon tugul komanda eng' Hekaluut, kobooto keechiirek ak eiik; ak koranda silingisyek che po walik, ak kogabui mesosyekwak;

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

JOHANA 5:17

Ak ki wolji Jeso koleenji, “Poisyei Abba agoi kora, ak aboisyei agane.”

JOHANA 8:49

Kowol Jeso kole, “Ma tinyei oindet; ago agonyiti Abba, ak oteweera.

1 TIMOTEO 6:5

pooryosyegap piik che ki kong'emogis kabwaatutikwak, ak che ki kirebe imanit, koleen kayweet ne kiywei Kamuktaindet ko ooreet ne kibore.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.