JOHANA 19:11 - Bukuit Ne Tilil

¹¹ Kowolji Jeso koleenji, “Kama ko tetinye kimnateet iyaiywo kiy, nda kama kigoonin eng' parak; nooto anyun, tinyei ineendet ne koindea euneguk tengekto ne oo kosiir.”

BUKUIT NE TILIIL Sireet ne Dutero Kanon

¹¹ Kowolji Jeso koleenji, “Kama ko tetinye kimnateet iyaiywo kiy, nda kama kigoonin eng' parak; nooto anyun, tinyei ineendet ne koindea euneguk tengekto ne oo kosiir.”

BUKUIT NE TILIL

¹¹ Kowolji Jesu kolenji, Kama ko tetinye kimnatet iyaiywa kiy, nda kama kigonin eng’ barak; noto anyun, tinyei inendet ne koindea euneguk tengekto ne o kosiir.

JOHANA 19:11 ပူးပေါင်းရင်းမြစ်များ

1 ATEPTAP PEETUUSYEK 29:11

Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.

TIENWOGIKAL 39:9

Kinamak kutinnyu ak ki asiis; ma atwegu, amu inyee ne ki iyae.

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

RIREKAB JEREMIA 3:37

Ng'oo ineendet ne mwaei ak kosulda kioto, ng'oo ne ng'atei kioto ngo ma Kiptaiyat?

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:25

keele ki onin iwe eng' ole mi piik, ak imeny kobooto tyong'igap timiin, ak kegoonin iaget ko uu tuuga, ak kobutyin rewoot, kot kogeskei peetuusyek che ki king'at, konyil tisap; agoi inai ile pou Ineendet Ne Toroor Miising' pounatetap piik, ak kogoochin age tugul ne makyin.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 4:35

Ki iti piik tugul che menyei ng'wony keele puch ak koyachin lugeetap kipsengwet ko uu ye machei, kobooto piik che menyei ng'wony. Ama mi chii ne imuuchi kogirinda eunnyi, anan koleenji ineendet, “Iyae nee?”

DANIEL 5:21

Ki kioon kwo eng' ole mi piik, ak ki kiyai naennyi koigei ne po tyong'ik. Ki meny kobooto sigirogap timiin, ak ki kibae susweek ko uu tuuga. Ki ibutyi rewoot poortanyi agoi konai kole pou Ne Toroor Miising' pounatetap piik, ak kogoochin age tugul ne makyin koboi.

MATAYO 26:65

Kigereer anyun tisiindet ne oo ngoroikyik ak kole, “Kagomwa ne ya! Ta kemage nee paorinik alak? Kaogas nguno mwaet ne ya.

MATAYO 27:2

Ki rat ineendet, koomut ak ipkogoochi Pilato pounindet.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

MARIKO 14:44

Ak kiga koarorchi ng'wektaindet icheek, koleenji, “Ineendet ne ang'ututi ko ineendet nooto; onam, ak omut ak oriiboote. ”

LUKA 22:53

Ye ki ami kobootok peetuut age tugul eng' Hekaluut, koma oyogocha eunekwok: ago saing'wong' ni, ak kimnateet ne po mesundeito.

JOHANA 18:13

ak komutyi Anas korook; amu ki kabyugoit ne po Caiaphas, ne ki tisiindet ne oo kenyinooto.

JOHANA 18:3

Ak kingo kagonyoor Judas lugeetap kiplugotinik, ak kiptainik che punu tisiik che eecheen ak Pharisaik, kobwa kotinyei taisyek ak kegenganik ak kariik che po lugeet.

JOHANA 19:10

Koleenji Pilato anyun ineendet, “Metwekwa? Mengen ile atinye kimnateet atyachin, ak atinye kimnateet agartatin?”

JOHANA 3:27

Kowol Johana kole, “Ma koi imuuch chii kotaach kiy, ngo ma kigoochi eng' kipsengwet.

JOHANA 7:30

Ki cheeng' anyun pichooto konam ineendet: ama nam chii ineendet, amu kitom koit peetuunnyi.

JOHANA 9:41

Koleenji Jeso, “Nda oo koryotiin okweek, ta motinye tengek; ago nguno omwae ole, ‘Kigeertoi’ nooto anyun, tebyei tengektong'wong'.”

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

POISYONIGAP CHE KIYOKTOI 3:13

Kamuktaindet ne po Abraham, ak ne po Isak, ak ne po Jakobo, Kamuktaindet ne po kwanisyekyok, ko kagotoroor kiboitiondennyi Jeso, ne ki ogoite ak ki otiiye ineendet eng' taitap Pilato, ye kiga kobegechi kotyach ineendet.

POISYONIGAP CHE KIYOKTOI 4:28

si koyai kiit age tugul ne kisip kong'at eung'ung' ak ng'omnateng'ung' kole kosulda.

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

ROMANIK 13:1

Ingogas iit chii tugul pounatosyek che eecheen: amu ma mi pounooto, kobatee ne punu Kamuktaindet; ak ki indoi Kamuktaindet chooto miitei.

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

JAKOBO 4:17

Eng' ineendet anyun, ne ingen koyai ne myee, ama yaei, ko tengekto eng' ineendet.