JOHANA 15:2 - Bukuit Ne Tilil

² Tilei temeet age tugul ne mi eng' anee ne ma iyei logoek, ak kotiliili temeet age tugul ne yiei logoek si koi logoek alak.

BUKUIT NE TILIIL Sireet ne Dutero Kanon

² Tilei temeet age tugul ne mi eng' anee ne ma iyei logoek, ak kotiliili temeet age tugul ne yiei logoek si koi logoek alak.

BUKUIT NE TILIL

² Tilei temet age tugul ne mi eng’ ane ne maiyiei logoek, ak kotilili temet age tugul ne yiei logoek si koi logoek alak.

JOHANA 15:2 ပူးပေါင်းရင်းမြစ်များ

Kitabuutap JOB 17:9

Agot ngo uu nooto kowendi ne po iman eng' ooreennyi, ak ineendet ne tinyei eunek che tiliileen kotesaksei kogimitu kosiir.

TIENWOGIKAL 92:14

Ta koiitos agot ko kagoosegitu; Tuonitu amu peek che eei, ak kotunendos:

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

ISAIAH 27:9

Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

DANIEL 11:35

Ak kobutyo alak eng' che utaatiin, si kobiit kitiliil, ki anyiny, ak keyai koleelagitu, kot koit peetuut ne po let, amu ta koitu peetuut ne ki king'at.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

MALAKI 3:3

ak kotep ng'wony ko uu kitong'iin ak ko uu katiliilindetap fedha. Itiliili `inee ooreetap Lawiik ak kotiliil icheek ko uu ye kitiliili thahabu ak fedha; si kogoochi Kamuktaindet ne Toroor kagoochinoik eng' imanda.

MATAYO 13:12

Amu age tugul ne tinyei, ko tuun kigoochin si konyoor che chaang' kosiir; ago age tugul ne ma tinyei, kereben agot che katinyei.

MATAYO 13:33

Ki mwachi kogeny kalewenet age koleenji, “Kergei pounatetap kipsengwet ak mermereek che ki nam kobogoryot, ak koburukto peek che ng'ootiin che po kitongok somok, agoi kogut tugul.”

MATAYO 15:13

Kowol kole, “Keswot age tugul ne ki ma kool Abba ne mi kipsengwet, kitutu.

MATAYO 21:19

Kingo keer mogoywet eng' tabandap ooreet, kwo ole mi ago ma nyoorchi kiy kobatee sogeek kityo. Ak ki leenji keetoto, “Kobooch ra, koma iyie logoek kogeny agoi!” Ak koma tyanit kores mogoywondonooto.

MATAYO 25:29

Amu age tugul ne tinyei, kigoochin si kosich che chaang'; ago ineendet ne ma tinyei, kerebee agot ne tinyei.

MATAYO 3:10

Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma.

MATAYO 3:12

Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”

MATAYO 7:19

Keetit age tugul ne mayiei logoek che myach keebei ak kewiirchi ma.

MARIKO 4:20

Ak chooto che kagilechi ng'ung'unyek che myach, ko icheeget che kasei ng'olyoot ak kotaach, ak koiiyo logoek sosom, ak tamanwogik lo, ak pogol.”

LUKA 8:13

Ak icheeget che mi rwandet parak, ko ye kagas ng'aleek, koyan eng' poiboiyet, ak ma tinyei tigitik. Iyani ne matya, ak kochuchuigei eng' peetuutap yoomseet.

JOHANA 15:1

Aa keetit ne po iman ne po sabibuk, ak semberindet Abba.

JOHANA 15:16

Ki ma olewena, ago ki alewenok, ak ki andeak, ale obe ak oii logoek, si kobiit kotebi logoekwok: si kobiit kogoonok Kwanda kiit age tugul ne osoome eng' kainennyu.

JOHANA 15:3

Oo tiliileen nguno amu ng'aleek che kaamwaiwok.

JOHANA 15:6

Ngo ma menya chii, kewiirtoi ineendet ko uu temetap keetit, si koyaam; ak koyum piik, ak kowiirchi ma, ak kolalyo.

JOHANA 15:8

Kigonyiti Abba eng' niito, ye oiyie logoek che chaang'; si oegu kasubikyuk.

JOHANA 17:12

Ki ariip eng' kaineng'ung' icheek che ki igoono, ye kota kemi ak icheek: ki ariip icheek, ama pet agot agenge eng' icheek, kobatee weeriitap luseet; si kobiit kosulda siruutyet.

ROMANIK 11:17

Ago ngot ko ki kiiri mooriik alak, ak inyee ne ii mseitunitap timiin, ko ki kinamnyenen icheek eng' kwenunnywa, ak ki oyamde kobooto icheeget ne po tigityot ak akwaiyetap mseituni;

ROMANIK 11:22

Keer anyuno myeeindo ak koroomnatetap Kamuktaindet: eng' icheek che kibutyo, ko koroomnateet; ago eng' inyee, ko myeeindap Kamuktaindet, ngitebi eng' myeeindonyi: ngo ma uu nooto ketilin aginye.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

1 KORINTOEK 13:1

Agot ndang'alaale kutusweegap piik ak che po malaikaisyek, ama tinye chamyet, ko kaegu sugunwet ne cheei, anan sanitap sugunwet ne polei.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

1 JOHANA 2:19

Kimandoi eng' olinnyo, ki ma ko chechook; amu nda ki chechook, ta kitebyei kobootech: ago ki pa, si kobiit kotook keele ki ma ko chechook tugul.

NG'ANG'UTYET 3:19

Agere kong' tugul che achame ak atigooni. Igiilgei anyun, ak isigu.