JOHANA 1:4 - Bukuit Ne Tilil

⁴ eng' ineendet ko ki saboondo, ak saboonooto ko ki lapkeiyetap piik,

BUKUIT NE TILIIL Sireet ne Dutero Kanon

⁴ eng' ineendet ko ki saboondo, ak saboonooto ko ki lapkeiyetap piik,

BUKUIT NE TILIL

⁴ Kimi sobondo eng’ inendet; ak ki lapkeiyetab bik sobonato.

JOHANA 1:4 ပူးပေါင်းရင်းမြစ်များ

TIENWOGIKAL 49:6

Icheeget che imang'u tuguukwak, ak kolasunegei chaang'indap mogornatosyekwak.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

MATAYO 4:16

Piik che ki tebee mesundeito ko ki kogeer lapkeiyet ne oo, ak icheek che ki tebee koreet ne po urwetap meet, ko ki kochoorchigei lapkeiyet.”

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

JOHANA 11:25

Koleenji Jeso, Aa ng'eetyeet, ak saboondo: ineendet ne iyana, agot ngo me, kota kosabei:

JOHANA 12:35

Koleenji Jeso anyun, “Ta komi lapkeiyet eng' kwenung'wong' eng' peetuusyek che matya. Obendoti ye ta otinye lapkeiyet, si ma namak mesundeito: ak ineendet ne wendoti eng' mesundeito koma naei ole wendi.

JOHANA 12:46

Ki anyoo aegu lapkeiyet eng' ng'wony, si ma kotebyei eng' mesundeito chii age tugul ne iyana.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 3:19

Ak ni kirwooget, amu ki nyoonji ng'wony lapkeiyet, ak ki cham piik mesundeito kosiir lapkeiyet; amu ki yaach poisyonikwak.

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

JOHANA 5:26

Amu ko uu ye tinyei Kwanda saboondo ineegei, uu nooto Ki kogoochi Weeriit kotepto saboondo:

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

JOHANA 9:5

Ye ta ami, ko aa lapkeiyetap ng'wony.”

POISYONIGAP CHE KIYOKTOI 26:23

kole kanyool konyalil Kristo, ak kole komwaita korook eng' ng'eetyeetap che ki pek, lapkeiyet, komwachi piik ak Pororyosyek.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

1 JOHANA 1:1

Nooto ne ki mi kobooch taunet, nooto ne ki kegas, nooto ne ki kegeer eng' konyekyok, nooto ne kigesue, ak konam eunekyok, agobo Ng'olyootap saboondo,

1 JOHANA 1:2

(ak king'ang'ak saboonooto, ak ki kegeer, ak kebaoryani, ak kiboorwok saboonooto po koigeny, ne ki mi kobooto Kwanda, ak ki king'ang'wech;)

1 JOHANA 5:11

Ak paornatanooto ko ni, keele, ki koonech Kamuktaindet saboondap koigeny, ak mi sabooniito Weeriinnyi.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:16

“Anee Jeso ne kaayogu malaikaiyandennyu si kobaoryanwok tuguuchu eng' kanisosyek. Aa tigityot ak keswootap Daudi, taboiyat ne po karon ne ikwenyi.”