JEREMIA 9:10 - Bukuit Ne Tilil

¹⁰ Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

BUKUIT NE TILIIL Sireet ne Dutero Kanon

¹⁰ Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

BUKUIT NE TILIL

¹⁰ Amu arire ak atei agobo tulonok, ak amosiseni agobo ole agete tuguk eng’ ong’atet, amu kagolalyo, kot ko ma kobunei chi; ama komuchi kogas bik kautetab tuga; kogomwei taritikab barak ak tiong’ik.

JEREMIA 9:10 ပူးပေါင်းရင်းမြစ်များ

ISAIAH 41:15

Keero, ayain iegu kiit ne leel ne ng'atip ne kiboorsee, ne tinyei kelek: ibore tuloonook, ak itui komengegitu, ak iyai tuloonook che mengech kogergeit ak meteteek.

ISAIAH 49:19

Amu mariigitu komosweguk che kigemeto, ak che ki koguber, ak emeng'ung' ne kigeng'em, iman mariigityin piik che menyei, ak kolooegitu icheek che kiluguin.

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

JEREMIA 12:11

Ki koyai koek karaatya; riirchino, amu karaatya; ki keyai emet komugul koek karaatya, ak ma mi chii ne ibwaati emonooto.

JEREMIA 12:4

Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 14:6

Tonondos ak icheek sigirogap timiin eng' tuloonook che churyotin, isyendos ko uu lelwek; imenitu konyekwak, amu ma komi kiy ne tuon.

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 2:6

Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 50:3

Amu nyoonei pororyet eng' murot kaataam kobookyin, ne yaei emennyi koek karaatya, ama menyei chii olooto: kagomwei, kagoba tugul, chii ak tyony.

JEREMIA 7:29

Ee Jerusalem, icheru suumeeguk anyun, ak iwiirte, rirate eng' tuloonook che churyotin, amu kaesyok ak ametook anee Kamuktaindet ne Toroor, okweek ibini ko kogoono nereegek.

JEREMIA 8:18

Kata myee agaigaige si ma kase arageneet, tanui muguleldanyu.

RIREKAB JEREMIA 1:16

Ariire anyun agobo tuguuchuuto; saitoi peegap kong' eng' konyekyuk; amu loo eng' anee kagaigaindet ne kata isoobi saboondanyu. Ki koek lagokyuk kibananook, amu ki koterteeris puunyoot.

RIREKAB JEREMIA 2:11

Ibwandos konyekyuk amu peegap kong', nyalili moennyu. Ki koroong'jigei ng'wony koitonyu, amu ng'emisyetap piikyuk; amu tanuitos lagok ak che reryei eng' ortinwegap nganaseet.

RIREKAB JEREMIA 5:18

Amu tulweetap Zion, ne ki koek karaatya; ko pendate lelwek olooto.

EZEKIEL 14:15

Ngot agetu tyong'ik che yaacheen kobun emet, ak kong'em, kot koguber, ne ma komuuchi chii kobun amu tyong'ik;

EZEKIEL 27:2

Ee inyee, weeriitap chii, riir agobo Tyro,

EZEKIEL 29:11

Ma punei chii olooto, ama punei tyony, ama ki menyei eng' kenyiisyek artam.

EZEKIEL 33:28

Ak ayae emet koguber ak koek ne kikwong'ee, ak kogeskei menoteetap kimnateennyi; ak koek surkwen tuloonoogap Israel, kot koma kobunei chii.

EZEKIEL 6:6

King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

HOSEA 4:3

Riirei anyun emet, ak nyaluli age tugul ne menyei olooto, kobooto tyong'igap timiin ak toriitigap parak, ee agot njireenigap nyanja ko pegu ak icheek.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 1:19

Ee Kamuktaindet ne Toroor, ariirchinin; amu kagogees maat susweegap surkwen, ak kagolalyo keetiik tugul che po timiin.

AMOS 5:1

Ogas ng'olyoondoni amwae eng' riirek agobo okweek, ee kootap Israel.

AMOS 5:16

Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

MIKAH 2:4

Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.