JEREMIA 52:27 - Bukuit Ne Tilil

²⁷ Ak kibir laitoryatap Babilon pichooto, ak kobar eng' Ribla, eng' emetap Hamath. Ki kimut anyun Judah keluul komanda eng' emennyi.

BUKUIT NE TILIIL Sireet ne Dutero Kanon

²⁷ Ak kibir laitoryatap Babilon pichooto, ak kobar eng' Ribla, eng' emetap Hamath. Ki kimut anyun Judah keluul komanda eng' emennyi.

BUKUIT NE TILIL

²⁷ Ak kibir laitoriatab Babulon bichoto, ak kobar eng’ Ribla, eng’ emetab Hamat. Kigimut anyun Juda keluul komanda eng’ emennyi.

JEREMIA 52:27 ပူးပေါင်းရင်းမြစ်များ

2 SAMUEL 8:9

Kingo kas `Toi laitoryatap Hamath kole kogobar `Daudi lugeet tugul ne po Hadadeser,

2 LAITORINIK 17:20

Ki eesyo Kamuktaindet ne Toroor kesweek tugul che po Israel; ki inyaliil icheek ak konde eunegap piik che kiluul icheek, agoi kong'eeto icheek koba eng' tainnyi.

2 LAITORINIK 17:23

agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

ISAIAH 24:3

Ki yai emet koek ne ma tinyei kiy ak keng'em; amu kagomwa Kamuktaindet ne Toroor ng'olyoondoniito.

ISAIAH 27:10

Amu mi ineegei nganaseet ne ng'ootaat, meng'ooteet ne kigeue ak kemeto, ne uu surkwen; agete yooto moita, ak koru yooto, ak koam mooriikyik.

ISAIAH 43:28

Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.

JEREMIA 13:19

Kigeger nganasook che po murot tai, ama mi chii ne yaatei: ki kimut Judah tugul koek luulenik, ki kimut tugul koek luulenik.

JEREMIA 20:4

Amu mwaei Kamuktaindet ne Toroor kole, keero, ayain iegu kamuiset ne imuege, ak ne imue choronoguk tugul: ak kobar icheek puunikwak eng' rotwetap chok, ak igeer nooto: ak agoite Judah tugul koba eutap laitoryatap Babilon, ak koluul icheek koba Babilon, ak kobare rotwetap chok.

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 39:10

Ago ki pagaakta Nebusaradan kiptaiyatap riibiik, alak che po piik che kibananook, che ki ma kotinyei kiy, eng' emetap Judah, ak kogoochi icheek mbareenigap sabibuk kobooto mbareenik eng' peetuunooto.

JEREMIA 39:9

Yeityo komut Nebusaradan kiptaiyatap riibiik, piik che kiga ng'et eng' nganaseet koba Babilon koek luulenik, kobooto piik che ki mwei eng' nganaseet konamgei ak ineendet, kobooto piik che kiga ng'et.

JEREMIA 52:9

Komut anyun laitoryat, ak komut kwo ole mi laitoryatap Babilon eng' Ribla eng' emetap Hamath; ak ki irwookyi ineendet.

EZEKIEL 33:28

Ak ayae emet koguber ak koek ne kikwong'ee, ak kogeskei menoteetap kimnateennyi; ak koek surkwen tuloonoogap Israel, kot koma kobunei chii.

MIKAH 4:10

Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

NG'ATUTIK 28:36

“Imutin Kamuktaindet ne Toroor kobooto laitoryandeng'ung' ne tuun indoi koboun agoi iit pororyet ne mengen inyee anan kwanisyeguk, ak ioot kanamonik che po keetiik ak koik eng' olooto.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 4:26

ko kaaguur kipsengwet ak ng'wony kobaoryanjin peetuuni, ale osip olustosi owong'ugei eng' emet ne obendi olandoe Jordan oname kobunjook. Ma chaang'aitu peetuusyekwok eng' olooto ago king'emok owong'ugei.