JEREMIA 52:24 - Bukuit Ne Tilil

²⁴ Ak ki imut kiptaiyatap riibiik Seraiah tisiindet ne oo, ak Zephaniah tisiindet ne po aeng', ak riibiik somok che ki riibei kurgeet:

BUKUIT NE TILIIL Sireet ne Dutero Kanon

²⁴ Ak ki imut kiptaiyatap riibiik Seraiah tisiindet ne oo, ak Zephaniah tisiindet ne po aeng', ak riibiik somok che ki riibei kurgeet:

BUKUIT NE TILIL

²⁴ Ak kiimut kiptaiyatab ribik Seraia tisiindet ne o, ak Sepania tisiindet ne bo aeng’, ak ribik somok che kiribei kurget:

JEREMIA 52:24 ပူးပေါင်းရင်းမြစ်များ

2 LAITORINIK 23:4

Ki ng'at `laitoryat Hilkiah tisiindet ne oo, tisiik che rubei ne po tai ak riibiigap kurgeet, koip komong' eng' Hekaluutap Kamuktaindet ne Toroor tereenik tugul che ki kiyachin Baal, che po Asera ak che po tuguuk tugul che po kipsengwet. Ki peel eng' Jerusalem saang' eng' mbareetap Kidron ak koip oreek koba Bethel.

2 LAITORINIK 25:18

Ki imut `kiptaiyatap riibiik Seraiah tisiindet ne oo ak Zephaniah tisiindet ne po aeng' ak riibiik somok che ki riibei kurgeet.

1 ATEPTAP PEETUUSYEK 6:14

ki sich `Azariah Seraiah, ak ki sich `Seraiah Jehosadak.

EZRAH 7:1

Kingo pata tuguuchu eng' laitornatetap Artaserses laitoryatap Persia, ko ki mi Ezrah weeriitap Seraiah, weeriitap Azariah, weeriitap Hilkiah,

TIENWOGIKAL 84:10

Myee peetuut agenge ne atebee seremusyeguk kosiir eliphuut. Achame ariip kurgeetap kootap Kamuktaindennyu, Kosiir ameny emaisyegap kiptengeginik.

JEREMIA 20:4

Amu mwaei Kamuktaindet ne Toroor kole, keero, ayain iegu kamuiset ne imuege, ak ne imue choronoguk tugul: ak kobar icheek puunikwak eng' rotwetap chok, ak igeer nooto: ak agoite Judah tugul koba eutap laitoryatap Babilon, ak koluul icheek koba Babilon, ak kobare rotwetap chok.

JEREMIA 21:1

Ki nyoonji Jeremiah `ng'olyoot ne ki punu Kamuktaindet ne Toroor, ye ki iyooktoi ineendet Laitoryat Zedekiah kwo kap Pasur weeriitap Malkija, ak Sepania weeriitap Maaseia tisiindet, koleenji,

JEREMIA 29:25

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, amu ki iyookyi piik tugul che mi Jerusalem paronok eng' kaineng'ung', ak iyookyi Zephaniah weeriitap Maaseia tisiindet, ak tisiik tugul, ileenji,

JEREMIA 29:29

Ak kisomanji Zephaniah tisiindet parwaani, kogasei Jeremiah maotyot.

JEREMIA 34:21

Ak agoitoi Zedekiah laitoryatap Judah ak pounikyik koba eutap puunikwak, ak koba eutap icheek che cheeng'ei saboonwekwak, ak eutap lugeetap laitoryatap Babilon, che ki pa eng' oli omi.

JEREMIA 35:4

ki amutu kobwa kootap Kamuktaindet ne Toroor, agoi koot ne po oriit ne po weeriigap Hanan weeriitap Igdalia, chiitap Kamuktaindet ne Toroor, ne kineegite koot ne po oriit ne po pounik, ne ki mi paragutap koot ne po oriit ne po Maaseia weeriitap Shallum, riibindetap kurgeet.

JEREMIA 37:3

Ak ki iyookto Zedekiah laitoryat Jeukal weeriitap Selemya, ak Zephaniah weeriitap Maaseia tisiindet, koba kapmaotyot Jeremiah, koleenji saiywech anyun Kamuktaindet ne Toroor, Kamuktaindennyo.

JEREMIA 52:12

Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:

JEREMIA 52:15

Yeityo komut koluul Nebusaradan kiptaiyatap riibiik piik che kibananook miising', ak piik che kiga ng'et eng' nganaseet, ak che kiga chililso, che ki igoochigei laitoryatap Babilon, ak piigap tuiyet che ki kong'et.

RIREKAB JEREMIA 4:16

Ki koseerseer `Kamuktaindet ne Toroor ineendet icheek; ma koiti `Inee icheek kogeny; ma koiti tisiik koek kiy, ama kotinyei konyit poisyek.

EZEKIEL 11:7

Mwaei anyun Kiptaiyat Kamuktaindet ne Toroor kole: Panyeek piikwok che kigebar che ki onde kwenutap nganaseet, ak nganasani ko tereet: ago kimutwok omang'une kwenunnyi.

EZEKIEL 24:5

Kwei keechiirek che myach eng' akweet, ak irurukyi ma kawek: ingowaskei miising'; ee, iyoe teronooto kawechooto.

EZEKIEL 34:10

Mwaei Kiptaiyat Kamuktaindet ne Toroor kole: Ogeero, aborye mestoweek; ak amage eunekwak keechiirekyuk, ak aeete icheek kobai keechiirek; ama kobaegei mestoweek amitwogik kogeny; ak asaru keechiirekyuk eng' kutusweekwak, si ma ek amitwogikwak.