JEREMIA 50:29 - Bukuit Ne Tilil

²⁹ Kuur mwogik tugul kobargei ak Babilon, icheek tugul che riichei kwangok koyiem komoswekyik; amengochilil agot agenge eng' olooto: yaakyi mugetuut ko uu poisyonikyik; oyachi ko uu tugul che ki koyai: amu ki komenji Kamuktaindet ne Toroor, ki komenji Ineendet ne Tiliil ne po Israel.

BUKUIT NE TILIIL Sireet ne Dutero Kanon

²⁹ Kuur mwogik tugul kobargei ak Babilon, icheek tugul che riichei kwangok koyiem komoswekyik; amengochilil agot agenge eng' olooto: yaakyi mugetuut ko uu poisyonikyik; oyachi ko uu tugul che ki koyai: amu ki komenji Kamuktaindet ne Toroor, ki komenji Ineendet ne Tiliil ne po Israel.

BUKUIT NE TILIL

²⁹ Kuur mwogik tugul kobargei ak Babulon, ichek tugul che riichei kwangok koyiem komoswekyik; amengochilil agot agenge eng’ oloto: yaakyi mugetut ko u boisionikyik; oyachi ko u tugul che kigoyai: amu kigomenji Jehovah, kigomenji Inendet ne Tilil ne bo Israel.

JEREMIA 50:29 ပူးပေါင်းရင်းမြစ်များ

KOMONG'U 10:3

Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

ISAIAH 37:23

Ak ng'oo ne ki ichot ak ichup? Ak ng'oo ne ki ibolji ak injurur? Nooto ko Ineendet ne Tiliil ne po Israel.

ISAIAH 47:10

Amu ki imang'u sogornateng'ung'; ki ile, Ma mi chii ne keera; ki komaasin utaatyeng'ung' ak naeng'ung': ak ki imwa eng' muguleldang'ung' ile, Aneendet, ma mi age kobatena.

JEREMIA 25:14

Amu yaei pororyosyek che chaang' ak laitorinik che eecheen icheek koek otwogikwak, koot icheek: ak ayaakyi icheek ko uu poisyonikwak, ko uu poisyonigap eunekwak.

JEREMIA 48:26

Ogoochi ineendet kobogit; amu ki kotoroorgei kogirinda Kamuktaindet ne Toroor; ak mildoegei Moab kang'undaekyik, ak kerorechin.

JEREMIA 49:16

Ago ki koberberin menoteetap muguleldang'ung', amu kamuiseng'ung', ee inyee ne imenye ole kibetak eng' rwandet, ne iname walitap tulweet: nganda iteeche kesweng'ung' eng' parak ko uu kipsiichit, arorogun eng' olooto, mwaei Kamuktaindet ne Toroor.

JEREMIA 50:24

Kaariich mesteet agobo inyee, ak kageluulin kogeny, ee Babilon, ak ki ma inai: kogenyoorun, kogenamin kogeny, amu ki oborye ak Kamuktaindet ne Toroor.

JEREMIA 50:26

Obwa obargei ak ineendet che obunu kiwotosyek che looen, oyat chogenikyik: oyum ineendet ko uu karurugutik ak ong'em ogesu: amat kong'et kiy nenyi.

JEREMIA 50:32

Ak koriichkei kobut menotyot, ama mi chii ne ing'eeti ineendet: ak anaam maat eng' nganasookyik, ak kobeel tuguuk che miitei komoswekyik.

JEREMIA 50:9

Amu, ogeero, ang'eeti tuiyetap pororyosyek che eecheen che punu emetap murot kaataam kobookyi Babilon: ak kotet lugeet kotokyigei emonooto; kiluulei eng' olooto: uu kipchabonikwak che po chiito ne nyigan, ne mwogindet; ma mi ne weeksei puch.

JEREMIA 51:24

Ak ayaakyini Babilon ak piik tugul che menyei Kaldea, yaityennywa tugul ne ki yai eng' Zion eng' taing'wong', mwaei Kamuktaindet ne Toroor.

JEREMIA 51:3

Amat koriich kwangennyi mwogindet, amat kong'eet kolaachi ngoryeetap lugeet: amoriree neranikyik; ong'em lugeennyi tugul ogesu.

JEREMIA 51:49

Ko uu ye ki parei `Babilon Israel kobutyo, ko uu nooto ibutos eng' Babilon piik che tuun kibarei che po emet tugul.

JEREMIA 51:56

amu kagonyonji ineendet luulindet, kagonyonji Babilon ak kagenam murenikyik che nyigoonen, kagetonaton kwangokwak: amu Kamuktaindet ne Toroor ko Kamuktaindet ne po yaaktaetap mugetuut, yaaktoi iman mugetuut.

RIREKAB JEREMIA 1:9

Ki mi simdanyi ngoroikyik; ma ibwaat kagesunennyi ne po let. Katururgei anyun eng' kwong'eet; ma tinyei kagaigaindet: Ee Kamuktaindet ne Toroor, keero nyalildanyu; amu kogotoroorgei puunyoot.

RIREKAB JEREMIA 3:64

Iyaaktochini ng'wony icheek, ee Kamuktaindet ne Toroor, ko uu poisyonigap eunekwak.

DANIEL 11:36

Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

DANIEL 4:37

Alasu anyun anee Nebukadnezar, ak atoroori ak agonyiti Laitoryatap kipsengwet, amu po iman poisyonikyik tugul, ak ko po kirwooget ortinwekyik; ak imuuchi koming'in icheek che pendoti eng' menoteet.

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

OBADIA 1:15

Amu kariikyi `peetuutap Kamuktaindet ne Toroor pororyosyek tugul. Ko uu ye ki iyai, keyaun ko uu nooto; weekyingei meting'ung' poisyoniguk.

2 THESSALONIKEK 1:6

si ngo kiy ne po imanda eng' Kamuktaindet koyaakyi mugetuut ne po nyalilda icheeget che inyalilok,

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 18:6

Oweekyi ineendet ko uu ye ki koyai, ak oyaakyi ineendet konyil aeng' ko uu poisyonikyik; kigombet ne kiburuge, oburukyi ineendet konyil aeng'.